رواية مراهقات الأعدادي .. رواية اكثر من رووعة .. الخسراان الي ما يقراها

هلا والله
بـــ الأعضاء والعضوات

شحالكم ؟
اتمنى الجميع ابخير

اليوم بخلي لكم رواية مراهقات الأعدادي .. اول روااية تختص للبنااات فقط وعن حياتهم
وما تخلى من الضحك والفرفشة والسواالف الحلوووة :00048:
ومتأكدة انها عجبتكم
لأن انه وحده اقراها اكثر من مرة

وما اتمنى منكم يالأعضاء غير انكم اتشرفوني بطلتكم وزيارتكم
وقرائة الرواية
ومتأكدة انكم ما راح تفشلوني
وبتردون بالردود الحلووة والمشجعه

وراح ابدء انه بوضع الأجزاء بالتدريج

تقبلوا خاااالص تحيااااتي :019244:
يااحلى اعضاء

************************************************************

رواية مراهقات الأعدادي

في هذه الروايه نتحدث عن جيل المراهقات .. في زمننا هذا ... والذي طرأ عليه الكثير من التغير .. وغّير شخصيات الكثير من الناس .. فبعضها لم يتأثر وبعضها تأثر وبصوره كبيره ... نسلط الضوء على قضية الفتيات المراهقات ... الاتي في المرحله الأعداديه .. وكيفيه حياتهم ... وسوف نتحدث عن العديد من القضايا الواقعيه والحقيقية .. التي يعيشها كل من اخواتنا المراهقات .... وسوف نتحدث بشكل منفصل عن مدرستين ...تدور فيهما احداث القصه .... ارجو ان تنال على اعجابكم .. وحسن رضاكم ...

المدرسة الأولى " ...يثرب .................. "
مراهقاتها .. " البنات الي بنتكلم عنهم " :
صف الأول اعدادي :
الاء : جسمها متزن ... وتمتلك وجها جميلا ً .. وابتسامه عذبه ... طبيعتها المرحه والخجوله ... واحيانا التعصب ...<< بطلة الروايه
دعاء : ضعيفه ... جميله ... شخصيتها متقلبه ... تحن وتقسوا .. تحب وتكره ... بأختصار غامضه ..

مراهقات الثاني اعدادي :
ايمان : جسمها ضعيف .. بشرتها سمراء .. عصبية وحساسه .. محترمه ومؤدبه ..فاهمه ورزينه... صريحه لأبعد الحدود .. ومستواها الدراسي تفوق .. وتنادى من قبل شلتها ب " ايمو " ..

سكينة : مدبرة الخطط .. تحل جميع المشاكل .. عبقريه .. تصنع جو الوناسه والفرفشه .. ابنة خاله منار .. وتنادى ب " سيكو". وعضوه جديده في شله " فمويز " ..

فاتن : جسمها ضعيف .. بشرتها بيضه .. مستوى الدراسه متوسط .. اخر من يعلم بالأحداث .. ودائما ما تكون ضائعه .. وتنادى ب " فاتتو " ..

منار : عصبية .. مزاجيه لأبعد الحدود .. لا تهتم بنفسها .. وجريئة جدا ً . وتحكم على الناس من خلال المظهر .. وتنادى ب " دودي " ..

ولاء : ضعيفه ... بيضه ... تمتلك غمازتان في وجهه ... وعينين كبيرتين بعض الشئ .. ومائله للون الفاتح . مزاجيه .. تحب الفوضى .. وتريد ان تملك كل شئ .. وكل ما تملكه يعبر عن شخصيتها .. لها اصدقاء كثر .. وافضل الساعات التي تعيشها .. التي تقضيها في المدرسه .. << بطلة الروايه

" جميع مراهقات الثاني الأعدادي .. في شله تسمى فمويز "

" علما ان هذه المدرسة امامها مدرسة للمراهقين .. مدرسة اولاد .. وايضا ً اعداديه"

المدرسه الثانيه " عائشه ام المؤمنين "
مراهقاتها :
اسماء : ضعيفه .. سمره .. تملك عينان غامقتان بالأسود ... ونظراتها جميله جدا ... تمتلك ابتسامه توحي للطيبه .. ... شخصيه مرحه وفكاهيه . معروفه في المدرسه .. لاعبه رياضيه في منتخب المدرسه .. تلقب با ارنوب .. سوف تتعرفون عليها اكثر في القصه .. << بطلة الروايه

وسن : شخصيه غامضه .. سمره .. جسمها متزن ... لا تعلم عن مشاعرها شئ ... تحتفظ باسرارها وحدها ... وكثيراً ما تفضل الصموت على التحدث ..

مريم : بيضه .. جسمها متزن ... متقلبت الطباع ... شخصيه اجتماعيه وحبوبه من الجميع ... جريئة ....

شوق : وجهه طفولي .. وجميل جدا .. فوضويه .. حركيه كثيرا .. دلوعه .. مسئولة عن كل المشاغبات الي تحدث في الصف .. وصانعه للمقالب للمعلمات ..

وباقي الشخصيات .. سيتم عرضها اثناء الروايه..

********************************************

الجزء الأول :

في مدرسة .....يثرب.............
اول يوم دراسي ...
في الساحه ...
التم شمل الشله " فمويز " .. من بعد القاء الحار .. ومشوا متجهين ناحية الصفوف .. لمعرفه كل منهم ما هو صفها .. وكانو يدعون ربهم .. ان يكونون كلهم في صف واحد .. وصلوا لأول صف .. لقوا بس وحده منهم فيه .. وهكذا على باقي الصفوف .. فا انتشرت الشله اعضائها .. كل صف .. فيه وحده .. وهذا الخبر كان مثل الصاعقه الي نزلت على روسهم ..
ولاء " تصرخ بأعلى صوتها " : شنو ؟ شنو ؟ شنو ؟ كل وحده بروحها . !!
ايمان " بعصبيه " : والله يقهروون ديلين بعد .. على ها التقسيمات الباايخه .
منار " والدمعه في عيونها " : هاذيلي مصخنين اكيييد .. يفرقون جدي عااد !
فاتن " تجمع الأفكار في عقلها " : تعالوا .. يعني الحين احنا كل وحده بروحها في صف .. شلون ؟؟
ولاء " عصبت " : واحنا شنقووول من الصبح .. بليييز فاتتو خلج ويانا على الخط
فاتن " توها موصله لها المعلومة " : يـــــه ما يصير جدي .. بروح اتهاوش معاهم الحين ..
ايمان : ورينا عضلاتج .. يالله روحي ..
فاتن " تفتح فمها " : هاا .. يعني انتو ما بتجون معاي ..
منار " تغير السالفه " : اقول امشوا امشوا .. نروح نقعد في الساحه .. ابرك من مقابله الصفوف الجميله ..
ولاء " تأيدها " : اي يالله ..

علامات العصبيه والحزن مرتسمه على وجوه الشله .. وبدل ما يكون اليوم الأول احلى يوم .. صار بالنسبه لهم .. اتعس يوم بيعيشون فيه ساعاته وهم مفترقين ... من ناحيه اخرى .. تصل للمدرسه الاء .. وطبعا طالبه جديده في المدرسه .. اول اعدادي .. دخلت المدرسه تدير راسها حولها .. تبحث عن رفيجتها العزيزه على قلبها ولاء .. وتلاقت عيون ولاء بالاء .. وتركت ولاء الشله .. وراحت لها ..

ولاء " بأبتسامه بسيطه " : هلا
الاء " مبتسمه " : اهليين ... شخبارج
ولاء " من غير نفس " : زفففت
الاء " مستغربه " : شحقه ؟
ولاء " بعصبيه اكثر " : فرقوا شلتنا .. عسا الله ... ما ابي اسب (( بمعنى اشتم )) خليني ساكته ..
الاء : اهاا .. ما عليه .. هونيها وتهون .. اهم شي انتو في مدرسه وحده ..
ولاء " تهدي من روحها " : اي اهم شي .. على العموم امشي خلا انجوف انتي وين حطوج .
الاء : يالله ..
وصلوا للوحه المعروضه فيها الأسامي .. وجافوا وين اسم الاء بأي صف .. وراحت وجدان توصل الاء لصفها ..

في مدرسة عائشة ....
تدخل اسماء المدرسه .. بابتسامتها الدايمه ..وسلمت على الفراشات . لأن الكل يحبها ويعرفها .. ووصلت للساحه .. وبصوت جاي ليها
فاطمه " تناديها " : حيا الله با ارنوووووبه
اسماء " تضحك شوي " : ههه هلا هلا فيج اسد
فاطمة " تقترب منها " : معاي في الصف هاا
اسماء : صج ؟
فاطمة : ايي
اسماء " تبتسم " : وااايد زين .. تمام ... عيل وين صفنا ؟
فاطمة : فوق .. صوب المرسم .. فرقه 2
اسماء " تبدا بالحركه من مكانها " : ما بتركبين معاي ؟
فاطمة : نوو .. بروح لرفيجتي تنطرني
اسماء : اوكو .. سي يو في الصف

((شخصيه فاطمة : طيبه .. وحبوبه .. ومعروفه في المدرسه .. افضل لاعبه كرة سله في المدرسه .. وتتحدى دايما اسماء .. اهي المنافس الأكبر لها .. وينادونها اسد على قوتها .. ولأنها اتفوز على اسماء .. فينادون اسماء بارنوب .. ))

اسماء تدخل الصف .. والا بصوت شوق ناحيتها
شوق " تتصنع العصبيه " : شنوو انتي ؟ شحقه اتلاحقيني في كل صف .. ما اطيييقج انه .. طللعي يالله
اسماء " تتضحك " : وانتي ما بتعقلين .. خلاص كبري كبري .. صرتي ثالث موب ياهل ..
شوق " تقترب منها .. ويحضنون بعض .." : نحيسسسه .. قعدي صوبي
اسماء " تهدها " : ليش انتي وين قاعده ؟
شوق " تأشر على الكرسي والطاوله "
اسماء : مكان استراتيجي .. على الدريشه .. وصوب الجدار .. بقعد شلون ما اقعد
"و تسبقها اسماء تركض علشان اهي تصير صوب الجدار .. "
شوق " تتضحك عليها " : روحي روحي .. انه ما احب الجدار .. ايجيب ليي النومه
اسماء " تقط اغراضها على الكرسي " : شقالوا لج .. الجدار حبوب منوم وانه مادري .
شوق " تطلع لسانها " : يمكن

وتجي مريم من خلف اسماء وتغمض اعيونها ..
مريم : حزري .. فزري .. من اكون ؟
اسماء : رفيجة اسوم
مريم : ومن تكون ؟
اسماء : مريوووووم

مريم تشيل ايدها من على اسماء وتحضنها .. ويسلمون على بعض ....
مريم : وحشتيني يا بعد جبدي
اسماء " بأبتسامه " : وانتي بعد .. " وتنظر حواليها في الصف " : .. لا تقولون يعني انه يايه من وقت !!
شوق " تطالع الطريج من النافذه " : يسس
اسماء " ترفع حاجب " : امم تطور في حق البشريه .. " وتوجه كلامها لمريم " : اقول مريم .. امشي نجوف قائمة الفريندز الي معانا في الصف

وتنط شوق في ويه اسماء
شوق " تتخصر " : نعمم .. وانه بتخلوني بروحي في الصف !!
اسماء : واحد قال لج قعدي بروحج .. حياج معانا
شوق " ترفع حاجب " : لا .. بس انه بقعد اهني " وتنظر للنافذه " : كا جت ابرارو ما يحتاج ..
مريم " تمسك ايد اسماء " : يالله عيل مشينا

..............

نرجع لمدرسه " يثرب "

الاء قاعده في الصف .. وحاطه ايدها تحت خدها .. وتتأفف .. وجت وحده ووقفت صوبها

اسراء : هلا
الاء " مستغربه نوعا ما " : اهلين
اسراء : ممكن اقعد صوبج ؟
الاء : اوكي ليش لا
اسراء : شكرا ً " وتحط اغراضها .. وتقعد صوبها .. وتتكلم معاها .. "
اسراء : ما تعرفت على اسمج ؟
الاء : اسمي الاء
اسراء " تبتسم " : تشرفنا .. وانه اسمي اسراء
الاء : عاشت الأسامي
اسراء : عاشت ايامج

اذا لقيت الردود
والمواصلة مع الرواية منكم
راح اخليها كلها
ناطرة الردود
لا تقصرووون معااااي
لو وصل الردين اكمل

ناطرين التكملة ياعسل

انشاء الله يا قلبي

روووووعة ننتظرك
شكلك حنيتي لأيام المتوووسط

اسراء " تنظر من حولها .. بشكل عشوائي " : احس رووحي ضايعه .. مااعرف احد اهني ..
الاء " تناظرها شوي " : انه اعرف احد اهني ومعاي رفيجاتي ..
اسراء " توها بتتكلم ويرن الجرس .. بدايه الدوام " : تتوقعين في طابور
الاء " ترفع حاجب " : ما اظن ... بس امشي انجوف برع

وطلعوا الثنتين ناظرو من السور .. جافو ماكو طابور .. ردوا الصف ... وامتلاء الصف الحين من البنات ... والفوضه قايمه ... ويحل الصمت فجاءة لدخول معلمة الصف ..

المعلمة : السلام
البنات يوقفون : وعليكم السلام ورحمه الله وبركاته
المعلمة " تبتسم " : تفضلو قعدوا ..

قعدوا البنات ... وقامت المعلمة اتعرف روحها على البنات .. واتعرفت على البنات ككل اول يوم مدرسي معرووف ...

" ننتقل لصف ولاء " :::

تدخل المعلمة الصف ... بحركه سريعه ... واتسلم
وقفوا البنات .. ووجدان تمت قاعده ... انتبهت لها المعلمة وكلمتها
المعلمة : الي اهناك قومي اوقفي .
ولاء " تدز الكرسي لوره بقوه وتوقف " : اسمي ولاء لو سمحتي
المعلمة " تستغرب شوي ... وتكلمها " : انزين ولاء... لمن تدخل المعلمة توقفين .. اوكي ؟
ولاء " تطالعها من طرف اعيونها " : ايصير خير
المعلمة " اتوجه الحديث للجميع " : السلام عليكم بنات
البنات : وعليكم السلام ورحمه الله وبركاته
المعلمة : قعدوا
قعد الجميع .. وعرفت روحها على البنات . واتعرفت على البنات ... بعدها رن بدايه الحصص . والحصه الأولى ....

::: في مدرسة عائشة :::
بالتحديد صف اسماء :::

اسماء واقفه ومعصبه مقابله مريم ..
مريم : عاادي صدقيني عااادي . من حلاتها يعني الحين الي انتي مهتمه لأمرها ..
اسماء : شنو ما اهتم ؟ هاي وسن تعرفين يعني شنو ؟ وسن
مريم " تدور بعيونها .. تجمع افكارها وتتكلم " : انه مادري على شنو انتي اتحبينها .. وحده وااااااع .. مادري احسها متكبره ..
اسماء " تعفس بحجاتها " : الناس جواهر ماهم مظاهر
مريم " توضع الحواجز امام حب اسماء لوسن " : ومها ؟ " تقصد معلمة الحاسب الي تحب اسماء بكثره وواضح امام كل البنات في المدرسة ...
اسماء " ترتبك اثناء سماعها للأسم " : مادري .. بس ما عدت احبها مثل قبل .. " وتقرب روحها من مريم " : لأني احب وسن حاليا ً
مريم : كيفج .. حبي الي بتحبين ... بس ما اظن مهوي بتعديها لج على خير " وتناظرها نظرة حذر "

وتدخل هنا معلمة رقيه الصف " درست البنات فصل واحد اجتماعيات .. في ثاني اعدادي .. لذا البنات يعرفونها ...

المعلمة : السلام
الجميع : و عليكم السلام ورحمه الله وبركاته
معلمة رقيه " تنظر إلى اسماء .. وتكلمها " : شرايج اسماء انتي اتيبين الكتب .
اسماء " تساسر شوق .. لأنها قاعده صوبها " : شمعنى انه ... " واتكلمها " : اوكي ليش لا
م . رقيه : خلاص يالله روحي جيبي الكتب
اسماء " وارتسمت علامه الأستفهام على ويها .. وتأشر على روحها .. وتكلمها " : برووحي ؟!
م . رقيه " تبتسم لها بطريقه غريبه .. واتكلمها " : بتتعبين مثلا
اسماء: لالا .. بس بروح بروحي

وتتحرك اسماء من مكانها متجها للباب ... وما ان اقتربت من الباب بتطلع .. تناديها المعلمة ..
اسماء " تلتفت " : نعم
م . رقيه : اتحملي بروحج " وتبتسم لها "
اسماء " ترفع حاجب بأستغراب شديد " : ان شاء الله
وتطلع من الصف ... واهيا معصبه شووي ... من تصرف المعلمه معاها وحركتها ...
اسماء " اتكلم روحها " : شفيها دييي .. اتكلمني جدي ... الحمدلله والشكر ... ماكو معلمة عدله ...
وصلت اسماء للصاله ... وعدلت روحها شوي .. ودخلت ..
اسماء : السلام
المعلمات : وعليكم السلام
اسماء : بغيت كتب مال ثالث اعدادي
وكانت معلمة مها في الصاله ... فكانت اسماء تتغاضى النظر ليها .. وتطالع جهه ثانيه ..
م . مها : من الي في صفكم الحين اسماء
اسماء " برسميه زياده عن اللزوم مع معلمه مها " : معلمة رقيه
م . مها : وطرشتج ابروحج تاخدين الكتب ؟
اسماء " تتحاشى الكلام معاها " : اي .... وين الكتب الي اخدهم
م . مها " تضحك على اسماء " : هههه كاهم كاهم ... اخذي كلحين ركبي ونزلي ... ودّي نوع من الكتب ... يالله بدي
اسماء " تناظرها بغيض " : ايصير خير ...
وتحمل الكتب ... ومن العصبيه .. حملت كتب بصورة كبيره .. وتخرج من الصاله .....
اسماء " تتنفس بصعوبه .. لثقل الكتب الي حملتهم .. وتكلم روحها " : ما عليه يا مهوي .. هييييين .. انه اراويج من الي راح يعطيج فيس من بعد اليوم ...
وتوصل للصف .. وكان باين عليها التعب .. وثقل الكتب ...
اسماء " توضع الكتب بقوه على الطاوله وتتكلم " : معلمة ما يصير جدي .. ابي مساعده من احد ...
م . رقيه " اتكلمها بهدؤ " : اوكي اوكي .. لا تعصبين علينا ... احد منكم ايقوم ايساعد اسماء

::: في مدرسة يثرب :::
صف ولاء :::
ولاء : اقول معلمه انه ابي اروح اييب الكتب
المعلمه : انزين رووحي .. " وتحذرها " : مو اتروحين مني منااك
ولاء" تبتسم ابتسامه مزيفه " : لالا افا عليج معلمه .. مباشره لمكان الكتب ..
المعلمة : يالله روحي
ولاء " تطلع من الصف " : اووووووكي
ولاء " اتكلم روحها " : واايد مصدقه عمرها هايي بسمع كلامها .. بففففف
وراحت ولاء لعند كل صف فيه احد اعضاء الشله ومروا على بعض .. وطلعوا يتمشون كلهم لمكان الكتب ... والضحك ما فارق ويهم .. لين ما وصلوا للمكان اشوي هدئو واتفرقوا ......
ومرت الحصص الثلاث الأولى سريعه .. طبعا كانت كلها حصص فراغ وسوالف وتعارف البنات على بعض ...وارتاحت الاء بالنسبه لأسراء ..بس كانت متضايقه .. ليش انها توقعت بتقضي طول الوقت مع ولاء .. بس وين .. وولاء العصبيه تطلع من كل عرق فيها . ..

:: رن جرس الفسحه ... وامتلت الساحه بالضجى والبنات .. ::
طلعت الاء من الصف ابروحها تتمشى .. وتركز نظرها في ديكور المدرسه .. والصفوف الكثيره ... كانت تنزل من على الدرج واهيا منزله
راسها تطالع الأرض وتفكر ... ولمن جت بتلف واهيا ما زالت مو منتبها .. كانت راح تصدم في دعاء ..
دعاء " تردها علشان ما يصدمون في بعض " : انتبهي ... " ولمن نظرت لها بتمعن عرفت ان هاي رفيجتها والعزيزه على قلبها الاء .. ضحكت شوي " : ههه هلا ..
الاء " تبتسم .. وكأنها حصلت الشي الي كانت تبحث عنه " : هلا والله
دعاء : شفيش تمشين ابروحش ... ايصير تمشين معاي ؟
الاء : اي ليش لا
ومشوا مع بعض في ها المدرسه الجديده عليهم .. وعرفوا كل زوايه فيها .. واشتروا لهم اكل .. وتموا يسولفون مع بعض ..

:: اما في مدرسه عائشة ::
اسماء " تنادي بأعلى صوتها .. للفراشه الي تبيع في المقصف " : ام حسيييييييين ... تكفييين انه اول وحده
ام حسين " تبتسم في ويها " : هلا والله ... قولي شتبين
اسماء : الله لا يهينش .. عطيني كولا .. وهم جبس ... وكاكو .
ام حسين " تعطي اسماء اكلها ... وتمد لها اسماء الفلوس .. ومشت من غير ما تتعرض لأي ازدحام وصراعات مع البنات ..""
اسماء " تنادي على مريم .. الي تعبت من الوقفه وقعدت على احد الكراسي المظلله الي قريبه من المقصف " : يالله مريووم قومي
مريم " تتقرب من اسماء ويتمشون " : اجوفج ما اتأخرتي
اسماء " تغمز لها " : بعد واسطاات
مريم : مشكللل
اسماء : ما علينا .. انتي ما تبين تاكلين ؟
مريم " بحركه توحي على النفي " : لالا ماني بيوعانه
اسماء : اهاا " وتلف روحها مرة وحده عكس الأتجاه الي كانت تمشي "
مريم " تستغرب " : شفيييش ؟ ! عكستي الطريج
اسماء " تتهرب " : ما تجوفين معلمة رقيه ... قاعده ادور .. ومالي خلق ملاغتها عليي ها الحزة ..
مريم " تفطس ضحك على شكل اسماء " : ههههههههههههههههههههههههه ... وانه علبالي شي جاايد الحين ..
اسماء " تأكد " : اي شي جاايد بالنسبه ليي ... اقول امشي نقعد مع بنات صفنا على الكراسي ..
مريم " ما عجبتها الفكره .. بس مالها حيله " : انزين يالله
اسماء " والأبتسامه تعلو على ملامحها " : هلا والله ببنات صفنا ..
البنات : هلا هلا .. قعدي
اسماء " بروحها الفكاهيه " : نعم نعم اقدر شعوركم تجاهي .. حيااج اختي . " وتأشر تجاه مريم علشان تقعد .. ومريم تقعد "
زينب : اقول اسوم ... اي مجال بتروحين ؟
اسماء : شوور ما بروح كمبيوتر ... لأن لاعت جبدي منه .. بروح الفن ..
مريم " تفضح اسماء " : ما عليكم منها مو من الكمبيوتر من المعلمة
اسماء " تضربها بخفيف " : سخيييفه .. ما اتنكتين ... وبعدين من صجي لاعت جبدي سنتين وانه مطيحه في ها الكمبيوتر واهم ما يعطونا شي جديد نستفيد منه ... الا ورد وبور بوينت ..
زينب : اي زين اتسوين .. انه بروح كمبيوتر .. لأني ما رحت ... بس قولي لي رايج في المعلمة .. اوكيه ما تتطلب واايد ؟
اسماء " ما تبي تتكلم عن معلمة مها وتتذكرها " : لالا ما تطلب واايد .. بس سوي روحج ما تفهمين شي في الكمبيوتر .. لأن اذا بينتي لها تعرفين كل شي .. بتخليج اتصيرين السكرتيره بتاعتها .. يعني مثلي سابقا ً ..

زينب : اي اها اووكي ... " وتنظر لوسن وتأشر ليها علشان اتجي تقعد "
وسن " تبتسم " : هاااي
الجميع : هاياات
نور : اووو وااايد طولتي ... اتصدقين نسيناش
وسن " تتكلم بطبيعتها الهاديه .. وبصوت ناعم ومنخفض " : بعد شسوي ما احب اروح اتهاوش مع البنات ... لمن يكملون هواشهم اروح اخد ليي ..
مريم " تلف ويها .. لأنها ما تواطن وسن ودلاعتها .. ووتتحلطم بصوت منخفض " : مشكل عليش يالناعمه .. ما تتخالط مع البنات ماالت
اسماء " سمعتها ودزتها بخفيف .. وتبتسم في ويها وسن " : جان قلتي ليي .. جان في نفس الثانيه حصلتي لج الطلبيه .
زينب " تأيد اسماء في كلامها " : اي اسماء عندها واسطاات .. ما تتأخر .وسن " تنظر لأسماء وها المرة طوولت ... اسماء ناظرتها بس لمن جافت وسن اتطالعها ... استحت شوي ولفت ويها ..
مريم " توقف مرة وحده " : اقوول اسوم قومي خله نتمشى .. ما احب اقعد اني
اسماء " عصبت شووي وتكلمها بصوت منخفض " : اقوول انرزعي مكااانج .. الحين لمن قعدت معانا قلتين بتقوومين .. اشفيش انتي ما تفهمين ؟ !
مريم " ترفع صوتها " : مااابي يالله قوومي
اسماء " اتفشلت .. وعصبت .. واتقدمت على مريم في المشي : امشييي
مريم " تلحقها " : هي هي هي ... ويت ويت
اسماء " تحقرها "
مريم " تركض وتوقف في ويه اسماء " : بسس لالالا ... شفيش وبعدين يعني انتي لازم اتقدرين ظروف غيرج انتي اتحبيها انه ما اواطنها
اسماء " تطالعها " : شكوو انه فيييج . وبعدين شحقه ما اتحبينها ابي اعرف ..
مريم : قلت لج متكبرة ومغرورة ... " وتتقرب من اسماء " : انتي جوفيها اشلون تتكلم وتمشي .. جانها بت الوزير .. " وتقلد على حركات وسن "
اسماء " انقهرت " : مريييييم بس لالا .. لا تكرهيني فيها وانه احبها
جم مرة اقولج .. وبعدين موب كفايه انها موب معاي في الصف " ومن عصبيتها .. رمت قوطي الكولا على الأرض
وجافتها معلمه رقيه ... وتمشي بناحيتها الي اسماء ما كانت منتبه لها وكانت ادافع وتتناقش مع مريم "

معلمة مها " تلمس جتف اسماء " : وين الي كنتي تشربيه
اسماء " مو منتبه للي تكلمها ... وعلبالها بنيه " : شعليج انتي موب متفرغه لج .... " وتكمل على كلامها مع مريم ... ومريم كانت تتضحك
اسماء " ترفع حاجب " : كلامي يضحك مع ويهج
مريم " تتضحك : هههههه لا بس جووفي من الي وراج وكلمج
اسماء " تلتفت ... وتتصلب من الدهشه " : معلمة ... اووه ما دريت علبالي بنيه .. سووري والله
م . رقيه " تبتسم ليها " : لا ما عليه .. بس ما يرمون الشي على الأرض .. روحي شيلي الي قطيتيه
اسماء " تتحرك من مكانها " ان شاء الله ..
" ومشت اهي ومريم وشالوا القوطي ورمته في المكان المحدد له .. وتتكلم " : ناقصه انه دي بعد .. بس غريبه ما قامت اتنكت ليي
مريم " سرحت في بنيه .. ومو منتبه للأسماء ... اسماء انتبهت لها .."
اسماء " تحرك ايدها قدام عيون مريم " : هووووووووي .. وين سرحتي
مريم " تمد نظرها للبنت .. واتعض على شفاتها .. " : ما اقدر ما اقدر
اسماء " مستغربه " على شنو ما تقدرين
مريم " سرحانه " : جماااااال
اسماء " تطالع وين ما تطالع مريم ... ووتتطنز على مريم " : اي والله جماال
مريم " تطالعها بغيره " : هي هي هي دي حبيبتي خلج بعيد عنها
اسماء " تبي تتهاوش معاها عمدا ": لا والله .. انه ابيها .. وبعدين اهي اكيد بتحبني من اول نظرة .. مثل ما حبيتها ..
مريم " ترفع لها حاجب بعصبيه وتتخصر " : واللــــه .. حلفي عااد
اسماء " تتضحك على شكل مريم " : لا صدقيني .. امزح ويااش .. متفرغه انه احب يهال توها اول اعدادي مادري ثاني اعدادي .
مريم " تبي تتهاوش " : شقصدج ؟
اسماء : قصدي ان عقلج صغير .. اذا بتحبين هاي ام قصه ..
مريم " ترفع المريول " : حلفي بس ... تعااالي اراويج
اسماء " تتضحك وتركض ... ومريم تلحقها ... لين ما قدرت مريم توصل ل اسماء ودزتها ... اسماء بالغلط داست على رجل بنيه .. معاها بعد في الصف ...
اسماء " تتعذر " : سوووري . بالغلط
زهرة " بضيق وكره ل اسماء " : ذلفي عن ويهي
اسماء " انصدمت من كلامها .. وما حبت تتهاوش .. ومشت من صوبها ...

مريم " مستغربه من تصرف اسماء " : مو جانها اهانتج .. شحقه سكتي عنها ..
اسماء " تاخد نفس .. علشان تهدي روحها " : ما ابي اتهاوش واحنا اليوم تونا بسم الله ..
مريم : اي احسن .. زين سويتي .. الحين بتتفشل .. لأنج حقرتيها .. اصلن هاي زهرو تكرهج .. من اول سنه دخلنا ذي المدرسه ..
اسماء " تبي تنهي السالفه " : حصل خير .. الي يحبني يحبني والي يكرهني يكرهني ماني طاقه احد على ايده ...

ويرن جرس نهاية الفسحه ... والكل رجع للصف .. واسماء كانت شايله في خاطرها من اسلوب زهرة .. بس ما كانت تبي اتبين لأحد ... واهي على الدرج صارت صوب فاطمة
فاطمة : وينج انتي مختفيه ؟
اسماء : في المدرسه
فاطمة : خفيفه ... زين سمعي .. ذي السنه في المنتخب لو لا ؟
اسماء " ابوها مانعها من لعب كرة السله " : مادري ... اذا تبيني معلمة عبير معاكم ما تبيني خلاص
فاطمة : بلا هباله ... اشلون ما تبيج .. واحنا الهجوم والأساس
اسماء : اووكيه

وصلوا الصف .. ودخلت اسماء .. مباشره قعدت على الكرسي مالها ... ودخلت زهرة .. وكانت اتناظر اسماء بنظرات احتقار ... اسماء انتبهت لها .. بس طنشتها .. بس زهرة ناويه على هوشه .. وراحت لصوب اسماء ...

زهرة : يالعميه انتي مرة ثانيه حاسبي .. مو اتدوسين على ريول الأوادم وانتي ماشيه
اسماء " وقفت بعصبيه " : قلت لج ما كنت اقصد .. وبعدين اعتذرت لج .. شتبيني اسوي لج اكثر
زهرة " تعلي من صوتها " : تغلط واتسوي روحها برئية . هاي القهر

التمو البنات عليهم ...
اسماء : اقول .. صكي حلجج .. وانقلعي من اهني .. لايصيدج شي .. بتندمين عليه
زهرة " ترفع المريول واكمام القميص " : اتهدديني مع ويهج
اسماء : احترمي نفسج .. احسن لج
زهرة : ماني محترمه .. شبسووين ... راويني عضلاتج يالله
اسماء " تعطيها نظرة حادة .... " : ما ابي اتهاوش ورجعي مكانج
زهرة " تدز اسماء على الطوف "
اسماء " عصبت " : ايا النذلة ... انه تلمسيني .. ما عاش من يلمسني ...

ويصير الضرب بالأيادي والرجول ... وانقلب الصف لحلبه مصارعه ... والبنات كل ما قربوا من اسماء يبون يبعدوها عن زهرة ما قدروا عليها ... واسماء كانت مسيطره على الوضع .. واهي اكثر الي اذت زهرة .. بس زهرة ما قدرت تلمس وتضرب اسماء .. غير انها كانت تستخدم ايدها .. علشان اتدافع واتخفف من قوة الضربه ..
وتدخل معلمة الأنجليزي الصف
المعلمة : بس بس بس .. هييي انتو .. وين قااعدين يهاال انتووو
اسماء " تهد زهرة .. وتعدل من روحها " : تيجر احنا الصف كلنا كبار .. بس الظاهر المشرفه غلطت واهي اترتب الأسامي .. وخلت وحده ياهل معانا في الصف
زهرة : انتي الياهله فاهمه .. لا تتكلمين عن غيرج
المعلمة : لا الظاهر انتو ما يفيد معاكم الحجي .. معاي على المشرفه .. قدامي يالله
وطلعت زهرة تتقدم .. واسماء وراها ...
المعلمة " توجه حديثها للبنات " : ما ابي اسمع فوضه منكم .. رايحه اودي اليهال المشرفه وراجعه .. والي بسمع صوتها .. تلحقهم من الحين

وطلعت المعلمة من الصف ..
المعلمة : يالله امشوا
ووصلوا لحجرة المشرفه .. المشرفه تعرف اسماء وتحبها ...
المشرفه : خير ان شاء الله ... " وتطالع اسماء " : اسماء فيج شي .. مريضه ابوي
المعلمة : الله يسلمج ... ها الثنتين .. قلبوا ليي الصف حلبة مصارعه .. ما دخلت الصف الا كل وحده طايحه في الثانيه طق .. وفوق هاي بعد يتالسنون قدامي
المشرفه : افا يا اسماء افااا .. انتي يطلع منج جدي
اسماء : معلمة اهي الي خلتني اتضطر اسوي جدي
المشرفه : خلاص استاذه .. روحي لصفج .. وانه اتفاهم معاهم واطرشهم لج الحصه
المعلمة : ان شاء الله
وطلعت المعلمة وواجهت معلمة الرياضه في ويها .. وقالت لها السالفه .. ودخلت معلمة الرياضه حجرة المشرفه تبي اتجوف الوضع ..
م . عبير " معلمة الرياضه " : السلام
الكل : عليكم السلام
م . عبير " بطبيعتها المرحه مع الجميع " : اسماء .. شمسويه في روحج
اسماء " تخجل " : متهاوشه معلمة
م . عبير : هههههههههههه ... الله يهديكم ..
المشرفه : يالله اسماء اتحجي قولي السالفه من البدايه
اسماء " تتكلم بهدؤ كبير " : معلمة كل الي صار .. ان انه في الفسحه .. كنت اتمازح مع رفيجتي ... ورفيجتي دزتني .. وبالغلط انه دست على ريولها .. واتأسفت منها واعتذرت .. واهي قابلت ذي الشي .. قامت تغلط عليي .. وعميه ومادري شنو .. وفي الصف تبي الا تتهاوش .. ووريني عضلاتج .. الصراحة نرفزتني .. وصار الي صار ...
المشرفه " تطالع زهرة " : صح الي تقوله اسماء
زهرة " منزله راسها في الأرض .. تخبي دموعها " : اي صح
المشرفه : وشحقه تغلطين عليها مادام اعتذرت لج
زهرة " ما عندها رد .. اترد ..
اسماء " تتدخل " : معلمة مادري .. شفيها .. اهي الوحيده في المدرسه الي تكرهني .. وعلى شنو هم ما دري !
م . عبير : افا يا اسماء محد يكرهج انتي .. بس يمكن سالفه بينكم من زمان حاطتها في خاطرها عليج
اسماء : يمكن
اسماء " تكمل على كلامها " : بس اذا اهي تكرهني جدي .. يعني كل يوم راح تختلق مشكله ضدي .. وجدي بتعتفس الأوضاع في صفنا .. وبعدين تونا اليوم اول يوم وجدي .. يعني الأيام الجايه . الله يستر شبسوي .... انه اقترح مادام تكرهني ما لازم اتكون معاي في الصف نفسه ..
زهرة " ترفع راسها " : ايكووون احسن ... " وتوجه حديثها للمشرفه ": معلمة ما دام الحين احنا اول يوم .. تقدرين تنقليني للصف الثاني ...
المشرفه : بس احنا ما نبي انعقد الأمور .. نبي انصالحكم على بعض ..
زهرة : ماكو صلح بينا .. وكلها سنه واهيا في طريج وانه في طريج .. ومن الأفضل توديني الصف الثاني ..
المشرفه " تنظر لمعلمة عبير .. بحيرة .... ومعلمة عبير ترفع جتوفها ... على ان ما باليد حيلة ..
المشرفه : خلاص حملي اغراضج ومعاي على الصف الثاني ..
م . عبير : بس لازم بنيه تنقل من الصف الي بتروحين ليه وتكون بدالج في صفكم
اسماء : اكيد في وحده ..

المشرفه : يالله عيل .. امشوا .. نعدل الوضع
وتتقدم زهرة الي كانت حالتها حالة .. مريولها معدوم من الغبار .. لأنها انسدحت على الأرض ... وشعرها معفس .. كان شكلها يرثى له ... وطلعت وراها المشرفه .. واسماء صارت مع معلمة عبير ..
م . عبير : مانتي سهله يا اسماء .. جدي سويتي فيها عاد .. واحنا نقول ضعيفه وما عندها عضلات .. طلعنا خطأنين
اسماء " تتضحك شوي " : ههههههه
وصلوا للصف الثاني فرقه واحد .. وطقت المشرفه الباب ودخلت .. ودخلوا وراها المعلمة واسماء وزهرة
المشرفه : السلام عليكم ... مسامحه استاذه ... عندي موضوع

المعلمة : لا عادي اتكلمي
المشرفه " توجه حديثها للبنات " : سمعوني بنات .. احنا مضطرين لسالفه صارت .. ننقل الطالبه زهرة لهاي الصف .. فحنا محتاجين بديل عنها .. ايروح مكانها الصف الثاني .. فمن الي حاب منكم .. يروح فرقه 2
وسن " ترفع ايدها " : معلمة انه ابي اروح اهناك
اسماء " تفتح ثمها من الدهشه والفرحه في نفس الوقت .. وابتسمت في ويها .."
المشرفه : خلاص يما ... حملي اغراضج ويالله تعالي معاي الصف ..
وسن " تلم اغراضها " : ان شاء الله
ابتعدت وسن عن مكانها .. وراحت زهرة وحطت اغراضها وقعدت ..
وطلعت اسماء ووراها وسن .. والمشرفه ومعلمة عبير
م عبير : خلاص استاذه .. انتي روحي لحجرتج .. يمكن يتصل احد او شي
انه بوديهم
المشرفه : يالله عيل .. هالله هالله اسماء في وسن .. استقبليها في صفكم .. تراها حبيبتي وسونه
وسن " تبتسم في ويه المشرفه "
اسماء " تبتسم " : من عيوني ..

طقت معلمة عبير باب الصف ودخلوا ..
معلمة عبير تتساسر ويا معلمة الأنج وفهمتها السالفه
معلمة الأنجليزي : ok .. no problem
م عبير : اسماء .. الحين اتكلفي بالوضع .. وعقاب لج نقلي الجدول مال الحصص لوسن ... وقولي ليها عن الحصص الثلاث الأولى .. شطلبوا المعلمات منكم
اسماء " متشققه من الوناسه " : ان شاء الله معلمة

معلمة الأنجليزي : يالله قعدوا مكانكم

واسماء اشرت لوسن مكان طاولة زهرة سابقا ً .. وراحت وسن وقعدت عليها

معلمة الأنجليزي : بما انكم ما كنتوا اهني .. راح نحتاج دي الفصل ل two من الدفاتر واحد for class , والثاني to do your homework بمعنى ثاني مسوده .. وما راح اخده ... حقكم انتو .. وجيبوا بعد فايل . وبس

اسماء ووسن " يهزون روسهم بالموافقه على كلام المعلمة ... "
اسماء " تتكلم بصوت منخفض " : فاطمة .. فاطمة
فاطمة " تلتف لها " : هلا .. شنو
اسماء : تعالي قعدي مكاني . بقعد مكانج .. علشان اعطي الجدول لوسن
فاطمة " ترفع حاجب " : عشتوا .. انه بعطيها
اسماء " تلف راسها ناحية المعلمة .. " : لا يا ذكذك .. معلمة عبير يازعم معاقبتني .. وتبيني انه اكتبه لها
فاطمة : اهااا
اسماء : خلصيني يالله تعالي
فاطمة " توقف من مكانها .. ونفس الشي اسماء .. وبحركه سريعه يتبادلون الأماكن .

اسماء " والأبتسامه على ويها " : هاي
وسن " بابتسامه " : هاي 2
اسماء : شرايج في الصف ؟
وسن : فن .. وموقعه الأستراتيجي عجبني .. ولأن كل رفيجاتي اهني .. من جدي انه جيت اهني ..
اسماء " تعدل من قعدتها " : امم .. زين وين تبيني اكتب لج الجدول
وسن " تحوس في شنطتها " : لحظة اشوي
اسماء " تلف ويها صوب البنات " : اخدي راحتج
مريم تغمز ل اسماء بضحكه ماليه ثمها .. واسماء تغمز لها وتسوي لها حركه انها تحرها .. ان وسن بتكون في الصف على طول
وسن " تلمس جتف اسماء " : هلووو
اسماء " تلتف لها بسرعه " : اوه .. طلعتي الدفتر
وسن " بنعومه " : ايي .. يالله كتبي اهني
اسماء تبي تنادي على فاطمة علشان تعطيها مقلمتها .. علشان تاخد قلم وتكتب به ...
وسن " مستغربه " : شنو تبين ؟
اسماء " يأست من فاطمه .. لأن ما تسمعها " : ابي شي اكتب ابه
وسن " تتضحك " : هههههه زين قلتي ليي وعطيتج .. والله حالة انتي
اسماء " فرحت ليش ان خلت وسن تتضحك .. وتعض على شفاتها ": زين هاتي مالديكي ..
وسن " بكل رقه تفتح المقلمه .. وتطلع القلم .. وتعطيها " : تفضلي
اسماء " تتعمد واهي تاخد القلم من يد وسن .. ان تمسك ايدها " : شكرا ً
وسن " تبتسم بحلاوة " : عفوا .. ابي خط مرتب .. سمعت ان خطج حلو
اسماء " مستانسه ليش ان وسن تعرف عنها شي " : صج ؟ من قال
وسن : البنات
اسماء " تحك راسها .. ومستغربه " : اهاا .. " وبفكاهه " : زين بسج هدرة خليني اكتب واخلص من ها العقاب المفرض عليي
وسن " توقف " : اوكي كتبي ... باي
اسماء " بحركه سريعه توقف معاكس لها " : وين بتروحين
وسن " ترفع حاجب " : شفيش ... بروح لربعي .. اسولف معاهم
اسماء : واتخليني ابروحي ؟
وسن : مو انتي قلتي لا تتكلمين .. فوجودي وعدمه واحد
اسماء " تحرك راسها بالنفي على الكلام " : لالا .. قعدي بليز
وسن " تهز جتفها " : اوكيه
اسماء " تاخد نفس .. وتقعد .. ومسكت القلم .. وقامت تكتب
وسن حطت يدها تحت خدها .. وقعدت تطالع اسماء بتمعن .. تالي قربت اكثر منها .. وقامت اتجوف اسماء شلون تكتب
اسماء " تلف لها " : عجبج ؟
وسن : واايد .. تشكيلة حرف الراء والألف عندج رووعة
اسماء " تطالعها بنظرات جديه " : تبين تتعلمين شلون
وسن " عجبتها الفكرة " : ايي
اسماء : نطري اكمل باقي ليي شوي
وسن " تهز راسها بالموافقه
وماهي لحظات الا اسماء كملت من كتابة جدول الحصص اليوميه :.. وهاي الجدول مالنا .. ان شاء الله فن بالنسبه لج
وسن : اي انتو جدولكم اخف منا
اسماء : اي هاي انه حطيته
وسن : هههههههه .. زين يالله علميني
اسماء " تتحكم وتمسك مقلمة وسن .. وتطلع منها قلم .. وتعطيها اياه .. " : يالله معاي
وسن " تبي اتقلد على مسكة اسماء للقلم " : يووو .. شلون تمسكينه جدي .. صعب
اسماء " بضحكه ماليه ثمها " : هههههه ما يحتاج نفس المسكه .. عليج بالتشكيله
وسن : بدي
وبدأت اسماء تشرح لوسن شلون تسوي الحروف .. بشكل حلو ومرتب .. ووسن بفطانتها .. قدرت تتقن السالفه بسرعه ...
اسماء " تبتسم .. وتناظر ايد وسن واهي تخط الحروف " : اتبدعين
وسن "مستانسه " : صج ؟ حلوو ؟
اسماء : اي واايد
وسن " تهد القلم .. وبحركه دلاعة " : وااي ونااسه .. صار خطي حلوو
اسماء : شاطرة ما شاء الله .. اتقنتي السالفه ... " ووقفت من مكانها علشان بتروح وفي خاطرها ما تبي تبعد عنها ولا خطوه "
وسن " تبرطم " : بتروحين ؟
اسماء " ترفع جتفها " : ايي .. كمل واجبي
وسن : ما قلتين ليي عن الحصص الي مروا شنو طلبوا منكم
اسماء " فرحت .. وقعدت " : اي صح .. يالله عيل انه بقول لج وانتي كتبي .. ونفدي نفس الي علمتج بالنسبه للخط
وسن " تأيد الفكرة " : اوكووو

::: في مدرسة يثرب :::
بالتحديد صف ولاء
ولاء " جالسه بأخر الصف مع رفيقتها .. وبالخش اطلع التلفون مالها .. وتكتب مسج واطرشه ل الشله .. علشان يجتمعون في الحمام ... ولقت الجواب .. الكل يقدر يشرد من الحصة ويروح الحمام ... غيبت التلفون .. وراحت لناحيه المعلمة
ولاء : معلمة
المعلمة " ترفع راسها من على الأوراق " : نعم
ولاء : اقدر اروح الحمام ؟
المعلمة : اوكي روحي
ولاء " بسرعه تتجه نحو الباب .. والا بصوت المعلمة
المعلمة : تعالي . .. نسيتي تاخدين بطاقه الأستئذان
ولاء " ترجع وتاخد البطاقه وتطلع من الصف ...

وماهي الا دقائق واجتمعت الشله في الحمام
فاتن " مستغربه " : انتون .. شنو هذا الي عندكم في ايدكم كل وحده بطاقه
ايمان : تكلمي عدل بالأول ... ما نفهم
منار " تتضحك " : هههههههه .. حرام عليج ايمو .. تدرين اهيا عجميه واتكسر بالحجي .. خليها براحتها
ولاء : يا ستي .. هاي بطاقات الأستئذان .. لين تطلعين من الصف . المعلمة تعطيج جدي ..
فاتن : هاا ... واشحقه .. معلمتي ما عطتني
ايمان : ما يبيلها سؤال .. لأنج مفهيه
منار وولاء : هههههههههههههههههههههههههههههه
فاتن " تتصنع الزعل " : اي اي تتطنزوا .. ما عليه انه اراويك ولاء .. تتضحك عليي
منار : اوه ولاء صارت ولد وانه مادري ..
ايمان : ليش ؟
منار : لأن يكلمونها بعض الناس بصيغة المذكر
ولاء : ههههههههههههههههههه .... بسكم يالله طنازة .. لا تقلبوها لنا حرب اهني مالنا شذه
فاتن : شذه لو ضمه .... ههههههههههههههههه " وتتضحك بروحها "
الكل : خفيفه .. مسكي روحج لا تطيرين
فاتن : بايخييين .. تدرون ؟
ولاء " تتباعد عن الجدار الي كانت متسنده عليي " : شنو
فاتن : انه بمشي ... باروح الصف ... علينا عنتر بن شداد .. اخاف تبلعني
ايمان : لالا فاتتو ... خلج ...
منار : كلنا الحين طالعين من الحصص .. يعني بس انتي .. تمي ما راح يصير شي
فاتن : واذا ؟
ولاء : بتحمل المسؤلية
فاتن " تبتسم " : اي اذا انت.. اوكي ضمان
ولاء" تمسك ضحكتها ... على طريقه كلام فاتن .. المكسر .."

وبعد فترة من السوالف والدردشه .. مع بعض ....

ايمان " تطالع ساعتها " : يالله بنات .. اتأخرنا واايد .. خلنا نرد الصفوف
منار " تتأفف " : افففف .. يالله عيل نمشي ..
ولاء " تحرك برأسها حركة الموافقه ...

واتفرقت الشله .. وكل وحده ردت صفها .. والي حصلت لها زفه من المعلمة .. والي نصيبها ما حصلت ...
في صف وجدان

دخلت ولاءالصف من دون اي اعتبار للمعلمة وحطت البطاقه على الطاولة وردت لطاولتها .. واهي حاسه بالضيق والقهر .. لبعدها عن ربعها .. وحطت ايدها على الطاولة ونزلت راسها ... رفعت راسها شوي ناحية الباب .. لقت وحده اتطل براسها في الصف

ولاء " اتقول في خاطرها من غير نفس " : شها الأودام الفاضيه الي تطلل
ونزلت راسها مرة ثانيه .. وفكرت وردت رفعته بسرعه .. ودققت النظر .. وعرفت ان البنت اهيا رفيجتها سكينه ... طلعت بسرعه من الصف من غير استئذان من المعلمة .. وسلمت على رفيجتها .. وحظنتها .. وفي رجعتها للصف ..

المعلمة : ولاء تمي برع الصف لا تدخلين
ولاء " من غير اهتمام " : برع برع ... " ووقفت بره الصف "

::: في مدرسة عائشة :::
بالتحديد صف اسماء

طق نهاية الحصة الرابعه وطلعت المعلمة من الصف .. وراحت اسماء ووقفت وره طاولة المعلمة واتنادي بصوت عالي ..

اسماء " بصريخ " : بنااات سمعووني .. لين يات الحين معلمة سارو مالت الرياضيات .. الكل يقول ما يبي درس .. شنو تونا اليوم اول يوم .. وقولوا محد من المعلمات شرح لنا ... اووووكي ؟
البنات : اوووكي .. افا عليج
وتفر اسماء بنظرها ناحيه وسن .. تبي تعرف اذا سمعتها او لا ... وتأكدت ان وسن كانت تطالعها .. وثبت لها ان كانت تسمعها .. وتدخل معلمة الريض ... فرجعت اسماء مكانها

المعلمة : السلام عليكم
البنات : عليكم السلام
المعلمة : تفضلوا قعدوا

وقعدوا البنات .. وايدهم على قلبهم .. ينطرون جواب المعلمة ...
اسماء " تدعي .. بهمس " : يارب يارب ماكو درس
المعلمة " بأبتسامه طيبة " : طبعا راح اعرفكم على روحي .. انا راح ادرسكم هاالسنه مادة الرياضيات ..
شوق " بطبيعتها الفضوليه" : معلمة شنو اسمج ؟
اسماء " تدزها " : الا ايقول الحين ما تعرفين
المعلمة " تبتسم " : اسمي سارة ... وراح اطلب منكم اتجيبون دفترين .. واحد انحل فيه الواجبات في الصف بعد كل درس ناخده .. والثاني بعد ما نحله في الدفتر ونصححه مع بعض تنقلونه لي في الدفتر الثاني الي بنسميه دفتر الصف .. خلاص معاي ... وطبعا جيبوا معاكم فايل حق اوراقكم ...
البنات " بصوت واحد " : ان شاء الله
المعلمة " اتكمل على كلامها " : طبعا اليوم ما راح ادرسكم ...
البنات اتشققوا من الوناسه
المعلمة " باسلوب شرط " : بس راح نتكلم مع بعض .. ونتناقش ..
البنات " من دون مانع " : اووكيه

وبدأت المعلمة تلقي المحاضره على البنات .. وتعرفهم بأن اهما خلاص كبروا .. وعليهم مسؤليات واجد .. وواجبات .. ولازم يسوونها .. علشان يطلعون بأحسن صورة في المدرسة كلها ...
والبنات كانوا يشاركونها في الأجوبه ومتفاعلين معاها .. وعجبتهم طريقه تفكيرها وكلامها .. واسماء اول وحده من البنات كانت مندمجه مع المعلمة .. بس كانت شوق كلحين ما تسوي لها حركه .. وما تخليها تنتبه
اسماء " بصوت منخفض " : بس لالا .. ركدي . خليني اسمع شتقول
شوق " تحرك بشعرها قدامها " : مافي مافي

المعلمة انتبهت لهم
المعلمة : ها .. الي اهناك .. عندكم شي
اسماء " اتوهقت " : لا معلمة . بس كنت اتناقش معاها .. ان يعني البنات علبالهم شطارة لين اتلاسنوا ويا المعلمة او ان عرفوا يردون عليها بكلمه . يعني امممممم ائيدج في الكلام ..
المعلمة : صح .. " وتواصل على كلامها ... اما شوق فكانت غارقه في نوبة من الضحك على اسماء ...

شوق توقف من مكانها مرة وحده . .. والضحك مغرقها : معلمة هههههه اقدر اروح الحمام
المعلمة " تستغرب " : والي بيروح الحمام .. يضحك
شوق " تودي شعرها لوره اذنها " : لا معلمة مو جدي .. اضحك على شي ثاني .. انزين الحين اقدر اروح لو لا
المعلمة : تفضلي
شوق : شكرا

وتطلع من الصف وتطل على اسماء من الدريشه ... وتطلع لسانها لأسماء .... اسماء ما تهتم لها ...

المعلمة : انزين .. نفخت راسكم ؟
البنات : لا معلمة واصلي
المعلمة : لا كمل كلامي .. بس ان شاء الله استفدتوا .. وتنفدوا الي قلته
البنات : اي معلمة بنفد ..
المعلمة " تنظر لساعتها " : عيل باقي بعد وقت .. يالله كل وحده اتعرفني على روحها ... اسمها وعيد ميلادها .. وشنو اتحب من الهوايات ... اوكي انبدي من ذي الصفه

المعلمة : يالله بدي
ابرار : اسمي ابرار احمد ...
المعلمة " تقطعها " : لا موب في مكانج .. تعالي وقفي اهني قدام البنات كلهم
ابرار : لا معلمة استحي
المعلمة : كلهم ربعج .. يالله امشي
وراحت ابرار بخطوات من الخجل ووجه مثل الطماطه .. ووقفت قدام كل الطالبات .. وبدأت اتعرف عن روحها .. بشكل مختصر علشان تفتك وترجع مكانها .. .. وبالتالي كلحين بنت اجي توقف وتعرف عن روحها .. وجه دور وسن ...
اسماء تركت كل شي كانت تلهي روحها فيه .. واندمجت تبي اتعرف شنو اتقول وسن ..
وسن " بكل نعومه .. وهدؤ " : اسمي وسن جميل .. عمري 15
اسماء رفعت حاجبها " واتقول في نفسها " : يعني اكبر مني !!
وتكمل كلامها وسن : احب اطالع التلفزيون والأفلام .. بس اكره شي اسمه قرأة .. واحب اقعد وايد على النت .. وتاريخ ميلادي 15 / 3
اسماء " بفرح " : بحفظه التايخ ...
شوق انتبهت لها وترفع لها حاجب : شحقه
اسماء " ترتبك " : ها ولا شي .. من حاجاش
شوق : شحقه بتحفظين تاريخ ميلادها
اسماء " تختلق عذر مناسب " : عجبني الرقم ..
شوق " موب مصدقه . بس تبي اتمشي السالفه " : اهاا
رجعت وسن لمكانها ... واهي راده ابتسمت لأسماء .. واسماء بالمثل ..
وبالتالي بعد .. كلحين بنت اتقوم واتعرف روحها ... لين ما جا دور اسماء

المعلمة : يالله دورج
اسماء " بحركه فكاهيه " : لالا لاتقولين ... " وترجع على وره .. تلصق روحها في الطوف ..
الكل ضحك عليها .. وقامت اسماء من مكانها .. ووقفت صوب المعلمة
اسماء : بسم الله الرحمن الرحيم .. اشهد ان لا اله الا الله
المعلمة : ها .. بتستشهدين ؟ !
الكل ضحك على حركات اسماء
المعلمة : لهدرجة انكم توقفون ذي المكان رعب .. شمعنى احنا عادي
اسماء : لأنج معلمه
المعلمة : اها .. معلومة جديده افدتيني فيها ... يالله بدي وبسج هرار
اسماء " بضحكه بسيطه " : اسمي الكل يعرفه .. بس بقوله احتياط .. اسماء بت امها وابوها .. عمري 14 سنه .. احب المدرسة واايد ومن حبي ايي من وقت .. اول وحده تفتح المدرسه .. حتى الفراشات ما وصلوا
ابرار " تقطعها " : حاسبي لا يطيح السقف علينا
اسماء " تحط صبعها صوب ثمها . عبارة عن انها اتسكت ابرار .. وتكمل على كلامها " : امم احب اكتب شعر وروايات .. ومبدعه نوعا ما في الرسم .. ولا انسى عشقي لكرة السله
المعلمة : اي اي ندري .. معروفه في المدرسه انتي .. من لعبج ... بس قولي لنا شي من اشعارج .. سمعينا
اسماء " ترفع حواجبها بدهشه " : لا معلمة موب حافظة .... " تتخلق عذر "
شوق : معلمة حافظه كل اشعارها .. بس ما تبي اتقول
المعلمة : يالله قولي
اسماء : بس بشرط
المعلمة : بعد شروط ؟ !
اسماء : حقوق الطبع محفوظه
المعلمة : اوكي .. بس قولي
اسماء " تعدل وقفتها " : احم ... يحسبوني انا من الحزن فاضي
ما دروا ان الحزن اصلي
يبالغون لين قالوا الضحك اساسي
بلاهم ما دروا شنو احساسي
انا انجرحت من ناسي
ومن كلامهم القاسي
انا راح احرمهم من شوفتي
وبغير من طبعي
يمكن اصير انسان غالي
وينمسح اسمي من قائمة
انت قاعة نعالي
وسلامتكم

المعلمة " بأعجاب .. تصفق " : صفقوا لها ...
البنات ايصفقون بقوه .. والي تصفر وتطبل ...
اسماء " تغمز بعيونها لمريم "
المعلمة : حلو كلامج .. عجبني ... عيل بتفيدينا حق الكلمات في الطابور
اسماء " بضحكه خجل " : ان شاء الله
وترد اسماء مكانها ... وراحت شوق اتعرف عن روحها .. واهي تتكلم تتكلم بصوت عالي .. وما فارق حلجها .. الضحك ...

وشوق واهي بترجع مكانها . عطتها وسن ورقه لأسماء ..
شوق " تقط الورقه على اسماء " : جودي
اسماء : شنو دي
شوق : ورقه من عند وسن
اسماء " بوناسه " : صج .." وتاخد الورقه وتفتحها .. ولقت مكتوب فيها ... حلو شعرج .. عجبتني القصيده .. ممكن تكتبيها ليي في ورقه ؟
اسماء " مو مصدقه روحها ... لفت ويها ناحيه وسن .. ووسن اتهز براسها .. واسماء عطتها نظرة الموافقه .. وطلعت ورقه وكتبت الشعر فيه .. وطرشتها لها ..

وكملت الحصة الخامسه .. وبعدها السادسه .. ومرت الحصص سريعه .. وصار وقت نهاية الدوام ... طق الجرس
صارت الفوضه .. والكل يركض ويسبق .. يبي يطلع اول واحد من المدرسه .. ويرد البيت ..

:: في مدرسه يثرب :::
صف الاء

تسلم إيدك ع الموضوع

الاء " تحمل اغراضها بسرعه .. علشان ما تتأخر على امها .. لأنها لين اتأخرت بتحصل على محاضره واهيا ما تبي تنفخ راسها ..
اسراء : اساعدج
الاء " بنظرة رجا " : ياريت ..
اسراء " قامت اتلم كتب الاء بحركه سريعه وعطتهم اياها "
الاء " حملت كتبها " : مشكوورة .. بردها لج
اسراء " تسبقها في الطلعه من الصف " : لا تشكريني .. حسبت رفيجتج
الاء " بأبتسامه رضا على اسراء " : صح ..
ونزلوا الثنتين .. الي ما لبث اول يوم لهم مع بعض .. الا انهم حبوا بعض .. ومن يدري .. يمكن ايكونون مثال للصداقه المثاليه في المدرسه ...

وفي جهه ثانيه
ايمان : زين سويتي .. انه هاي المعلمة ما طيقها .. عيل طردتج
ولاء " بفخر " : اي طردتني ولا اهتميت ما عطلت .. سيده طلعت
منار : ما علينا ... امشوا انمر على فاتتو .. لا نتأخر عليها

وراحوا لصف فاتن .. ومشت معاهم
فاتن : هاذي نفخت راسي .. حشى ولا تتعب .. واتصك حلجها
ولاء : اي وحده ؟
فاتن : معلمة العلوم
الكل : واااااااااااااااااااااااااااع
فاتن : وقرف بعد
ايمان : هاذي حتى في اول يوم تشرح .. ما عندها احساس
منار : وانتي الصاجه ما عندها سالفه ..

ومشوا واهما يحشون على المعلمات والبنات ..
وطلعوا من الباب الرئيسي .. وظلوا ينطرون لين ما كل وحده اجي لها اهلها وتروح ..
منار " تنظر الى صبي بعيد من الأعدادي واقف يناظروهم " : واااع علباله حليوو الا قاعد مبققه عينه فينا
ولاء : اي واحد
منار : داك الي على صوب واقف
ايمان " تنظر لوين ما توصف منار " : قررررررف .. اقول منار تعالي انتي اوقفي في ويهي .. علشان ما اجوفه ولا يجوفني ولا هم يجوفج ...

ويسون مثل الدائرة .. يصدون روحهم عن اعيون الصبيان الطالعين من مدرسه الأعدادي الي قبالهم ..

::: في مدرسة عائشة :::
اسماء : يالله انه رايحه
البنات : باااي
اسماء : بايات

وتتمشى اسماء بروحها .. في طريق رجعتها للبيت .. تروح مشي .. لأن ابوها دايما ما يكون مسافر او مشغول .. وامها ما ترد البيت الا ثلاث .. فترجع البيت مشي ..

اسماء " تتحلطم " : بالله عليكم هاي حاله .. الكتب اليوم وااايد ... عذااب والله .. تالي برد البيت .. وبجلدهم بعد بروحي .. ماي قود .. بمووت .. شها الحاله .. اقول انجعمي بس .. لحد يسمعج علبالهم مينونه تتكلم بروحها ...

وواصلت اسماء المسير .. واهي تحمل الكتب وتمشي بخطوات متثاقله .. وبنفس متقطع من الثقل الي اهيا حاملته ... لين ما وصلت لبراده .. دخلت فيها

اسماء : ها بيا .. عطني واهد بيبسي دايت
الهندي : اوكي بس واهد
اسماء " تتأفف " : اافففف اي وااهد عيل عشره
الهندي : ها جود ..
اسماء : ما عندك تطور اسمه عود
الهندي : عود ؟ يعني شنو عوود
اسماء " في روحها " : لا حول ولا قوة الا بالله " وتكلمه .. وتأشر صوب بوزها " : هذا الي يحطون في العصير جدي .. يفتحون ويسون هووووووف .. مزاز .. ياخي فهمها عااد
هندي : اي اي عرف انا خلاص
اسماء : اشوه الحمدلله
الهندي : يبي انت هاذي .. " ويعطيها الملعقه الخشبيه مالت الأسكريم "
اسماء " تستجن " : احلف بس .. لا وااضح عرفت .. اقول جود بيزاتك

وتقط اسماء الفلوس على الطاوله وتطلع من البراده
اسماء : ناقصه انه بعد اغبيه عليي ها الحزة .. مافي احد عدل في ها الدنيا .. ابد مستحيل في وااحد عقله كامل .. كلهم ناقص ..

وبعد مشوار قصير نسبيا .. وصلت اسماء البيت ... وفتحته بالمفتاح ودخلت .. اسماء تشرب شوي من البيبسي .. وقطت شنطتها على الكنب ... وراحت المطبخ .. فتحت الثلاجه حطت البيبسي .. وطلعت .. وصعدت الدرج .. في اتجاها لناحيه غرفتها
وقبل ما تدخل حجرتها .. نظرت لباب حجرة اخوها : وحشتنييي .. المتى بترررد ؟
اخوها علي .. الي مسافر لبريطانيا .. يدرس طب ..
دخلت حجرتها .. وقطت الشنطه صوب السرير ... وانبطحت على السرير .. ومددت جسمها بكامل ..
اسماء " بتعب " : آآآآآآآآه .. ياربي ...
ويرن تلفونها ..
اسماء " تتأفف " : اوفييييييييه .... مالي خلق ... " تدري ان امها متصله .. لأن خاله لها رنه محدده ...
اسماء تفتح درج الطاوله الي صوب سريرها .. وتطلع التلفون .. وترد
اسماء " من دون نفس " : الووو
ام اسماء : هلا اسوم
اسماء " تطلع الكلام من حلقها بالغصب " : هلا هلا
ام اسماء : ها .. رديتي البيت ؟
اسماء : اي رديت . لو ما رديت ... جان ما شلت التلفون
ام اسماء : على العموم .. كا جا ليي ولي امر .. اجوفج تالي في البيت
اسماء " من قبل ما تكمل كلامها امها " : بااي
وتصك التلفون ...
اسماء : لو تصيرين ام مثل باقي الأمهات .. والله حبيتج ... وتقط التلفون على صوب .. وتروح الحمام .. تاخد لها شاور وتصلي ..

::: في بيت الاء :::
الاء : المدرسه عجيببببة ... واايد فن .. احلى من الأبتدائي
اخوها محمد : يالله تفتح شهيتج علشان تدرسين
الاء : ميبي
محمد : جيبي درجات عدله عاد في الأعدادي .. مثل الأبتدائي .. موب تسوين زووووط ..
الاء " ترفع له حاجب " :اسمع من ينصح .. انصح رووحك انت .. ادرس قبل ما يطردونك من الجامعه . موب تنصحني انه
ام الاء : على طاري الجامعه .. ما طلعت نتايجك
محمد " يبلع ريقه " : لالا ... للحين ما طلعوها .. " ويضحك ضحكه بسيطه " : يعني لو طلعوها .. براويكم اياها .. يعني وين بوديها ..
ام الاء : اخاف الا مزفت .. وتقص علينا اتقول ما عطوك
محمد : لالا افا عليج يما .. اول وحده انتي بجوفينها .. حتى انا ما بجوفها ..
ام الاء " مو مصدقه ولدها .. بس تماشيه " : زين ما عليه
وتطلع ام الاء من الصاله
محمد " يرمي المخده على الاء " : يعني الحين استانستي .. وهقتيني
الاء : آآآآآآي .. يالبايخ ... والله محد قال ليك تنصحني

محمد : انا قلت الحين امج لين بقول جدي بتوقف وياي وبتقعد تعطيج المحاضره علشان تشدين حيلج .. واهي صارت ضدي
الاء : بضحكه استهزائية " : ههااااااااي ... لأنك اهبل وغبي وما تعرف شلون تتكلم
محمد " يحمل رموت التلفزيون " : خليت لج اسلوب الكلام ..

::: في حين في بيت ولاء :::
فراس " ماخده الحماس " : جان يقوم لج رفيقي .. ويعطيه داك الطرااق .. خله ليه راسه يفترر ..
ولاء " بملل واهي اتفكر في شي ثاني ... انتبه لها اخوها فراس
فراس : هي هي هي .. اكلم روحي انا
ولاء " تنتبه له " : اففففف .. تراك صدّعت راسي .. تدري ؟
فراس : شنو ؟
ولاء " تقوم من مكانها " : انه باروح ارقد احسن ليي .. وقول للماما اني لين شبعت نوم بقوم اتغدى .. سو لحد يقعدني ... بااي
فراس : باااي ... " ويكلم روحه " : يعني حق منو اقول بطولتنا اليوم في المدرسه ... اففف والله حاله ..

:: شخصية فراس : اخو ولاء .. في الصف الرابع الأبتدائي .. طيب وحبوب . .. بس دايما ما تلاقونه يتهاوش مع وجدان .. لأن ماله الا اهيا ... :::

نرجع في بيت اسماء
اسماء منبطحه على سريرها .. وقاعده اطالع التلفزيون .. ومرة وحده تدخل عليها امها ..
اسماء " تنقز من مكانها " : بسم الله الرحمن الرحيم
ام اسماء " تدخل الحجرة " : شدعوه .. جايفه شبح
اسماء " ترد تنبطح " : لا .. بس لأنج دخلتي عليي مرة وحده
ام اسماء : زين يالله قومي اتغدي .. لو تغذيتي ؟ !
اسماء " تقوم من على السرير " : لا انطرج ..

وتطلع ام اسماء من الحجرة ووراها اسماء .. ونزلوا لحجرة الطعام ...
اسماء " تقعد على كرسيها المعتاده عليه .. وتبدي تاكل .. ومثل الشي امها ..
اسماء " تقوم من مكانها ...
ام اسماء : وين رايحه ؟
اسماء : بروح اجيب بيبسي من الثلاجه
ام اسماء : قعدي .. عيل شنو شغلة الخدامه اهني ... " وتنادي على الخدامه " : نيااا .. جيبي بيبسي اسماء الي في الثلاجة ..
اسماء تقعد مرة ثانيه على الكرسي وتواصل في اكلها .. وجت الخدامه وعطتها البيبسي وراحت ...
ام اسماء " تتذكر انها مانعه اسماء من شرب البيبسي " : انا ما قلت لج لا تشربين بيبسي ..
اسماء " تغص .. وتقعد اتكح " : امبله يما ..
ام اسماء : شحقه اتعاندين
اسماء : يما انا ما اعاند .. بس ما اقدر ما اشربه .. خلاص اتعودت عليه .. وبعدين انه اشرب دايت .. يعني صحي
ام اسماء : كل هرار .. وكلهم مضرين ... لين تالي طحتي في المستشفى .. قولي ما قالوا ليي .. ما علموني
اسماء " بصوت منخفض " : اي ما علمتوني
ام اسماء : شقلتي ؟
اسماء : لا ولا شي .. الا اقول يما ابوي وينه ؟
ام اسماء : مسافر
اسماء : توه امس راد من السفر
ام اسماء " تناظر اسماء نظرة ان مو من شانها تسئل جدي اسئلة .. "
اسماء " تعدل من كلامها " : اقصد وين راح ؟
ام اسماء : السعوديه ..
اسماء : اهااا .. الله يرجعه بالسلامة

لهني ننهي الجزء الأول
وان شاء الله كان مشيق بالنسبه لكم
تنطركم احداث حماسيه في الجزء الثاني
منها .. تتوقعون وسن تتعلق باسماء وتبادلها بنفس الشعور والمحبة ؟!!!
والاء بيقل تعلقها برفيقتها ولاء او راح يزيد ؟؟
معلمة مها شراح اتكون ردة فعلها ؟
ومعلمة رقيه شنهايه حركاتها ؟
اسراء بتكون رفيجة صج ل الاء ؟؟!!
كل هذا بتعرفونه في الجزء الثاني ...

::: الجزء الثاني :::
وبعد مرور سبوعين على بداية المدرسة .. وبدا وقت الجهد والجد .. والأختبارات .. والضغط خصوصا على بنات ثالث اعدادي .. علشان يحصلون النسبه الحلوة للثانوي .. نتعرف على الأحداث :

:: في مدرسة عائشة ::
حصة المجالات .. قسم الحاسوب الألي :
م . مها : مريم .. غريبة تركتي رفيقتج اسماء وجيتي الحاسب ما رحتي معاها قسم الفنون ؟
مريم : معلمة اهيا ما تبي اتجي الحاسب الألي شسوي فيها .. بس انه ابي اجي
م . مها " تجمع الأفكار على اسماء " : وشحقه ما تبي اتجي اهني
مريم " تخون اسماء في اجابتها " : معلمة ما يحتاج اقول .. انتي ادرى ..
م . مها " بدت اتعصب " : مريم .. اتكلمي ليي كلام يقنعني كلام صريح .. اسماء شفيها ؟
مريم : ما فيها شي معلمة .. بس اهي خلاص ما تحبج وما تبي اتجي قسمج
م. مها " توقف من مكانها " : شقلتي ؟ انتي من صجش تتكلمين ؟
مريم : اي معلمة قلت لج الي اعرفه .. بس لاتقولين قلت لج والله تعصب عليي
م . مها " توجه حديثها للبنات " : بنات انه طالعه شوي .. ما ابي اسمع فوضه .. ولين سمعت صوت وحده .. تعتبر روحها راسبه في الماده .. فاهمين ؟
البنات : ان شاء الله معلمة
مريم : شفيها هاي خرووف ... شراح اتسوي
زينب : الله يستر ... اكيد رايحه لأسماء .. شحقه قلتين جدي مريم .. ماكان عليج اتقولين جدي
مريم : مادري .. اخاف انه من عيونها .. قلت لها كل شي ..
زينب : خنتي اعز رفيقه عندج
مريم : ... الله يعين

في حين معلمة مها .. طلعت معصبة وراحت مباشره للمرسم ...
م . مها " بتهجم .. تدخل المرسم وتصرخ " : اسماء تعالي اهني ...
اسماء " تترك القلم الي في يدها بخوف .. وتقرب منها " : نعم ؟
م . مها : انتي شحقه ما جيتي معاي القسم .. ما تدرين اني احتاجش واايد
اسماء " تمللت من اسلوب معلمة مها التحكمي والأفراضي الي عليها " : انه حرة بالمجال الي اختاره .. وبعدين اخترت مجال انه شاطرة فيه
م . مها " تخلي ايدها صوب اذنها " : نعم .. عيدي كلامج .. شقلتي ؟
تتدخل معلمة الفنون
م. بدريه : شفيج استاذه مها .. صلي على النبي .. شصاير الحين ما فهمنا ؟ .. تبينها اتكون معاج في القسم .. حاضره من عيوني .. بس جيبي طالبه من عندج واعطيج اياها ..
اسماء : لا معلمة ما ابي اروح ..
م . مها " تقترب من اسماء .. وتمسك يدها بالقوه .. وتسحبها .. معاها لبره المرسم ..
اسماء " تتألم " : معلمة هدي ايدي .. بتكسريها
م . مها من دون اكتراث لصرخات اسماء .. والي كان يطالع المشهد .. دخلتها الصف .. لأن محد فيه .. تركت يد اسماء .. واسماء راحت قعدت على احد الكراسي .. وحطت يدها على عيونها .. وقامت تبجي .. معلمة مها .. قعدت على كرسي المعلمة .. وقامت اتهدي من روحها ..

م . مها " ما تقدر اتجوف اسماء بها الوضعيه ... لأنها كانت صج تكسر الخاطر .. وكأنها تبجي من حرقة قلب .. : اسماء بس خلاص لا تبجين .. اسماء
اسماء " والبجي خانق كلامها " : ماكان عليج معلمة اتسوين فيني جدي
م . مها : من خوفي عليج
اسماء " تأشر لروحها وتبجي " : انتي آذيتيني اكثر .. موب جدي تنحل الأمور
م . مها : من غلاتج في قلبي
اسماء : اي شسويت لج الحين .. علشان سويتين فيني جدي
م . مها : شحقه كرهتيني ؟
اسماء : ما اكره احد انه
م . مها : امبله تكرهيني .. والدليل انج ما جيتي معاي القسم
اسماء " تحس بسخف معلمة مها .. وسطحيه تفكيرها " : غلط معلمة .. من قال لج جدي ؟ !
م . مها : بنات صفج
اسماء " تستغرب " : كلهم ؟؟ !!
م . مها : اقصد رفيقتج مريم
اسماء " تنصدم .. وتكلم روحها " : ما ظنيتج خاينه يا مريم ما ظنيتج ...
م . مها : شفيج سكتي ؟
اسماء : اسفه معلمة على كل شي .. بس اتمنى انج ترديني لقسم الفنون
م . مها " تلبي طلب اسماء " : من عيوني .. قومي روحي المرسم
اسماء " بفرحه صغيره " : صج معلمة ؟
م . مها : اي اعفيت سبيلج
اسماء : شكرا ً ..
وتتجه ناحية الباب .. وقبل ما تطلع التفت لمعلمة مها : ما بتروحين الاب ؟
م . مها : امبله .. بس بقعد اهدي اشوي اهني في صفكم .. والله ممنوع ؟
اسماء : لا حياج معلمة في اي وقت .. الصف صفج .
وتطلع من الصف مستاانسه ومتحرره من قيود معلمة مها .. بس كانت متضايقه من مريم .. وخدت عنها فكرة .. انها ما تستاهل تكون رفيجتها وصاحبة اسرارها .. لأنها ما تخلي السر في قلبها اكثر من ساعتين ..
اسماء "تفتح باب المرسم .. وتتكلم في نفسها " : والله صج لين قالوا .. بها الزمن ماكو رفيجة ..
م . بدرية " تنتبه لها " : ها اسماء .. رديتي ؟!
اسماء " تصك الباب " : اي معلمة خلاص بقعد في ذي القسم
م . بدرية : وموافقه معلمة مها ؟
اسماء " تهز راسها بالموافقه "
م . بدرية : انزين .. ما عليه اطرشج ؟
اسماء " تستغرب " : وين ؟
م . بدرية : روحي لمعلمة العرائس مريم .. واخدي كاسها وروحي حجرة المعلمات صبي لها ماي
اسماء " ترفع حاجب " : وليش ما اطرش من بناتها ؟
م . بدرية : يستحون
اسماء : اوكي
وتطلع مرة ثانيه من المرسم .. وتطق باب حجرة العرائس ..ودخلت .. وكانت في ويها قاعده وسن .. اسماء ارتبكت .. وخافت ان وسن تنتبه لها على شكل ويها الباين عليه الدموع والبجي ..
اسماء : سلام معلمة .. مطرشتني معلمة بدريه علشان اجيب لج ماي " وكان في صوتها شوي من البحه الداله على البجي "
المعلمة : اي تعالي .. هاج هذا الكاس ..
اسماء " تقترب من المعلمة وتاخد الكاس من يدها .. واهيا تلف ويها .. وسن اشرت لها .. وسن تحرك صبعها صوب عيونها وتسال اسماء شفيها ... اسماء حركت راسها بالنفي .. على ان ما فيها شي ..وطلعت من الحجرة ..
وكانت شبه معصبة على مريم ... واهيا في طريق روحتها لحجرة المعلمات .. طلعت مريم من صف الحاسوب .. اسماء ما عطتها اهتمام وواصلت مسيرها ..
مريم " انتبهت لها وقامت اتناديها " : اسماااء ... اسمااء
وقامت تلحق اسماء ... اسماء سرعت من خطوات مشيها .. لكن مريم قدرت اتوصل لها ووقفت في ويها ..
مريم : شحقه اناديج .. وما تردين عليي ؟
اسماء " رفعت لها حاجب " : اسئلي روحج .. وتصرفج
ومشت عنها اسماء .. لكن مريم ردت ركضت ووقفت قدامها ..
مريم : ابي اعرف شسويت ؟
اسماء : سلامات .. ما سويتي شي .. انه الغلطانه .. بعدي عن طريجي وراي شغل
مريم " توقف معارضه لها " : ما تروحين .. الا اذا اتكلمتين وقلتين شسويت ؟
اسماء " يرجع في خيالها .. موقف معلمة مها واهي تسحبها لبره المرسم " : شقلتي لمعلمة مها ؟
مريم " تبلع ريجها " : قلت لها الصج
اسماء " اتعصب " : وشنو الصج ؟
مريم : انتي ما تحبينها موب هاي الحقيقه
اسماء " ترفع يدها تجاه عيون مريم " : بلى هاي الصح .. بس ما كان المفروض عليج اتقولين لها .. وهاي الي انه خالته سر عندج ... خلاص انتي اثبتي انج موب قد المسؤلية ..
مريم " ادافع عن روحها " : بس كنت مضطره اقول
اسماء " تقطعها " : ما كنتي مضطرة .. كنتين تقدرين اتقولين اي شي .. بس انتي ما تبين .. واذا انتي اتحبيها خلها اتحبج ... وبعدي عني ..
مريم " ما كانت تدري ان اسماء تدري ان اهيا اتحب معلمة مها ... واهيا اتسوي كل هاي علشان اتفرقهم واتحل محل اسماء ... فتحت عيونها على وسعها " : شتقولين انتي ؟ !
اسماء " من دون اكتراث " : الي سمعتيه ... والي بيني وبينج انتهى .. " وتمشي عنها ... "
مريم : افففففففف ... شسويت انه .. شسوويت .. ضروري اتحبينها ..

ويدق جرس بدايه الفسحه

::: في مدرسة يثرب .. :::
ولاء مع شلتها :
ولاء " بحماس " : اتصدقوون عاااد .. اليوم خااطري اتهاااوش
منار : بس موب وياي
ولاء : لالا موب انتي
سكينه : ولا حتى انه ..
ولاء: شفيكم موب معاكم .. ويا اشخاص خارجين عن التغطيه
ايمان : خلينا الحين من التكفخ والهوااش .. سرعوا على المقصف .. ترااني حدي يوعاااانه
فاتن " اتأيدها " : وانه بموووت من اليووع
وراحو لوين ما المقصف يقع في المدرسه ... واشتروا لهم اكل .. وقعدوا يتمشون واهم ياكلون ..
الا بوحده سوريه اتنط في ويه ولاء وتتعلف بها ..
البنت السوريه : واااااااع مادري شلون العصير مستحمل ويها
ولاء : وانه مادري شلون القميص مستحملج
البنت السوريه : اووه حتى التونسيين يعرفون يتكلمون بعد " بأستهزاء "
ولاء : تبين تعرفين شلون يتكلمون . " وتقدمت ولاء منها وتكت قوطي العصير عليها "
البنت السوريه " تصرخ " : هييييييييي .... شسويتي يالباايخه .. عدمتين مريولي
ولاء " تقط القوطي عليها .. وتتضحك بصوت عالي " : هههههاااااااي .. امشوا يالربع
البنت السوريه " بصوت عالي .. وبنبره تهديد " : ما علييييييه هيييييييييين . انه ارااويج صبري عليي ...

في حين مشت الشله من دون اكتراث للي سوه من عمل اجرامي في البنيه .. وصارت الاء قبالهم

فاتن " ترحب فيها " : ياهلاا .. تتغلين علينا ما تجين تمشين معانا
الاء " بأبتسامه " : لالا ما اتغلى ولا شي
فاتن : عيل شحقه ما تجين تمشين معانا
الاء " بفرح " : بيزي ما عندي وقت .. في الفسحه اروح اشرّح
ولاء " بقرف " : شتشرحين
الاء " بحماس " : على حسب مره سمج .. مرة ضفدع .. اي شي
الكل " من غير نفس " : وااااااااااااااع
ايمان : سديتي نفسي عن الأكل .. حرام عليج يوعانه
الاء : هههههههه اكلي احد يودج
فاتن : شلون تشتهين تمسكين في اعضاء لينه ودم وحاله
الاء " بونااسه " : بالعكس فننننننننن انتي بس جربي
فاتن " تنفي براسها " : no, no need
الاء : كيفج

الاء اعجبت في فاتن ... وفاتن بعد ... بس كانت الاء اتبين ان عادي علشان ما تبي تتهاوش مع ولاء .. لأنها مازالت اتحبها واتعزها ...

:: في حين في مدرسة عائشة :::
اسماء مازالت متضايقه من حركة مريم ومن تصرف معلمة مها معاها .. فكانت تتمشى بروحها علشان تهدي قبل ما تروح تقعد مع بنات صفها ... والا ببنات ايجون من وراها واهي ماكانت منتبها ويغمضون عيونها ويسحبونها لصوب الحمامات ..
اسماء تبي اتصرخ بس اهم خالين ايدهم صوب ثمها : خ .. خلوووني
وصلوا للحمامات شالت البنيه ايدها من علي اعيون اسماء ..
اسماء " تاخد نفس .. وتناظرهم بعصبيه " : انتوا... شفيكم ينيتوا ؟ !
وحده منهم تتكلم : لا ما استينينا ... نبي نتفاهم معاج
اسماء " مستغربه " : ليش انه اعرفكم علشان تتفاهمون معاي .. خلوني بس .. الظاهر خطائتوا موب انه الي تبونها .. " وجت اسماء بتمشي عنهم "
وتدزها وحده منهم على الجدار ..: اوقفي مكاانج قلنا لج
اسماء " تعدل من وقفتها " : نعم شتبون ... لحظة انتو بنات ثاني اعدادي " وتعيد في ذاكرتها " : اييييي انتو الي قدام صفنا ...
البنيه : لا زين ذكرتي ..
اسماء " مازالت موب عارفه شيبون منها " : زين خلصووني شتبون
وحدة تتقدم من اسماء وتقرب من ويها واهيا اتكلمها : قولي انتي .. اي وحده منا اتحبيها اكثر ؟
اسماء " ترفع حاجبها بشده " : ليش انه حبيتكم .. علشان من منكم احبها اكثر
الثانيه عصبت وتصرخ : اييي اكيد ما تتذكرين .. لأنج كل اتجذبين
اسماء " اتعصب " : هي هي هي ... ماسمح لج اتكلميني جدي .. بس من صجي "تسئل سؤال اهبل " .: اسئل انه حبيت احد منكم ؟!
وحدة تمسك يد اسماء : اي انتي حبيتينا كلنا واحنا كلنا في صف واحد بس قولي حبيبتي لهم فشليهم ان انتي اتحبيني اكثر وحده
اسماء " تشيل يدها من ايد البنيه .. وتحك راسها " : لا ما اقدر احدد ... كلكم غالين على قلبي وكلكم لكم نفس المكانه ..
ترد البنت تلصق في اسماء : اوووه خلج من هاالحجي انتي قلتي اتحبيني اكثر
اسماء " تكلم روحها بصوت مسموع " : انه اول خليني اذكر اسمج تالي اذكر اني قلت لج احبج
البنت : شقلتي ؟
اسماء " متوهقه ... وفكرت في خطه .. وتشهق مرة وحده " : هاااااااااا جوفو من جا
كلهم التفتوا يطالعون .. واسماء تحمل مريولها وتركض .. افتروا الا جافوها تركض

البنيه " تصرخ بعصبية " : اي اي رووحي شرردي .. ما عليه اساامو جوفي من الي يشجعش ويشجع فريقكم .. وان شاء الله ما تجيبين اقووال ولا تصيرين الكابتن وبخلي بنات صفنا ما يحيوونج
اسماء " تتضحك بضحكه ماليه ثمها " : ههههههههههههههههههههههههه " وتصرخ لها " : احب عصبيتج انه
البنيه يتورد خدها وتخجل : فديييييتج
والبنات الباقي اتخصروا لها ..
اسماء " اتعدل الوضع .. رسمت قلب في الهوا " : احبكم كلكم .. باااي
اسماء " مو مصدقه " : صج ميااانين ويهاال .. وانه والله ماذكر اني كلمت وحده منهم ... " وجافت رفيقتها .. وقامت اتناديها " : ايااااااااتوو تعااالي .. من ساعه وانه ادورج
ايات : هلا .. شدراني عنج وين اختفيتي
اسماء " تلف ويها يمين يسار .. وتخفض من صوتها " : بنات ثاني اخطفوني

ايات " تشهق " : هاااااا .. حلفي ؟ شسوو فيج ؟ سليمه الحين ما ضربوج اجوف " وتدور حول اسماء "
اسماء "تمسكها وتوقفها " : ركدي يابنيه .. ما سووا فيني شي .. بس تعالي ابسئلج
ايات " ماخدها الحماس .. وتحس روحها عايشه فلم امريكي " : قولي قولي ؟
اسماء : هذيلي بنات ثاني الي قدام صفنا تعرفيهم شلة المرح الي كل وحده شعرها اتودي فوق .. المخاابيل ؟
ايات " تتذكر .. وتعض على شفاتها " : اي اي اتذكرررت ... ذيلين الي خطفوج
اسماء : اي ديلين .. بس سمعي جفتين في يوم من الأيام مكلمة وحده فيهم وقايله لها كلمة غزل يمين يساار ... او السنه الي طافت ؟
ايات " تحتار " : والله انتي يعني واايد اتكلمين بناات مادري عنج ..
اسماء " تضربها بخفيف " : ادري ادري ... بس كنت مع وحده منهم
ايات : ايييي كنتي اذكر ويا وحده منهم اسمها حوراء .. رئيستهم .. الي احلى وحده فيهم .. حتى كان قبل حصة الرياضه .. وعلى الدرج .. اذكر
اسماء " تطالع ايات من طرف عينها " : متأكده ؟
ايات : ايي متأكده .. لأن في ذاك اليوم انه دعيت عليج
اسماء " تفتح عيونها " : دعيتي علييي شله ؟
ايات " بهباله تتكلم " : احسدج واايد مشهوره في المدرسه والكل يحبج ..
اسماء : هع ... مشكله لا
ايات " توها بتتكلم والا في وحده قربت من اسماء .. واسماء ابتسمت لها
البنت " تساسر اسماء " : ابتسامتج تذبحني
ومشت عنها ..
ايات : يه ما سمعت شي .. شقالت لج
اسماء " مو مصدقه شلي يصير " : اقول ايااات امشي اذبح روحي .. والله اقولج بقدم استقالتي من كرة السله .. مادام جدي الحاله ... استخفوا البنات .. من يجوفون وحده تعرف تلعب كرة سلة وتعزف وتقول اشعار ماتو عليها ...
ايات " تدعي لروحها " : يابختج والله بدل ما تفرحين
اسماء " من دون نفس " : تكفيين وين الفرحه جان كل يوم وحده بتخطفني .. امشي اقول بس اروح اكل لي .. الظاهر اليوم يوم فقر بالنسبه ليي .. بسجلة في المذكرة
ايات " تحك راسها " : ليش انتي اتسجلين يومياتج
اسماء " اتمللت من هباله ايات .. وتسحبها " : افففففففففففف ذبحتيني امشي امشي ولي يعاافيج ..

(( شخصية ايات : ايات بنت حبوبه وطيوبه ... قلبها كبير وما تشيل على احد وما تزعل بسرعه .. رزينه وراكده .. بس فيها حركات هباله الي تخلي اسماء تستخف منها .. رفيجه قريبه من اسماء ... وتاخد نفس حركات اسماء ومشيتها ومثل شخصيتها وحتى يتشابهون في التفكير ونفس علامات الأختبار .. ))

::: في مدرسة يثرب :::
اتفرقت الشله وتقسمت .. وظلت الاء مع فاتن يمشون مع بعض ..
فاتن : شمسويه بعد ؟
الاء " بأبتسامه بسيطه " : الحمدلله كلشي تمام
وكانت جنان جايه قبالهم ووقفت في ويوهم
جنان : سلام
الاء وفاتن : عليكم السلام
جنان " تعوج بوزها على صوب ": ممكن امشي معاكم ؟
الاء " اتأشر لفاتن من خلفها بالرفض ...
فاتن " اتبحلس على الاء واتسوي حركة عناد وتوافق " : اي حياج
الاء " تضرب فاتن بخفه في ظهرها "
جنان : امم الا وين حبيبتي ولاء ؟
الاء " بغيض وكره لجنان " : حبيبتج ولاء راااحت
جنان " تستغرب " : وين راحت
فاتن " تبي تنهي السالفه " : الصف اتحل واجبها
جنان : اهاا
وجت رفيقة جنان وسحبتها من ايدها وراحت ...
فاتن " بقرف " : وااااااااااااااااااااااااااااااع
الاء : حدهااااااااا ماطيقها وما ابلعها كلش كلش كلش
فاتن " ترفع لها حاجب " : لأنها اتحب ولاء ؟
الاء " اتبلعمت " : وانتي شدرااج ؟
فاتن : بعد ولاء رفيقتي ما تبيني اعرف عن اسرارها
الاء : اهااا
الاء " تبي اتسحب من فاتن كلام " : وشنو اتقول ولاء عني ؟
فاتن : يعني اتسوين روحج ما تدرين ؟
الاء : لا شنو صج .. شتقول بالضبط ؟
فاتن " تاخد نفس بعمق " : انها تحبج وانتي اتحبيها وانتي انسانه غاليه على قلبها ولج مكانه اكثر من رفيجة
الاء " تفرح " : اممم صح
فاتن " تبي اتغير الموضوع " : دريتين شسوينا ؟
الاء " اتعفس في حجاتها " : لا شنو ؟
فاتن " بفخر " : انتقمنا من وحده جلفيه ؟
الاء " تفتح عيونها على وسعها " : وش سوت ولاء فيها ؟
فاتن " ترفع حاجب " : وشحقه قلتي وجدان موب احنا كلنا ؟
الاء : لأني اعرف ولاء وحركاتها ..
فاتن : بعد محد قال لها تقعد تتطنز على ولاء .. ولاء سوتها وكتت عليها قوطي العصير كامل على مريولها
الاء " مو مصدقه " : حلفي ؟
فاتن :والله
الاء " بخوف " : بييييه الحين ولائو بتحصل تعهد .. جم مرة اقول ليها بطلي اتعلف بالبنات
فاتن " تدخل ايدها في مخابيها " : اهيا انسانه مزاجيه
الاء " توها بتتكلم ويطق جرس نهاية الفسحه ..
فاتن " تروح عنها " : يالله سي يو نيكست تايم
الاء : اوكو بباااي

::: في مدرسة عائشة :::
في صف اسماء عليهم حصة الرياضه .. والكل يبي يلبس ثيابه بأسرع ما عنده .. لأن لين تأخروا عن الوقت المحدد المعلمة اتعاقبهم بدوران على الملعب خمس مرات ..
شوق " جهزت وراحت صوب الباب تنتظر المعلمة .. وتتطنز على اسماء " : اما اسماء اخر وحده .. شكلج تستانسين وانتي ادورين
اسماء " تحوس في ثيابها " : ايي حدي اشق الحلج ... والله حراام ما يجزيني الوقت .. عذاب هالمعلمة
وتجي اهني المعلمة ..
المعلمة " تطق الباب " : يالله سرعوا باقي ثلاث دقايق
اسماء : معلمة تكفين خليها خمس
المعلمة : في احلامج .. خلصي بسرعه .. لا اخليج ادورين عشر هالمرة
اسماء " تربط الجوتي " : لا معلمة حرااام .. خمس واموت .. هالمرة عشر .. تدفنوني خلاص
البنات والمعلمة يضحكون عليها ...
ونزلوا البنات الصاله ووراهم المعلمة .. وظلت ايات واسماء للحين يبدلون
ايات " كملت " : يالله انتين لمتى .. لباجر الصبح ان شاء الله ؟!
اسماء "تعدل شعرها شوي " : كاني كاني كملللت .. احنا جدي جدي بندور عاد تأخرنا بدقيقة لو بعشر
ايات : وهقه .. يالله امشي نركض يمكن انلحق عليهم
وطلعت ايات واسماء يركضون .. على الدرج . متجهين للصاله ..
اسماء " مستانسه " :لا المعلمة داخل الصاله يعني هالمرة ماكو عقاب
ايات " مستغربه " : اي غريبة لازم اتكون واقفه تنطرنا في الساحه علشان اتخلينا اندور
اسماء " تفتح باب الصاله واتصير في ويها المعلمة ... واسماء تبتسم ابتسامه مزيفه ..
المعلمة " ترفع لها يدها " : خمس دورات " واتصك الباب في ويها "
اسماء " اتبرطم " : بل .. وانه بعد شاقه الحلج
ايات " بملل " : اوهووووووو مابدور خلها اتولي .. ما تدري ان درنا لو لا .. اهي داخل
اسماء : اي صح .. بنقعد شوي تالي بندخل داخل انسوي روحنا تعبانين من الركض ..
ايات " تضحك ضحكه شريره " : هع هع هع اذكياء احناا
والا المعلمة اتفتح الدريشه لهم وتصرخ : بسرعه دوروا لا الحين اطلع لكم واخليها عشر
ايات " تنقز من مكانها " : بسم الله الرحمن الرحيم
المعلمة : بسرعه اجوفكم من الدريشه انه علبالكم اتقصون عليي
اسماء " تضرب روحها " : ان شاء الله .. ان شاء الله معلمة .. ها جوفي بركض
وتروح تركض بسرعه كبيرة على الملعب والمعلمة اتصك الدريشه واتطالعهم .. وايات تركض وراها وتكلمها
ايات " بنفس متقطع " : مادري من وين هاي طلعت لنا .. نقزتني السبالة
اسماء " تعبت " : اففف .. بيووخ عبالها اتنكت ..
وكملوا دوران ... وراحوا الصاله واهم ينفخون من التعب ... وكل وحده راحت في القاطرة مالتها واصطفت
م . عبير " اتوجه حديثها للكل " : سمعوا اليوم ما بلعبكم شي
البنات " يستانسون وبصوت واحد " : فكه
م . عبير " بضحكة بسيطه " : لا مو فكه .. لأن تدرون المدرسة توها ماصار لها واهي مفتحه .. والغبار قايم والوصخ .. وانه وحده ما اعتمد على ديلي الفراشات حدهم يشيلون الدرام ويطلعون .. والغبار قايم في المكان .. " وتقعد على كرسي " : فانتو الحين تستخدمون الصاله ومن حق الصاله انكم اتنظفوها ..
ابرار : معلمة قولي مبااشره .. لا تلفين وادورين
م . عبير : ابيكم يا شطار كل وحده تقبض في يدها فوطه واتمسح الغبار .. وكل وحده تختار لها شغله .. الي تعدل الكور .. والي تنفخ المهفتين ... يالله بدوا
اسماء " مو مصدقه " : من صجج معلمة .. انه البيت ما انظفه بنظف المدرسه
ايات : معلمة انه زين مني اعدل حجرتي
فاطمة : معلمة التنضيف مو من صووبي مسامحه يعني ما بنضف
اسماء " اتأيدها " : وانه بعد ما بنضف ... اجري عشر مرات على الملعب ولا اني انضف ..
م. عبير " خطرت في عقلها فكره " : اممم انزين بعطيكم خيار اخر
ابرار : الا وهو
م .عبير : انه اليوم مالي خلق العبكم رياضه بالمرة .. بس ابي اجوف ناس يلعبون بروحهم
وسن " ترفع حاجب " : معلمة تتكلمين بألغاز
م. عبير " توقف من على الكرسي " : اسماء وفاطمة ... بتتحدون كرة سلة .. وبنجوف من الأحسن
اسماء " تندهش بقوه " : معلمة انه ما اتحدى ضد فاطمة .. مستوانا مثل الشي مايحتاج
فاطمة " بخوف شوي " : معلمة واذا جفتي من الأفضل
م . عبير " بكل بساطه " : بتكون الكابتن
اسماء " تقاطع المعلمة " : معلمة ما يحتاج .. فاطمة الكابتن واحنا راضين
م . عبير " ترفع حاجب .. وبحزم " : انه الي اقرر موب انتوا
اسماء " بعصبيه .. تتجه ناحيه سلة الكور وتاخد كرة " : Im Ready
فاطمة " بروح المنافسه " : يالله عطيني الكرة ..
اسماء تقطها لها ... وفاطمة تاخذ الكرة ... وتبدا فاطمة بتنطيط الكرة على الأرض بمهارة وتدخلها من تحت ريولها وتمررها حواليها ...
فاطمة : اعرف شي واحد ان الأرنب ما يغلب الأسد
اسماء " تتقدم لفاطمة .. وشاده نضرها ناحيه الكرة " : بس الي اعرفه ان الأسد ما يهمه الا ان ياكل فريسته ... بس الأرنب يهمه شلون ينجح بخداع الأسد ويحافظ على حياته .. الأرنب بذكائة يقدر يفوز ... وحتى لو الي كان قدامه اكبر منه في الحجم ...

وبحركه انسيابيه .. دخلت اسماء يدها من بين تنطيط فاطمة للكرة على الأرض بشكل متكرر وقطعتها منها ... وركضت ناحية السله وصوبتها ويابتها قول ..
اسماء " تحمل الكرة .. وتطالع فاطمة " : عرفتي الي اقصد
فاطمة " مصدومه .. شلون قدرت اسماء تقطعها من عندها .." : يالله دورج ؟
اسماء " تنظر للكل .. الي كان ماخدهم الحماس .. والمعلمة مندمجه في حركات اسماء .. وبكل حزم وروح منافسه " : بدا العرض
وتبدا اسماء بتنطيط الكرة بشكل سريع على الأرض ... وتمررها من بين ريولها ومن كل الجهات ... علشان تخلي فاطمة ترتبك ...
فاطمة " خايفه تخسر قدام اسماء .. وموب قادره تتحكم في اعصابها .. ومو قادره اتركز .. "
اسماء : اقطعيها لا !
فاطمة : بقطعها بس صبري عليي
وكل ما يات فاطمة بتقطع الكرة من يدها .. اسماء تعطيها ظهرها بشكل سريع .. وتمنعها ... وركضت اسماء مرة ثانيه ناحية السله .. وقربت من السله ونطت على ريول وحده ورمت الكرة ... وجابتها قول ..
المعلمة اتصفر اهني .. ووقفت كل من اسماء وفاطمة المصدومه ..
المعلمة : بنات شرايكم في لعب اسماء ؟
البنات : عجيييييب
اسماء تنظر لفاطمة من تحت .. وخايفه لو المعلمة تخليها الكابتن ..
المعلمة : اسماء انتي الكابتن
اسماء : لاا
فاطمة : ليش ؟
اسماء : لأن انتي الكابتن وبتبقين انتي ... وانه ماقدر اقود فريق .. بس انتي اي .. مسامحه معلمة ارفض طلبج ..
فاطمة " مستانسه على رد اسماء "
م .عبير : اسماء راح اتقودين مباراه داخليه وان جفتج تقدرين بتصيرين ما تقدرين خلاص ..
اسماء " تحس بضيق فاطمة " : ان شاء الله معلمة ..

::: من ناحية ثانيه .. مدرسة يثرب :::
في صف ولاء :::
بنت تطق باب صف ولاء وتدخل ..
المعلمة : نعم ؟
البنت : معلمة المشرفه تبي وحده ابنيه اسمها ولاء الحين ضروري
المعلمة " توجه حديثها لولاء " : ولاء روحي للمشرفه ..
ولاء " ترفع يدها دليل على الحيره " : والله ما سويت شي .. بس الله على الظالم ..
وتطلع من الصف ... متجها لحجرة المشرفه الأجتماعية . واهي اتفكر شنو الشي الخطاء الي سوته ..
طقت الباب ودخلت الغرفه ..
المشرفه : ها شرفتي ؟
ولاء : ايي
المشرفه : ممكن اتقولين ليي شسويتي اليوم في الفسحه
ولاء : مثل باقي البنات ... اتمشى مع ربعي واكل .. يعني شبسوي
المشرفه : لا تتهيبلين عليي ... شحقه كاته قوطي العصير مالج على مريم
ولاء " ترفع حاجب " : اي مريم ؟ انه ما اعرف وحده اسمها مريم !
المشرفه : البنيه السوريه
ولاء " توها عارفه السالفه وتقول في روحه " : بل عليها يات اشتكت
المشرفه : شحقه سكتي ما عندج رد ؟
ولاء " تبحث عن عذر مناسب " : معلمة اهي اتطنزت عليي .. وغلطت عليي .. وانه اخذ حقي بأيدي ... وانه ولا كلمتها ولا قلت ليها شي .. اهي جافتني قاعده امشي قامت تتطنز .. صدقيني مشرفه ما اجذب ..
المشرفه : تقدرين اتجين ليي واتقولين وانه اعرف اتصرف معاها ... موب بروحج .. ليش المدرسه ساايبة .. فوضه اهيي
ولاء " تتكلم بصوت مسموع " : والله حالة .. موب ناقص الا يزفوني علشان وحده جلفيه ..
المشرفه " تعصب " : نعم شقلتي .. اقول امشي وقعي التعهد
ولاء : معلمة بسئلج سؤال
المشرفه : شنو

ولاء " بتطنز " : اوراق التعهد عندج انتي ببلاش ما يخلصون .. كل يوم اوقع حشى ..
المشرفه : اقول حبيبتي تعالي وقعي وبسج طوالة لسان
ولاء " تحمل القلم من على الطاولة وتوقع .. وحملت روحها ويات بتطلع من الغرفه ..
المشرفه " تنادي عليها " : لاء
ولاء " تلف لها " : نعم .. في شي ؟
المشرفه " تأشر لها على احد الكراسي " : ممكن تقعدين واتكلم معاج شوي ..
ولاء " تستغرب من طلب المشرفه " : اوكيه .. " وتقعد على احد الكراسي "
المشرفه : لمتى انتي جدي حالتج
ولاء " ما تحب احد يدخل فيها " : شفيها حالتي ؟!
المشرفه : تدرين انج اكثر وحده توقعين تعهدات ... واكثر وحده يشتكون عليج في المدرسه ..
ولاء : ادري
المشرفه : وعاجبج ؟ لو محسبته فخر ؟
ولاء " تطالع المشرفه من فوق " : لا موب فخر .. بس انه ما اسوي شي .. بس الظاهر انتوا خالين العداوة معاي .. والله يمكن موب محصلين لكم وحده اتوقع على تعهدات .. وتاهميني انه ... يمكن حتى لو طيحت طاولة في الصف بالغلط بتوقعوني تعهد !!
المشرفه : ظنج موب في مكانه ... " وبعطف " : ولاء انتي لازم اتغيرين من روحج ومن طريقة تعاملج .. صدقيني يمكن الحين انتي موب حاسه بالي اتسوينه ان غلط .. بس تالي راح تندمين .. وبتندمين واايد .. وتاليها ما ينفعج الندم ..
ولاء " توها بتتكلم .. وتقعطها المشرفه "
المشرفه " بحزم " : لا تظنين ان ربعج راح ينفعونج في يوم من الأيام لين طحتي في حفره وما قدرتي تطلعين منها .. ولا تظنين انهم لين شجعوج على الي تسوينه ... معناته صح .. يا ولاء انتي وراج ثانويه تعرفين شنو ثانويه . وانتي فايلج اسود من افعالج .. لا تظنين انج ناجحه ووممتازة خلاص ... البنت الي ما عندها اخلاق مو مهم حتى لو كانت عبقريه .. وانتي لين طرشنا فايل سلوكج للمدرسه الي بتروحينها .. ابصم لج ما بيقبلونج ...
ولاء " تفكر في كلام المشرفه .. وحستها انها صاجه معاها وخايفه على مصلحتها .. " : ان شاء الله مشرفه .. بحاول مثل ما قلتي
المشرفه : انه ادري كل الي قلته دخل من اهني وطلع من اهني " وتأشر على اذونها " : بس تالي في يوم بتقولين ياليتني سمعت النصيحه ... وكاني قلت لج .. وانتي عاد كيفج .. ويالله تفضلي على صفج ..
ولاء " تقوم من مكانها .. واهي اتفكر ... وقبل ما تطلع .. افترت للمشرفه وابتسمت في ويها " : شكرا معلمة على النصيحه ..
المشرفه " مستانسه من رد ولاء " : نصيحه ام لبنتها الغالية ..
وابتسمت ولاء وطلعت من عند المشرفه واهي حاسه ان في شي راح يتغير فيها .. ما تدري شلون .. حست بكلام المشرفه دخل قلبها .. وريحها .. وتمنت لو انها تحصل احد .. يظل جنبها ويفهمها .. ويأيدها .. ويعلمها طريج الصواب ...

::: في مدرسة عائشة :::
بالتحديد صف اسماء :
بعد نهاية حصة الرياضه ..
اسماء " تتحدث مع البنات " : she s crazy .. I cant belive it
ابرار : اهي اصلن من زمان مينونه .. بس انتو موب حاسين
اسماء " مو مصدقه الي صار " : شنو يعني مسخره اهيا .. الحين جم سنة واحنا في ذي المدرسة سنتين ودي الثالثه واحنا نلعب كرة سلة انه وفاطمة .. اهي الكابتن وانه موافقه مع ان مستوانا مثل الشي .. بس اقولكم تخلف صايب الأمة
فاطمة " مو موافقه " : اصلن ظلم شنو .. الحين من بدت المدرسة توني اليوم مسكت كرة السلة .. يبي ليها مواصله واستمرار ...
وتطلع فاطمة من الصف اتروح الحمامات اتبدل اثيابها ..
اسماء " تقط فانيلتها على طاولتها " : صج تقهر دي بعد
وسن " مو فاهمه شي " : اسماء انتي شحقه موب موافقه . بالعكس انتي تستاهلين اتكونين الكابتن .. انه اجوفج تلعبين احسن منها ..
اسماء " ترجع الذكريات في بالها " : لأن فاطمة اهي معلمتي .. اهي الي اهتمت فييي من الأبتدائي .. وعلمتني ودربتني .. وقالت ليي خطط حلوه .. وكنت طول الوقت معاها في تحدي وسباق .. لين ما صار مستوانا مثل الشي .. وصرنا احلى ثنائي في الأبتدائي وحتى لمن جينا الأعدادي .. من جدي ما ابي انكر فضلها علي .. واحسسها اني تغلبت عليها .. مع ان اهي الي معلمتني اساس اللعبة ..
وسن " حست بوفاء اسماء " : اممم .. بس كلمي المعلمة جدي على صوب وخليها تقتنع ..
اسماء " تقعد على كرسيها بتعب " : هاي الي بيصير
شوق " تدخل الصف بفرح وبفوضه " : بناااااات .. لحقوااا
ابرار " تنط في ويها " : بشري ... بشري
شوق " تاخد نفس قوي " : سمر مر غااااايبة
الكل " ينط " : حلفيييي ؟
شوق " تشق حلقها بأبتسامه كبيرة " : والله
والكل قام ينطط من الفرحة ... اول مرة ايحصلون حصة فراغ من بداية المدرسة .. ولأن كل حصة فراغ تاخذهم معلمة الريض .. بحجة المنهج طويل .. فالبنات محتاجين لشوي وقت ترفيه .. غير عن فترة الفسحه ...
ابرار " بطبيعتها المزعجه " : بنات .. بنات .. قوموا انطط على الأرض علشان نخلي زيتونه اتجي لنا اتزفنا ...
تقصد " بزيتونه " : مساعدة المديرة .. الي دايما تزف في البنات ... وما تحب الفوضى .. وصف اسماء كل ما حانت لهم الفرصه .. قاموا نططوا على الأرض .. علشان اهي حجرتها تحت صفهم .. فتحس بفوضه واتجي اتزفهم .. واهم يفرحون .. وسموها بزيتونه بحجة ان راسها طويل .. ومثل الزيتون ..

الكل قام شارك.. الهادئ والمزعج في التنطيط على الأرض ..
اسماء " تنظر للنافذه " : بوووووووووووووط هكي يات ياات .. قعدوا قعدوا
وبحركه سريعه يرجعون كل البنات لأماكنهم .. وكأن شي ما صار ..
مساعدة المديرة " تفتح الباب بقوة " : وش صااير ..ها ... شها القلة الأدب ... يا قليلات الأدب .. ما تستحون على وجهكم .. كل وحده طولها طول النخله .. والله صدق المثل وقال الطول طول النخله والعقل عقل الصخله ...
البنات " بضحكه عاليه " : هههههههههههههههههههههههههههههه
مساعدة المديرة " تحط صبعها صوب ثمها " : يالله بس سكتوا .. ولا ابي اسمع صوت .. شعندكم الحين
شوق " تغني " : عربيا انا عربيا
والبنات يطبلون ويصفقون .. ويساعدونها ...
مساعدة المديرة " تدخل الصف وتصك الباب بالقوة " : هي هي .. وين قاعدين احنا .. مرقص لو ديسكو
ابرار " تستهبل " : وشنو الفرق بينهم ؟
مساعدة المديرة : بلا لغاوة واسكتي ... وين زعيمتكم
اسماء " تحرك يدها في الهوا " : طوووووووط ساافرت
مساعدة المديرة " تشد على اسنانها واهي تتكلم " : رئيسة الصف وينهي .. المسؤلة عنكم ..
ابرار " تنط من مكانها " : انه معلمة الرئيسة
مساعدة المديرة : بل انتي رئيستهم وانتي اشطنهم
ابرار " بحركه هباله تصفق يدها بقوه وتتضحك بصوت عالي " : ها ها ها ها .. خفيفه معلمة ...
شوق " بقرف من مساعدة المديرة .. وبصوت عالي " : اووووووه الف مرة اقولج اسماء انه ما احب الزيتوون الأخضر وشفيج ما تفهمين ..
مساعدة المديرة : بس الي اهناك .. شفيه صوتج .. مكبر لو ستيريو .. يالله صكي بوزج ..
اسماء " تبي تزرع الفوضه في الصف " : بنااات تحية فريق الأسود (( فريق كرة السله ))
البنات بحركه وحده .. يضربون بأيدهم على الطاولة ويصفقون .. وبصوت عالي : اسوود ...
مساعدة المديرة " فقدت اعصابها " : لا الظاهر انتوا ما يفيد معاكم الكلام ..
شوق : معلمة اكيد يفيد ويانا الحجي

مساعدة المديرة " تفتح الباب " : يالله كل وحده تحمل الي تبي من اغراض وتنزل ليي تحت .. ابيكم تحت تقعدون صوب المقصف .. بقعدكم في الحر .. يمكن احساسكم بالحر يخليكم تسكتون ... يالله بسررعه قدااامي ..

البنات يقومون من مكانهم ... ويطلعون من الصف ...
اسماء " وكأنها تتذكر شي " : ايي صح معلمة .. على فكرة انتي اي نوع من الزيتون اتحبين ؟
مساعدة المديرة : الأخضر
اسماء " وكأنها اكتشتف شيي " : اييي من جدي اتولعين علينا بسررعه
مساعدة المديرة : يالله طلعي من الصف خليني اصك الباب ..
وتطلع اسماء من الصف . وترجع شوق .. وتدز الباب من يد المساعدة وتفتح الباب مرة ثانيه
مساعدة المديرة : شفيييج انتي ... ينيتي ؟
شوق : معلمة .. معلمة العلوم قالت لينا .. لين طلعتوا من المكان صكوا الليتات والمكيفاات .. لازم نسوي ترشيد للأستهلاك .. والله وش فايده ندرس في الكتاب ولا نطبق .. ها معلمة شفاايده ؟
المساعده : زين زين .. روحي صكيهم خلصيني ....
وينزلون البنات بكل فوضه على الدرج .. وتتعالى اصوات ضحكاتهم ... وسوالفهم ..
والمساعده تحاول تخفض من صوتهم .. وموب قادره تسيطر عليهم ...
قعدوا البنات .. صوب المقصف على الكراسي المظلله ... والوقت كان شمس .. وحر . ما ان قعدوا . حتى كل وحده قامت تتأفف واشتعلت من الحرارة ...
ومساعدة المديرة .. مستاانسة واهي اتطالع حالتهم جدي من خلف النافذة ...
البنات اصروا على ان ايسون لها حركه اتطفشها ..
ابرار " بصوت عالي " : بنات بناات .. صورة جمااعيه
ويلتمون البنات على بعضهم والي تتسدح في الوسط والي تتربع ... حق الصورة الجماعية .. واسماء راحت من قدامهم .. وسوت في يدها حركة المربع الداله على حمل الكاميرا .. وتسوي روحها اتدق الصورة .. مساعدة المديرة استغربت ووقفت .. وبحركه سريعه طلعت لهم اتجوف شعندهم ...
مساعده المديرة " تبحث عن الكاميرا " : وينهي وينهي ؟
مريم : شنو الي وين معلمة ؟
مساعدة المديرة : الكاميرا الي عندكم .. وين غيبتوها
شوق : معلمة ما عندنا شي .. تبين اصف لج الحين البنات تفتشينا وحده وحدة .. صدقيني بضيعين وقتج وما بتحصلين شي
اسماء " تتقرب من مساعده المديرة .. وتمد لها يدها " : معلمة هكي الكاميرا
مساعدة المديرة " تطالع يدها الفاضيه " : وينهي ؟
اسماء : هاي الكاميرا المزيفه .. معلمة احنا ما عندنا كاميرا .. بس مثلنا ان عندنا كاميرا .. علشان نغير جو .. وما نحس بالحر ..
مساعدة المديرة " بفرح " : احتريتوا ؟
البنات " بصوت واحد هز اركان المدرسة " : ايييييييي
مساعدة المديرة " باسلوب تحدي " : خلكم .. حسوا الحين .. علشان لمن مرة ثانيه اقولكم سكتوا .. تسكتوون .. وما تسون فوضه .. اذا اعتذرتون وحلفتون انكم ما بتعيدون الفوضه الي سويتوها الحين .. بردكم الصف
البنات " بحركة موحده يقعدون على الكراسي ويحركون يدهم تجاه المعلمة بلا ا مبالاة " : لا انفضل نقعد في الحر ..
مساعده المديرة " ترفع جتفها " : ايه كيفكم ..” وتروح عنهم .”.
ابرار " تقوم تنقز وراها .. وتبحلس عليها .. واهي ما تدري "

نهااية الجزء الثاني ..
الجزء الجاي بيشمل على ::
هل راح تتغير نظرة الاء تجاه فاتن وولاء؟ !
ولاء بتحاول ان تغير من شخصيتها لو انها تتغمص في شخصيتها وتضيع في متاهة !
اسماء .. فاطمة .. معلمة عبير .. ونهاية كرة السلة وفريق الأسود شمصيره ؟
حوادث غريبة وعجيبة .. راح تلاقونها في الجزء الثالث

الجزء الثالث ::
:: مدرسة عائشة :::
الحصة الثالثه .. حصة اقتصاد منزلي .. في القسم الي موجوده فيه اسماء .. والمعلمة معلمة مصرية ..
م . هناء : اوومي يا اسماء دورك ( بالمصري معناته : قومي يا اسماء دورج ))
اسماء " تقوم من على الكرسي " : واخيرا ً .. طلعتش رووحي عطول ما قا دوري
م . هناء : يالله بأ .. انا اولت اومي .. ما اولتيش فتحي بؤك .. (( يالله .. انا قلت قومي ما قلت فتحي فمج ))
اسماء " تروح صوب الة الخياطة .. الي كانت توها قايمة من عليها وسن .. "
وسن " بصوت منخفض . ل اسماء " : بس .. ركدي .. تراها خاله بالها عليج وبتنقصج من الدرجات ..
اسماء " بطريقه غير اهتمام " : مو مهم ..
وسن " تفتح عيونها على كبرهم " : شنو مو مهم ؟
اسماء : اي اذا بتنقص اتنقص .. كيفها مو ممهم عندي
وسن : دي درجاتج !
اسماء " ترفع لها حاجب على صوب " : شحقه مهتمه في الأمر ؟
وسن " تبتسم " : لأنج اتهميني ... " ومشت عنها "
اسماء " تفرح فرحة كبيرة .. وتقعد على الة الخياطة .. وتتطنز على المعلمة ..
اسماء " تدور براسها تحت الطاولة .. تدور القدم مالت الألة " : يــــه وين هاي الريس .. ( الريس تقصد بدواسة السيارة . مالت البنزين )
م . هناء " اتقوم لها " : اولتيييي ايييييه .... ايه الريس ... دي ادم الماكنه .. (( قلتي شنو ... شنو ريس ... هاي قدم الماكينه ))
اسماء " حصلتها " : الا اهو .. المهم اتمشي شغلنا ... " وتخلي اسماء رجلها عليها .. وتحرك ايدها مثل الي اتسوق سيارة وتطلع صوب : بببوم بوووم بوووووم بييييييييييييييت ...
والبنات غارقين من الضحك على حركات اسماء ..
م . هناء " تقرب من اسماء بعصبية " : اوووومي .. اوومي مش عايزتك اتخيطي .. خيطي بأيدك .. (( قومي .. قومي .. ما ابيح اتخيطين .. خيطي بأيدج ))
اسماء : اهوا على كيفك .. بخيطه بأيدي .. شمعنى انا .. البنات بتخليهموش .. ايخيطون بالمكينه .. وانه اخيط ابأيدي .. ليييييه .. عملت اييييييه ...
م . هناء : انتي لو عايزة تخيطي بالماكنه .. خيطتي .. بس انتي عايزة تلعبي
اسماء " تشهق " : ايييييييه .. اولتي ايه .. العب ... دي مدرسة يا معلمة مش ملعب ..
م . هناء : انتي اييييه .. بتحاكمينيش والله ايه .. اولت لك اومي يعني اومي ...يالله اومي من على الماكنه " وتشيل قطعة الخلق مالت اسماء من المكينه "
اسماء : طيب .. طيب انه اووومت من على الماكنه " واسماء ما زالت قاعده في مكانها "
م . هناء " معصبة " : انتي بتحزرييش .. اومي يالله من على الماكنه
اسماء : والله انه قاعده على مكينه .. موب على ماكنه ..
م هناء " تفقد اعصابها " : انتي عايزة اتطلعيش لييا فيوزي ..اومي
اسماء " تقوم من على الكرسي .. وتتضحك " : ههههه اوووه هااي بعد تعرف الفيوز .. انتي بتعرفيهاش يا معلمة ايه الفيوز ..
البنات اهني ما قدروا يخففون من وتيرة الضحك .. واضحكوا بصوت عالي ...
م . هناء : الحين انتي بتؤمي او لاء .. او انادلك المشرفه الأقتماعيه تتصرف معاك
اسماء : فيه ايييه ... عملت اييييه ... والله انتي كل بتزلميني .. حرام عليكي
م . هناء : طب اسكوووتي اسكووتي .. حرئتي ليي البي (( حرقتي ليي قلبي ))
اسماء : انزين عطيني ابره وخيوط .. اخيط هالخلقه دي ..
م . هناء : اسمها اوطعة اماش (( قطعه قماش ))
اسماء : شفتي يا معلمة انتي بتطوليهاش واهيا اوصيره .. انتي عايزة اتبربري معاي .. ايه اعترررفي
م . هناء " تعطي اسماء الأبره والخيوط " : خزي خزي .. خلصيني بأ (( اخدي .. اخدي .. وفكيني ))
اسماء " واهيا قاعده في مكانها .. تمد يدها للمعلمة وما توصل .. "
م . هناء " بصرخه " : طب .. اوووومي اووأفي
اسماء " توقف مره وحده .. وتغني وترقص " : اوم اوأف وانت بتكلمني ..
ويصفقون معاها البنات ويغنون ...
م . هناء " تتجه ناحية الباب " : اووخرقي ... برا .. مش عايزاتك في الصف ..
اسماء " تشهق " : ايييييه ... بتطردينيش يعني بره ... ايدي المسخره ..
م . هناء " تأشر بأيدها لبره " : برره اخرجي .. مش عايزتك في صفي .. اوخرقي
اسماء " تمثل دور المسكينه والي تبجي " : اهئ اهئ .. ايده الزلم في دي المدرسة .. وين ما بروحش محدش بيحبني ... بعمل ايييه في نفسي .. انه عايزة اموووت .. لا عايزة انتحر .. ولاحدش حيمنعني ... كلكم زالمييين .. وبتكرهوني .. انه بعرفش .. لا تفكرونيش مزمغه .. اوووعكم ... انه راسي بيوقعني .. انه عياانة .. بتطردينيش بره .. حرااااااااام واللهي حرااام ... ايه ما عندك احسااس .. " وتخلي يدها على راسها .. وتعمل روحها راسها دار .. وتطيح على الأرض " (( شنو الظلم في دي المدرسة .. وين ما روح محد يحبني .. شاسوي في نفسي .. انه ابي اموت والله ابي انتحر .. ومحد راح يمنعني .. كلكم ظالمين . وتكرهوني .. وانه ادري .. لا تحسبوني مدمغه ... حاسبوا .. انا راسي يعورني .. انه مريضة .. بتطرديني بره الصف .. حراام والله حراام .. شنو ما عندج احساس ))
شوق " مسكت روحها من الضحك .. وراحت ركضت لصوب اسماء .. وتهزها " : اسمااء .. اسمااء رديي عليييي .. بلييييز ...
اسماء مواصله في التمثيل ..
ايات : قومي قومي .. وسن .. انروح انفتن عليها عند المشرفه .. طيحت بنيه بسببها ..
م . هناء " خايفه .. وتوقف في وجهم " : لاء .. بتؤليش للمشرفه .. دي فيها خرااب بيووت .. دي فيها ليلة سوودة .. (( لا تقولين للمشرفه .. فيها خراب بيوت وفيها يوم مو ب زين ))
ايات : روحي وعيها .. ياالله
م . هناء " اتقرب من اسماء .. " : عطوني مييه ..(( عطوني ماء ))
م . هناء " اتطشر الماء على ويه اسماء ... واسماء اتسوي روحها شوي شوي تفتح اعيونها .. وتوعى
م . هناء " تفرح " دا انتي وعيتي .. انا اولت انتي ام سبعة ارواح (( انتي قعدتي .. انا قلت انتي ام سبعة ارواح ))
اسماء " ترد تنبطح " : حسدووني كااني بمووت
البنات في ضحك مستمر .. على الحركات والمقالب الي اتسويها في المعلمات .. واتشاركها شوق . بكل روح وحماس ..
ويطق جرس نهاية الحصة ... ويطلعون البنات .. بكل حمااس .. ياخدون لهم مكان في الملعب .. لبدايه اول مبارة كرة سلة .. بين فريق الأسود ( فريق اسماء وفاطمة ) وفريق بنات اول اعدادي الشياطين الحمر ..

::: في مدرسة يثرب :::
مع بداية الفسحة .. وصرخات البنات .. وفوضه المراهقات ..
الاء تتسارع مع رفيجتها اسراء .. للمقصف .. يشترون لهم اكل .. علشان يرجعون لمختبر العلوم .. ويشرحون السمج ..
اسراء " محتارة مع الاء " : يا بت الحلال .. غيري راايج .. خلينا اول ناكل تالي انروح .. مو انروح اهناك انشرح تالي ناكل .. انه وحده تلوع جبدي ..
الاء " تطالعها من طرف عينها " : الحين ما تلوع جبدج وانتي اتشرحين بتلوع جبدج .. عقب لمن بتاكلين ..
اسراء " بملل " : اوووووه .. كيفج ... انه باكل اول ..
الاء " تبي تنهي السالفه " : انزين .. يعني الحين انه اروح عنج المختبر .. تالي بتجين ؟
اسراء : ايي
الاء : اوك .. سي يو .. باي
اسراء: " تقعد على احد الكراسي " : سي يو .. بااي
الاء واسراء اكثر من رفيجة .. على رغم من صغر الفترة الي عرفوها بعض .. بس هذا الشي ما منع انهم يكونون .. رفيجات في الروح ..
في حين ولاء .. تظنون انها تغيرت .. بس بقولكم .. لاا .. ظلت على ما اهي .. وكثرة الشكاوي عليها .. خلاا المشرفه تضطر .. انها تعطيها فصل لمدة ثلاثة ايام عن المدرسة .. والاء ما درت بالفصل .. لأن ها االيومين ما كانت اتجوفها .. بأنشغالها في التشريح .. والعلوم ... الاء .. بدخولها في المدرسة الجديدة .. اتعلمت اشياء واايد .. جديدة عليها .. وتعرفت على رفيجاات اكثر واكثر .. هذا السبب الي

خلاها تبتعد عن ولاء .. ويقل تعلقها ابها .. وخصوصا لأنها غيرت تفكيرها من ناحيه ولاء وعجبتها فاتن اكثر ..

ايمان " بملل .. تقعد على الكرسي " : افففف اففف اففف .. المدرسة بلا ولاء جحيييييم ... تعرفون شنو جحيم ..
فاتن " تبرطم " : هاي انسانه موب صااحيه .. لو انها اتعزنا وما تبي تفترق عنا مثل ما تقول .. ما تسوي دي المشاكل
منار : واهي شدراها ان بيفصلونها عن المدرسة .. اذا سوت جدي
سكينه " بأستهزاء " : اكيد بيفصلونها من حركاتها .. عيل بيطببون على ظهرها .. وبيقولون لها جزاج الف خير ...
منار " تفكر في حيرة " : مادري شلي ايخليها اتسوي جدي ... صراحة ولاء من بداية السنة واهي اتسوي حركات .. غريبة عجيبة .. اتغيرت عن اول سنة ..
فاتن : احنا لازم انكلمها ... ما نبيها اضيع .. والله غالية
منار : غالية على قلوبنا كلنا .. واتصل لها بعد امس على التلفون ما ترد .
سكينة : ما يبيلها سؤال .. اكيد امها ساحبته من عندها .. ليش ان فاصلينها ..
ايمان : اففف اففف .. متى يكملون ها اليومين .. واترد لنا مثل قبل ان شاء الله
الكل " ومن قلوبهم " : الله يسمع منج ..
اسراء سمعت بسالفه ولاء انها منفصله ... وراحت المختبر اتقول ل الاء .. اتجوفها اذا تدري او لا ..
اسراء " تدخل المختبر بكل هدؤ " : هاي
الكل : هايات
اسراء " ترفع حاجب بأستغراب " : وين المعلمة ؟!
رزان : ما يات للحين .. الظاهر البانزين مكمل
اسراء " بضحكه بسيطة " : هههههههه ما تيوزين لازم طنازة ..
رزان : اي عشون عيل .. هاي شغلتي المستحدثه
الاء : ليش شكانت القديمه
رزان " بحركة هباله .. تقرب من الاء .. وتخفض من صوتها " : سكتي سكتي بروحي ما ادري .. لا تفشليني قدام اسرائو ..
الاء واسراء : هههههههههههههههههههههههههههههههه
اسراء : مادام المعلمة مو اهني .. خلاا ناخد راحتنا في الحجي ..
رزان : ياالله احجي احجي ..
اسراء " بفخر " : الخبر الي بقولكم عنه .. يبي ليه power
رزان " متحمسه " : قولي قولي .. ولج مني مصاص بأربعانات ..
اسراء " ترفع لها حواجبها " : لالا واايد ما تقصررين .
الاء " تبي تعرف بسرعه " : قولي قولي .. ما عليج منها .. تالي الي تبين بعطيج
اسراء : اي جدي الأوادم السنعه .. على العموم اقولكم .. علشان احافظ على روحي منكم .. طبعا انتوا تعرفون صاحبة الشهره في المدرسة ..
الاء " توقف بسرعه " : ولاء ؟ شفيها ؟
اسراء " تفتح فمها بضحكه " : هههههه ما شاء الله عليج .. عبقريه .. ماكو .. سمعت انه طردوها من المدرسة لمدة ثلاثة ايام
الاء " تفتح عيونها بدهشه " : سمعتي والله اكيد ؟
اسراء : اكيييييد طبعا
الاء : ليش ؟ شسوت ؟
اسراء " ترفع جتوفها " : والله للحين ما استفسرت عن السالفه .. بس انه سمعت الخبر منتشر في المدرسة .. خبركم يعني اهي مشهوره .. من..
الاء " ما نطرت اسراء تكمل كلامها .. وطلعت من المختبر .. متجها للشله تبي تعرف شنو السبب .. "
اسراء : بوووووووو انعل الحب .. في ثانيتها طلعت اتجوف وش صاير
رزان : هههههههههههههههههههههههههه .. لا تحسدينها ..
اسراء : الله يخليهم لبعض

::: في مدرسة عائشة :::
تتعالى اصوات البنات ... وتشجيعهم .. وصراخهم على بداية اول مبارة كرة سلة من بدايه السنة .. بين الصفوف ... فريق الأسود " فريق اسماء وفاطمة " وفريق بنات اول اعدادي الشياطين الحمر .. وطبعا اسماء معلمة عبير خلتها اتكون الكابتن في هاذي المباراة .. واسماء متوتره .. انها بتقود فريق ..

اسماء " تكلم وسن قبل ما تدخل ارض الملعب " : موب تروحين تنحاشين ليي عن الحر .. ما عليه استحملي قعدي في الشمس شوي .. علشاني .. ابي رايج في لعبي .. واذا اقود زين او لا ؟
وسن " تبتسم لها " : بقعد اهني اجوفج .. وين بروح .. جوفي المدرسة كلها قاعده .. يعني انه بخالف ..
اسماء " تقرب من وسن " : انزين ماكو بالتوفيق .. كلمة تعطي دافع حق العب الزين .
وسن " تنزل عيونها في الأرض .. وتحوس بربطة الأيد مالت اسماء . شعار الكابتن " : .. امبله .. ولو ودي ما ابيج تلعبين
اسماء " تتكلم بسرعه علشان ما تتأخر " : ليش
وسن : اخاف يصير فيج شي .. تتعبين تتكسرين .. تالي شتستفيدين
اسماء " تطالع الملعب وتجوف البنات دخلوا الملعب حق البداية " : اي تالي نتفاهم .. يالله بااي
ونست تاخد الربطه من عند وسن مالت الكابتن ..
وسن " تنادي عليها " : اسمااء
اسماء " تلتفت لها بسرعه .. وترفع لها حجاتها "
وسن : ربطة الكابتن مالتج نسيتيها
اسماء " تتذكر .. وتركض بسرعه ل وسن .. وتاخدها من يدها " : شلون نسيتها دي بعد ؟
وسن " تدز اسماء " : يالله روحي لا تتأخرين .. بالتوفيق
اسماء " تبتسم وتركض .. تدخل الملعب مع فاطمة .. الي من دخلوا البنات وقفوا وقاموا يصفقون ... والتشجيع الحار ...
اسماء " متوترة بصورة كبيرة .. وتكلم فاطمة " : ما شاء الله كل ديلين يشجعونا
فاطمة " مستانسه ترفع يدها للبنات . تحس روحها شخصية مشهورة " : ايي احسسن .. وااي ونااسه .. يارب عاد نفوز وما نتفشل
اسماء " تنظر للمعلمة الي يات ومعاها كرة السلة " : اي ان شاء الله ..
م . عبير " تذيع في المايك ": ياهلا والله .. بمشجعينا .. الله يزيدكم .. " وبطنازة " : وين تزيدون وانتو المدرسة كلها
الكل ضحك .. على طبيعة معلمة عبير المرحه مع البنات .. والكل يحبها
م . عبير : اليوم اول مبارة كرة سلة بين فريق الأسود وفريق الشياطين الحمر .. وفريق الأسود لأول مرة بتقوده الكابتن اسماء
وزادت صرخه وفرحة البنات .. ان اخيرا اسماء الكابتن .. لأن يفضلون اسماء على فاطمة ..
م . عبير " تكمل كلامها " : اما قائدة فريق الشياطين الحمر فهي نوراء

والتشجيع كان قليل لهم .. سوى بنات صفهم .. اما كل الصفوف الباقيه تشجع فريق الأسود .. والحين تبدي المباراة .. " وتركت م . عبير المايك .. واتجهت تحكم في المباراة .. ورمت الكرة وصفرت على بداية المباراة ....
وما ان بدت المباراة والكرة طاحت في يد فريق الأسود .. وبدوا يمررونها على بعض بشكل رهيب .. وفضيع .. في النهاية .. فاطمة رمت الكرة من بعيد لأسماء واسماء ركضت لناحية السلة ونطت وصوبتها قول ... ويوقفون البنات بكل صرخه وحده ... واسماء خذت قبضت يدها وباستها ورفعتها في الهوا .. ورموا الكرة للفريق الثاني الا توهم لمسوا الكرة من بداية المباراة .. قطعتها فاطمة بكل سهولة ورمتها ثلاثية .. وايضا صابتها هدف .. وتفرح فاطمة .. وزدادت صرخات البنات بشكل كبير .. في ارجاء الملعب .. والي زاد في نفوس المعلمات الحماس .. وطلعوا يجوفون المباراة ..
وبسبب خطاء من احد لاعبات فريق الأسود مررت الكرة ل لاعبة من فريق الشياطين الحمر .. مسكوا الكرة .. والي ما قدرت اسماء تلحق عليهم . وجابوا اول هدف لهم من بداية المباراة .. وصرخوا البنات بألف لاء واعتراض .. واسماء عهدت على روحها اتجيب هم ثلاثية علشان تزيد نقاطهم .. وبالضبط خدت الكرة وصابتها هدف .. وهالمرة حظنت ولمت فاطمة بكل قوتها .. والمعلمة تعلن النتيجه
م . عبير " بصوت عالي " : لحد الأن فريق الأسود متقدم بثمان نقاط بينما الشياطين بنقتطين فقط ..

وبدا العب .. وصارت الكرة تتناقل من بين الفريقين .. وكل ما حاولوا الشياطين .. يحصلون لهم ثقره علشان يحصلون على نقطتين .. كانت اسماء بطولها تمنعهم من ان يرمون الكرة .. وفاطمة مثل الشي .. فظلوا على هاذي النتيجه لين ما صفرت المعلمة .. نهاية الشوط الأول بتقدمهم ..
اسماء " توقف عن الركض .. الي حست ان تعبها بشكل مو طبيعي .. وحست ان فيها شي .. بس حافظت على ان شعورها ما يطلع ويحسون ابها الباقي ..
تذكرون الشله الي شبه خطفوا اسماء في الجزء الي طاف .. والي ايات قالت ل اسماء ان رئيستهم اهي حوراء .. الي تكلمت معاها .. ؟
اسماء متجها ناحية وسن .. وتجي تركض حوراء في ويه اسماء ..
حوراء : حبيبتيييييي .. " وتمد لها دبة الماي .. والفوطه .. اغراض اسماء "
اسماء " ابتسمت لها ابتسامه بسيطه " : هلاا .. شكرا ً
وخذت اغراضها من عندها ويات بتمشي .. الا قالت لها
حوراء : عطيني ويه عاااد ... شله انتي جدي
اسماء " رفعت لها حاجب " : ان شاء الله عمتي .. بااي
رفيجة حوراء " تطالع اسماء بأعجاب " : ويلييييييي عليها .. ماقدر .. حدها كووول
حوراء " مبرطمة " : كووول طل .. ما تعطي ويييه .. كل من ها العله وسنووو ..
رفيجتها " تضرب بيدها على ريولها " : ايا القهر .. مادري على شنو اتحبها .. جوفيها جوفيها شلون تسولف معاها .. بذبح رووحي ...
ويطالعون اسماء وشنو اتسوي مع وسن .. ومنقهرين ..
صفرت المعلمة بداية الشوط الثاني ... وبتشجيع البنات دخلوا .. المتحدين ارض الملعب بكل روح رياضية وحماس ومنافسة ... واسماء بكل مهارة تلقي محاضرة للتهيئة النفسية لأعضاء فريقها قبل البدء في العب .. واثبتت للمعلمة انها تقدر اتقود فريق .. بس طبعا اتفقت معاها فقط في المبارايات الي داخل المدرسة .. واقتعنت المعلمة بوجهة رأي اسماء .. وبدا العب وفريق الأسود كل عضوه منها سجلت هدف ويابت النقطتين للفريق .. اما الشياطين الحمر .. فما كان لهم نصيب الفوز في المباراة .. اكيد ومن يقدر على فريق الأسود ... وماهي دقائق بسيطة .. الا المعلمة تنهي المباراة .. وبصرخة البناات .. الي زلزلت المكاان .. وفرحة الفووز .. اسماء وفاطمة التقوا وواجهوا بعض مثل كل مباراة بعد ما يفوزون .. وبتشجيع البنات .. قامو ا بحركة وحده وادوا رقصة الفوز المعروفه الخاصة بهم الثنتين .. وبرقصتهم زااد ولع البنات عليهم ... والتموا عليهم وقامو يرقصون معاهم ..
اسماء " تغمز لفاطمة " : ما صدقوا من الله .. احد يرقص .. الا التم النحل على العسل ..
فاطمة : هههههههههههههه امشي انخليهم .. يولون ..
اسماء تمسك يد فاطمة وتهرب من تجمع البنات عليهم ..
اسماء وفاطمة اقتربوا من بنات صفهم .. الي صرخوا صرخه فوز لهم .. وحملوا اسماء على الجتوف ومثل الشي فاطمة .. والتموا باقي البنات الي في الملعب عليهم ..
البنات بصوت واحد : من الي نحبها ؟ اسماء .. من راعيتها ؟ اسماء ..
اسماء " بفرحة تغمرها .. واحساسها بأن كل الي يحيطونها يحبونها لشخصيتها .. وما فارق الضحك ملامح وجها .. اهي وفاطمة ... وبينوا مثل التوام في العب .. اسماء شالت من عليها تي شيرتها الخاص لها .. مال كرة السله .. والي لونه احمر وابيض .. وعليه رقم 5 المخصوص لها .. وخلت عليها تي شيرت الرياضه العاديه .. وقطتها في الهوا .. واهي ما زالت معلقه على جتوف البنات .. والبنات تهافتوا علشان يمسكوها ويرجعونها لها .. ونزلت اسماء من على جتوف البنات .. وحملوها بنات صفها للصف مباشره .. بعيد عن فوظة البنات ..

::: في مدرسة يثرب :::
الاء تستغل فرصة سؤالها عن ولاء .. بتحدثها مع فاتن ..
الاء واقفة مع فاتن بروحهم .. بعيد عن باقي الشلة ..
الاء : علشان جدي فصلوها ؟
فاتن "بأسف منزلها راسها " : ايي
الاء " منقهره من تصرف ولاء الي صار مع المعلمة وعلشان هذا السبب انفصلت بره المدرسة " : مينونه دي البنيه .. ولا في يوم راح تعقل
فاتن : احنا قررنا كلنا الشله انكلمها ... ونجوف وش فيها ..
الاء " توقف متصلبة على الأرض من العصبية " : لو انه منكم اخليها اتولي .. انسانه ضايعه ضايعه .. ما يفيد معاها الحجي .. وما يفيد الكلام معاها ..
فاتن " تستغرب من ردة فعل الاء .. وظنت انها راح توقف معاها علشان يكلمون ولاء " : يه .. شفيج معصبة الحين انتي ؟
الاء : لأنها اتخلي الي ما يعصب يعصب . يعني احنا خايفين على مصلحتها اكثر من ما اهيا خايفة على مصلحتها .. وين دي اتصير مادري ؟ !!
فاتن : بس انتي اتحبينها ولازم اتخافين على مصلحتها اكثر منا
الاء " تطالع فاتن بحيره " : وصلت لباب مقفول معاها .. خلاص اهيا غير عن قبل .. انه احب ولاء القبليه .. ولاء الطيبة .. موب هااي .. هاي انه ما عرفها ..
فاتن : بمعنى ؟
الاء " تطالع فاتن بتمعن " : انتي ادرى
فاتن " اطالع الاء بمثل النظرة " : بس اهي رفيجتي ...
الاء " بتمشي عنها " : اوكيه كيفج ..
فاتن " بصوت اعلى علشان تسمعها " : بفكر اليوم .. وبرد باجر
الاء لفت لها ويها . وهزته بالموافقه ومشت عنها .. الاء خلاص .. قررت انها تترك ولاء .. وبتكون فاتن بديله عنها .. لأنها عاجبتها ومثل الشي فاتن .. وفاتن قالت لها بتفكر في السالفه .. لأنها تخاف ولاء تظن ان اهيا فرقتها عن الاء .. وجدي راح تخسر اعز رفيجة على قلبها ..

ومشت الاء واهيا منزلة راسها .. وكأنها فقدت انسان .. ما يمكن يتعوض .. وطلعت في وجها اعز انسانه على قلبها من بعد ولاء .. دعاء
دعاء " بأبتسامه كبيره " : هلاا والله بدكتورتنا الاء
الاء " رفعت راسها بكل شوق لها .. وسرعان ما تبدلت نظرة اليأس والحزن الي كست ملامحها .. إلى نظرة الفرح .. وحست ودها لو تلم دعاء علشان تنسيها بالي فيها .. وبالفعل حظنت دعاء .. وقامت تبجي .. ها الأمر خلاا دعاء تستغرب .. من الاء .،
. دعاء ترفع الاء عنها وتنظر لها : شفيج ؟
الاء : ضاعت ضاعت وبتضيعني معاها " وواصلت في البجي "
دعاء " تزيد حيرتها " : من ؟ ولاء؟
الاء " تمسح دموعها " : خلاص انه ما عرف وحده اسمها ولاء .. وما ابي اسمع سيره عنها ..
دعاء " حست بجرح الاء .. الي صعب عليها تخفيه ولو شنو سوت .. فما كان من دعاء الا مرة ثانيه تحظنها .. وتخفف عليها .. لأنها اتعز واتحب الاء وما اتبي اتجوف دموعها ..

::: في مدرسة عائشة :::
اسماء " تشرب في الكولا وتتكلم واهي قاعده في الصف مع البنات " : بووووو ما اصدق .. واايد معجبين عندي .. واقفين برع .. خلوني اطلع لهم " وتطلع لسانها لربعها "
وسن " تغير على اسماء " : لا حبيبتي ظلي اهني .. ولا تتحركين من مكانج .. اذا طلعتي .. لا تحاجيني ..
اسماء " بكل حب لوسن " : ومن يقدر يزعلج وما يكلمج ..
وسن " تخجل نوعا ما " : اي عباالي بعد
اسماء " تبي تختبر درجة حب وسن لها " : شسوي يحبوني
وسن " بنظرة تهديد لها " : صبري انه براويج بروح ادعي عليج اليوم .. واقول ان شاء الله المباراة الجاية تسوين خطاء ويطردونج كامل في كل المبارايات ما تلعبين ..
اسماء " بتطنز " : لا للحين ما وصل معلمة عبير كرت الحمر المطور .. الي يطرد بأضعاف ..
وسن " تتحلطم " : تتطنزين حضرتج ..
اسماء " توها بتتكلم .. وحست بشي مختلف في نبضات قلبها .. ونبضه وحده كانت قويه .. وحست ان قلبها بيطلع من صدرها .. ومسكت قلبها وتألمت بصوت مسموع " : آآآي
التموا عليها البنات ...
شوق : اسووم .. شفيج ؟ ..
اسماء " تبي اتطمن البنات عليها " : لا ولا شي .. ما فيني شي ..
وسن " بخوف " : اكيييد ؟
اسماء .. ما قدرت تجذب اكثر .. لأن وضح على ملامح وجها الشحوب .. وحست بحرارة كبيرة تشتعل في صدرها وبين ضلوعها .. وحطت راسها على الطاولة .. وصرخت صرخة الم ..
البنات ما كان منهم .. الا ان طلعوا بره الصف .. وقالوا للي للحين متجمهرين عند صفهم اينادون المشرفه ..لأن اسماء فيها شي ... وكلمة اسماء فيها شي .. انتشرت في المدرسة .. والتجمهر كبير على الصف ... والي اعاق دخول المشرفه لها ..

المشرفه " بحركة سريعه " : لو تسمحوون اتبااعدوا ... نبي انجوف البنت شفيها ..
وكانت المشرفه ومعاها معلمة عبير ... وسن ما قدرت اتجوف اسماء تتألم واهي ما تقدر اتسوي شي .. فما كان منها .. الا ان تطلع بره الصف .. وتوقف مع الباقي .
حوراء " خايفه على اسماء " : وسن .. شفيها اسوم
وسن " تطالع باب الصف بقلق " : مادري .. نبضات قلبها مو منتظمة ..
حوراء " تنصدم " : شي في القلب .. لالا .. فديتها انه .. ابي ادخل اجوفها ..ما يصير ؟..
وسن : بلى يصير .. بس انصحج ما تدخلين ..
حوراء " تعض على اصابيعها " : الله يستر ..

وبعد دقايق .. قطع كلام البنات والفوضه .. صوت الأسعاف القوي .. . ونزلوا اسماء . وخلوها على السرير .. وكان شكلها يقطع القلب ... ومعلمة عبير . لامت روحها .. انها ما حست بأسماء اثناء ما تلعب ..
بينما انتهت الفسحة ... والبنات قعدوا في الصف يتحاورون في السالفة ..
فاطمة " تتحلطم وتصرخ " : انعل اعيون الحسود ... جافوها تعرف تلعب والكابتن .. حسدوها .. والله ما تستاهل السالفة . كرة سلة دي .. موب على مستوى .. خلوها مشهورة اكثر من بيكهام .. شسالفه ..
مريم : مو بس من البنات واعيونهم .. اهي اصلن ما كانت تلعب عدل الشوط الأول .. وانه حسيت .. حتى ما جفتوها ما يابت اهداف واايد .. بس الشوط الثاني .. لأنها ريحت اشوي ..
ايات " تبحث في الصف " : وين ؟ وين ؟ من الي كانت اتكلمها بين الشوطين ؟
وسن : انه
ايات : وما لاحظتي عليها شي ..
وسن " تعيد في ذاكرتها ساعه وقوف اسماء معاها " : لا .. كانت عادية اتسولف وتتكلم ..
شوق " متاثره " : عسا الله يقومها بالسلامة .. والله ما تستاهل ..
زينب " تخطر في بالها " : تعالوا .. الحين اهي اهلها دروا عنها ..
فاطمة " منقهره " : سكتيي بس من زينهم من اهل .. اتصلت المشرفه لأمها اتقول لها بتج قلبها وجدي .. اتسوي ليها اي ما عليه خليها ترتاح في الحجرة .. لين رديت البيت تالي اجوفها وش فيها ...
ابرار : شها التخلف الي صايب الأمة !!!

ودخلت المعلمة الصف .. وهدؤ البنات .. واستعدوا للشرح .. عقلهم مع المعلمة .. وقلوبهم مع اسماء ..
في المستشفى ... اسماء تعرضت لفحص دقات قلب ..
النرس " تبتسم في ويه اسماء " : الحين بفحص دقات قلبج .. لا تتحركين .. علشان يصير اكثر دقه ..
اسماء " تنصاع لكلام النرس " : ان شاء الله
النرس تطالع النتايج الي تطلع من الجهاز .. وتنصدم وتحك راسها بتفكير
النرس " مستغربة " : انتي متأكدة ما عندج موبايل في مخباج ؟
اسماء " مستغربه " : لا ما عندي ؟ ليش ؟
النرس : نبضات قلبج .. كللش سريعه ... على العموم .. بعد لازم اتروحين اتسوين لج تحليل دم .. وانه بودي نتايجش للدكتورة ..
اسماء " تقوم من على السرير .. وتعدل ثيابها " : اوك .. وين المعلمة ؟
النرس " تلم اغراض الجهاز " : ناطرتج برع ..
اسماء " تدخل ريولها في الجوتي .. وتطلع لمعلمة عبير " : لازم اسوي فحص دم .
معلمة عبير " تمسك يد اسماء " : يالله امشي ..
اسماء " ما تحب الأبره " : اقول معلمة .. ادري سؤال استهبالي .. بس ما يصير ايسون تحليل دم .. من غير ابره
معلمة عبير : ههههههههههههه فوق الأستهبال مو بس سؤال استهبالي .. ورا تبين ايطلعون دمج مثلاا ً من بوزج .. لازم ابره .. ليش اتخافين ؟
اسماء : اي ايعوور .. مابي .. خلاص صرت زينه انه معلمة ..
م . عبير " ترفع لها حاجب على صوب " : نو نو ... يالله دخلي الغرفه
اسماء " تمتنع " : لامعلمة .. لازم تدخلين وياي ما يصير ..
م . عبير " بمزح " : انتي صج بللللللشه .. يالله امري لله .. يالله بدخل معاج
اسماء " تفرح .. وتدخل غرفه فحص الدم ... وللحين النرس ما خلت الأبره في يدها .. واسماء لفت ويها صوب معلمة عبير .. وغمضت عيونها بقوة ..
معلمة عبير تضحك على شكل اسماء : هههه عدال لا تنط عيونج من ويهج .. جدي مغمضتها عاد ..
اسماء " مازالت مغمضه عيونها .. واهني النرس تدخل الأبره .. واتصرخ " : آآآآآآآآي .. آي .. آي
النرس " تطالعها بعطف " : بس خلصنا ... انتي كبيرة بعد وجدي .. شخليتي لليهال ؟
اسماء " تمسك القطنه .. علشان النرس تلزق مكان الأبره " : انه ياهل .. ما عليج بس حجمي كبير
النرس " ترفع حاجب " : ليش اي صف انتي ؟
اسماء " تطالع معلمة عبير " : ثالث اعدادي ..
النرس " بمزح " : لا ما شاء الله وااايد ياااهل ظلمتج اتصدقين ..
اسماء ومعلمة عبير يضحكون ...
النرس " تقوم من على الكرسي " : يالله ان شاء الله مافيج شي .. نطري برع بس ربع ساعه .. وتطلع لج النتيجه ...
تتقدم اسماء وتطلع وراها معلمة عبير ...
م . عبير : انه بروح اشتري لج شي من البرادة .. قعدي اهني .. لا تتعبين
اسماء " تقعد على الكرسي " : اوكي ..
ومن بعد ما مشت معلمة عبير عنها .. اسماء تستغل المكان فاضي و تكلم روحها .
اسماء : اففففف يالله ... الله يستر من النتيجه .. ان شاء الله شي مو جايد ... مالي مزاج لمحاضرات ست المديرة الفاضلة .. (( تقصد امها ))
.
.
.
وبعد فترة من الأنتظار وخوف وترقب اسماء ومعلمة عبير .. طلعت النرس وعطت اسماء ورقة النتيجه .. وراحت اسماء ومعلمة عبير بحركه سريعه للدكتورة يبون ايعرفون المرض ..
في حين الدكتورة تتصفح في اوراق النتايج .. نتايج القلب والدم ..
معلمة عبير : ها دكتورة ؟ شفيها ؟
الدكتورة " تطالع اسماء بعصبية " : انتي شمسويه في روحج ؟
اسماء " بخوف .. تلتف لمعلمة عبير .. واهي منصدمه من كلام الدكتورة " : مو مسويه شي !!
الدكتورة " بعصبية " : انتي تدرين جم الحين دمج ؟
اسماء " تزيد حيرتها " : لاا .. ليش ناقص ؟ !
الدكتورة " تضرب بيدها على الطاولة " : دمج موصل ل 8 .. وانتي رايحة ليي تلعبين ؟
م . عبير " تنصدم .. وتوجه كلامها ل اسماء " : شحقه انتي ما تاكلين اكل مفيد ؟
الدكتورة " تكمل كلامها " : هاي دمج الناقص .. ما يوصل الدم لقلبج .. فبتالي صار لج مثل اليوم .. ازدادت نبضاتها ... ويضرب بشكل سريع .. ماقدر اقولج .. غير انج الحييييين .. وضروري تحتااجين لدم .. بعطيج ورقة علشان يخلون لج دم ..
م . عبير " تستفسر " : امم ما يصير تنطر شوي ... احنا ما نبي انخلي لها دم من المستشفى .. يمكن اهلها يتبرعون لها .. تدرين والحين بعد احنا جايبينها من المدرسة بالأسعاف .. يعني ما استشرنا اهلها في اشياء واايد ..
الدكتورة : مو مشكله .. بس لازم اليوم .. والا بيوقف نبضات قلبها .. لأن الدم ما يوصل له .. اهي دمها لازم اقل شي يوصل 12
م . عبير : ان شاء الله دكتورة انه ابلغ والدتها بهاي لشي ... مشكوورة .. يالله مع السلامة ..
واسماء تاخد الورقه من عند الدكتورة وتطلع وره المعلمة

م .عبير " متفشله " : زين جدي .. خليتي الدكتورة اتزفج ..
اسماء " مو مصدقه الي فيها " : وانه ادري شبيطلع فيني .. الحين شلون اقول لأمي . ؟
م . عبير : احنا بنقول لها موب انتي .
اسماء " ضايق خلقها " : لا حول ولا قوة الا بالله .. الحين جدي امي بتمنعني من كل شي .. حتى من كرة السلة
م عبير " تندهش من كلا م اسماء " : اهم شي صحتج .. خلي العبة بعيد شوي ..
اسماء " تقطع معلمة عبير " : كرة السلة حياتي .. وصحتي .. بدونها انه ولاشي
م . عبير " حست بعمق حب اسماء لكرة السله " : انزين ما عليه .. الحين انتي ريحي روحج ..
ووصلوا للسيارة ودخلت معلمة عبير واسماء السيارة .. راجعين المدرسة ..

::: في مدرسة يثرب :::
صف الاء
الفوضه محولة الصف لكارثة .. والكل يصرخ .. ويسولف ويضحك .. ما عدا الاء كانت قاعده على كرسيها .. وخاله ايدها على الطاولة .. وسانده ابها ويها .. وتطالع في الأرض وتفكر ..
اسراء " تقعد على الكرسي مالها لأنها صوب الاء " : صدقيني ما يسوى
الاء " تلف لها ويها .. بكدر " : شنو الي ما يسوى ؟
اسراء : الي تسوينه في حالج .. لا تقولين مو مسويه شي .. جوفي البنات شلون الفرحة .. علينا فراغ .. وانتي لامت ليي روحج على الطاولة .. الا ايقول متوفي عليج احد
الاء " تسمع لكلام اسراء بسكوت تام .. وما ردت عليها .. "
اسراء " في حيرة " : امم .. يالله اتكلمي اتحجي .. والله اقولج شرايج اخدج في جولة معاي ..
الاء " تتكلم ببرود تام " : وين ؟
اسراء " حست ان الاء بتتقبل الفكرة " : في الممرات .. وتالي الحمام ..
الاء : اها
اسراء " بدت تعصب شوي " : شنو اها .. قولي موافقه موب موافقه ..
الاء " تقوم توقف من مكانها مرة وحده .. وتتقدم على اسراء " : امشي
اسراء تبتسم ابتسامة بسيطة وتلحقها لبره الصف ..
اسراء " تحاول انها تغير من مزاج الاء بسوالفها المتفرقه .. عن المدرسة والبنات .. اما الاء فكانت تمشي مثل البنت السرحانه والتايهة .. تسمع سالفه وتترك الباقي ..
اسراء " بمزح " : على فكرة بنات ثاني اعدادي كلهم كيوووت وحليوين
الاء : شقصدج ؟
اسراء " تغمز لها " : جوفي الي قدامج وتعرفين شقصد
الاء " ترفع راسها .. تجوف من الي تقصدها اسراء .. وانصعقت ووقفت جامده في مكانها ... والبنت مرت من صوبها ودخلت صف ثاني اعدادي . .. ومن دخلتها اتأكدت ان هذا اهو صفها ... ومدت راسها لين ما دخلت .. لفته "
اسراء " تضحك على شكل الاء " : هههههه عجبتج ؟
الاء " تغير مزاجها .. وانقلب ويها الوان " : اسرائوووو .. لحقييي .. هاي معانا في المدرسة متأكدة انتي ؟
اسراء : هههههههههههه .. الحين ما جفتيها داخله الصف ..
الاء : ويلي عليها ... هاي مو بس كيوووت .. حطمت البنات كلهم ..
اسراء " ترفع لها حاجب على صوب .. وتتقدم عليها في المشي " : كنت متأكده انها راح اتغير لج مزاجج
الاء " تذكر انها كانت قبل هاذي الساعه وحده بئيسة ومن جافت البنت .. دبت فيها الروح " : اي لاا .. اكيد .. " وبحماس " : ماهي تكملة جولتنا ...
اسراء " تأشر على احد الممرات " : من هنا .. هيا ننطلق
وتنطلق اسراء ووراها الاء .. الي رجعت لطبيعتها .. وارتسمت البسمة مرة ثانية على ويها ..
اسراء " تتكلم بهدؤ مع الاء " : انه حدسي وفكري وظني .. يقول لج تركي دي الشله كلها ..
الاء " عادت وتفكر في امر ولاء " : ليش يقولج جدي ؟
اسراء " بخوف على الاء " : صراحتا انه دي الشله ما ارتاح لها قلبي .. عاد ليش مادري .. ما دخلوا قلبي كللش .. وانه خايفه ايقولون لج شي .. وتالي اتصيرين مثلهم ..
الاء " في حيرة . وما عرفت شتقصد اسراء " : اسراء علامج تتكلمين جدي ؟ انتي سامعه عنهم شي
اسراء : انتي سمعي بس البلاوي الي يسوونها وعرفي شقصد .. انه ما اعني اني ابي افرق من بينكم .. بس احذرج . اذا انتي خايفه على سمعتج
الاء : اكيد خايفه على سمعتي .. اشلون ماخاف .. واذا انتي خايفه عليي .. قولي ليي شسامعه عنهم ..
اسراء : روحي اسئلي بنات اول فرقة 15 ايقولون لج كلشي ..
الاء " تزيد حيرتها " : حيرتيني معااج .. بس ما عليه بسئلهم وبجوف ..
اسراء " تأيدها " : اي اووكي
الاء " تحك راسها " : زين امشي انغير الممر دي ... يجيب الكآباة .. مافي احد يتمشى فيه ..
اسراء " تلف راسها على اليمين .. للدلالة على الموافقة " : يالله

::: في مدرسة عائشة :::
وصلت اسماء المدرسة .. ودخلتها عادي .. واتجهت لصفها ...
اسماء " تطرق الباب قبل ما تدخل .. " : السلام
الجميع يلتفت لناحيتها والأبتسامة تغمرهم ... : وعليكم السلام
معلمة الرياضيات : ها اسوم .. شفيش ؟ ... اشوه الحين
اسماء " تدخل الصف .. وتتجه ناحية طاولتها " : اي الحمدلله ..
معلمة الرياضيات : وشنو طلع فيج ؟
تتجه انظار البنات ناحية اسماء بخوف .. لمعرفة من شنو تعاني .. . وفاطمة خايفه اكثر .. من ان المرض الي فيها .. يمنعها من تلعب كرة السلة ..
اسماء " تتكلم بهدؤ .. علشان ما تخوف احد عليها " : ماكو .. دمي ناقص شوي ..
معلمة الريض : اوكي استريحي .. تبين اتروحين ترقدين في حجرة المشرفه .. لو عادي تقدرين تحضرين معانا الحصة ؟
اسماء " تطلع كتابها من الشنطه " : لا عادي .. بحضر الحصة
وترجع المعلمة للشرح .. بينما وسن .. كل لحظة تلف نظرها ناحية اسماء .. تطمئن عليها .. واسماء كانت في اسعد لحظاتها .. ليش ان حست وسن مهتمة فيها ..
وبعد فترة ماهي طويلة .. تنتهي الحصة .. وتخرج المعلمة من الصف .. ومن طلعت المعلمة .. التموا البنات على اسماء ..
شوق " تحظن اسماء " : الحمدلله على سلامتج
اسماء " تبتسم " : الله يسلمج ..
فاطمة "تطالعها من طرف عينها " :الي قلتيه صج .. لو فيش شي ثاني ؟
اسماء " بنظرات جدية " : لا والله الصج
وسن : انزين ليش .. قلبج قام يعورج ؟
اسماء : لأن الدم ما يوصل له .. فتزيد ضرباته ويعورني ..
وسن " تتقرب من اسماء وتمسك يدها لتتحسس دقات قلبها .. اذا عاديه او سريعه "
اسماء : عادية ؟
وسن " بتفكير " : لا .. فيها شوي من السرعه ..
اسماء " بضيق خلق " : اهاا..
وسن : وما عطوج شي .. بس قالو ان دمج ناقص
اسماء : بلى .. انه احتاج لأحد يتبرع ليي دم
ايات : انه حاظرة .. من عيونا .. بس شنو فصيلة دمج .. اذا مثلي
اسماء " تعوج في فمها " : انه للحين ما قلت لأمي ...
ايات " مستغربة " : واذا ؟
اسماء " ما تبي تتكلم عن امها " : الي الله كاتبه بيصير .. وما تقصرين ..
وسن " تبرطم في ويه اسماء .. وتمشي عنها " : لا تكلميني .. ما بحاجيش
اسماء " توقف من مكانها بسرعه " : ها .. تعاالي .. ليش شسويت ؟
وسن " تلتف لها " : انه ما اقولج لا تشربين بيسبي واايد ... واكلي اكل مفيد .. الحين جفتي شصار لج .. لين تسمعين كلامي .. تالي تعالي كلميني ..
اسماء " بوعد صدق " : صدقيني ابسمع كلامج .. وبصير زينه .. " وتهديد " : تره اذا ما كلمتيني .. ما باكل .. وبخلي الدم كلش ما يوصل لقلبي .. علشان يوقف عن النبض .. وتالي اتسوين ليي فرشى التراب في المقبرة ..

وسن " بخوف " : حلفي بس ؟ ... " وتقرب منها " : حق شنو انتي نحيسة ؟
اسماء " بضحكة بسيطة " : ههههههه .. لأنج انتي بطريقة
اسماء قالت لها بطريقه .. لأن تدري ان وسن تحب البطاريق .. واسماء تتطنز عليها .. ان هدت كل الحيوانات ومسكت لها البطريق الي يوجد في القطب الشمالي وحبته ..
وسن " تنظر للمعلمة الي دخلت الصف " : انزين . موافقة ..
ويرجعون رفيجات اسماء اماكنهم لدخول المعلمة الصف ... اما اسماء فما كان لها مزاج للدراسة ... كانت تحاتي من الي راح يتبرع لها بالدم ... وخايفه لو ان تزيد حالتها ..
اسماء تتحرك من مكانها متجها للمعلمة .
المعلمة : نعم ؟
اسماء : اقدر اروح الحمام ؟
المعلمة " تأشر لها على الباب " : تفضلي ..
اسماء " تهز راسها للمعلمة " : شكرا ً .
وطلعت من الصف .. واتجهت للحمام . وكانت تمشي ببطئ .. وتسحب في ريولها .. وتحس روحها موب قادرة اتشيل عمرها .. ومحتاجه للراحة والجلوس .. اكثر من اي شي ثاني ..
دخلت اسماء الحمام .. ولمن طلعت اتغسل يدها ... دخلوا الحمام شلة المرح .. بنات ثاني اعدادي .. الي يغربلون اسماء ويتعلفون فيها ..
اسماء ما اعطت اهتمام ويات بتطلع ... وحوراء الرئيسة نطت في ويها ..
اسماء " من غير نفس " : نعم ؟ في شي
حوراء " تبتسم بحلاوة " : انتي المتى رديتي من المستشفى حياتي
اسماء " تجاريها " : توني راده يا عمري ..
حوراء " تقرب منها بشكل كبير " : وشنو قالوا لج ؟
اسماء " ترجع على وره شوي " : ولا شي .. بس تعب رياضة .. لأن فترة ما لعبت والحين صار لعب ..
حوراء " تحط يدها قرب من خد اسماء " : لا تعبين روحج .. علشان تفوزين .. اهم شي صحتج ..
اسماء " تمسك يدها وتقطها عن ويها " : حوراء .. سمعيني حركااتج دي ما تعجبني .. اوكي واذا تحبيني صج وتبين راحتي .. لا تسوين جدي ..
حوراء " تعصب .. وتلون وجها بالأحمر " : شسووويت لج الحين انه ؟!
اسماء " تفتح ايدينها على الجنبين " : سلامتج ما سويتي شي . بس لاتحاولين اتقربين مني .. لأني ما راح اقرب منج ... وصلت المعلومة ... " وتحط يدها فوق اذنها .. تحية الشرطة " : عن اذنج ..
رفيجتها زينة : اقول خليها اتولي عنج .. تراها ما تستاهلج .. واايد شايفه عمرها على الفاضي ..
حوراء " والعصبية تنط من عروقها " : انه اعرف اشلون انزل لها تكبرها . واخليها اتحبني واهيا مغمضة ..
زينة : ينووووووون ..
حوراء " تدز زينة " : روحي ولي يعافيج حمامج .. مابي نصايحج .. خلصيني يالله ..
حوراء " تكلم روحها يصوت مسمووع " : ما عليه .. يا اسوم .. انه اعلمج ..

في حين اسماء واهيا راجعة الصف تفكر في حوراء ..
اسماء : افففف .. والله احترت .. ماعرف شتصرف معاها .. لا القسوة ولا الطيبة تنفع معاها ... صبرها يا روح ..

....... مر الوقت وكمل الدوام ... وكل وحده ردت بيتها ... واسماء نادتها المشرفه وقالت لها بأن قالت لأمها عن كل شي صار في المستشفى ..

::: في بيت اسماء :::
تدخل اسماء البيت . بتعب .. وتقط شنطتها على احد الكنب مثل كل مرة .. وتتجه للمطبخ ... دخلت المطبخ وصبت لها ماي .. وقامت تشربه ...
الخدامة : انت في ايجي
اسماء " اتكلم روحها " : ولييييييي .. الا ايقول ليي خلقها دي بعد " وتكلمها بتطنز " : لا في ايروح
الخدامة : يوم مدرسة مال انت اتصل في بيت .. انت سنو يسوي .. ضرب بنت
اسماء : لا مسح عليها
الخدامه : ايمسه على بنت .. حق سنو يتصل مدرسة اذا انت يمسه .. سووف انت اقص عليي
اسماء " عصبت شوي " : هي هي هي انتي شفيج .. علامج ماخده السالفه حماس الا ايقول امي .. شكو انتي .. انه ضرب بنيه .. مسح بنيه .. عساهم بناتج وانه مادري !
الخدامه : انت هق سنو ما يبي يقول .. اكيد انت في يسوي مسكل كبيير . وما يبي يقول .. علشان ما اقول لماما مال انت ..
اسماء : لا ما شاء الله عليج .. اكتشفتي السر .. يا نانسي درو ... يالله يالله جلوا .. مو متفرغه لج ..
وتمشي اسماء عنها وتطلع بره المطبخ .
الخدامه " تصرخ علشان تسمّع اسماء " : ما عليه اسماء .. انا في يقول لبابا . انت وااازد يسوي قرقر ويايا .. ولا في يقول سنو ايسوي .. انه ما في يسكت عن غلط ..
اسماء " تركب على الدرج وتصرخ لها " : اي تكفين ياصوت الحق .. تحارب الغلط .
وتدخل حجرتها وتحس بدورة .. كانت بتطيحها .. لو مو انها مسكت الجدار بكل قوتها ... ومشت بخطواتها المتثاقله .. لمكان سريرها ورمت بروحها .. بكل تعب .. وطلعت تلفونها من الدرج .. ويرن لها بأسم امها ..
اسماء " تشيله " : هلوو
ام اسماء : ها . رديتي البيت ؟
اسماء : اي رديت
ام اسماء : انزين .. اتصلت ليي مشرفة المدرسة
اسماء : I know
ام . اسماء : روحي البرادة اشتري لج عصير او حليب فراولة .. وشربيه
اسماء " تنصدم " : جايفتني ياهل من يهال الروضة
ام . اسماء " عصبت عليها " : روحي اشربي .. هاي صحة .. من قال مال يهال .. وان دخلتي البيبسي البيت .. بجوفين شغلج ..
اسماء : متصله الحين انتي اتزفيني لو تطمنين عليي
ام اسماء : انه بيي الحين البيت .. واعرف شلون اتصرف معاج
اسماء " بتطنز " : اووه زين عرفتي ان لج بيت ..
ام اسماء : باي
وتصكه في ويها ..
اسماء " بعصبية " : جانزين ما عندي ام .. والله جان عايشة براحة .. لا ومسوية ليي فيها الأم الحنون .. افففف شكثر اعاني ..
وتتصل على الخدامه في الدور الأرضي .. .
الخدامه : ويس يبي
اسماء " تصرخ بأعلى صوتها " : يا حيووانه ان ما تكلمتي عدل اصفقج بالجدار فاهمة .. جيبي من شنطتي .. تلاقين في الجيب الأمامي .. حبوب مال مستشفى في ظرف بني .. ومعاج كاس ماي . لأن الماي الي في ثلاجتي كمل ..
الخدامة " تنصاع لكلام اسماء " : ان شاء الله
الخدامه فهمت السالفة .. ان اسماء مريضة .. ومن جدي اتصلوا المدرسة على البيت .. وبحركه سريعه ركضت لشنطة اسماء المحطوطه على احد الكنب في الصالة .. وطلعت ظرف حبوب املاح الحديد .. واخدت قلاص فيه ماي بارد .. وركضت وطقت الباب على اسماء .. الي كانت بفانيلتها البيضه .. وبنطلونها الرياضي الأسود منبطحه على السرير ... مثل الي مرقدة بحبوب منوم .. في المستشفى .. فزاد من عطف الخدامه عليها . وتقدمت منها .. بكل ادب ..
الخدامه : انا في ايجيب حبوب مال انت ... يالله قوم ..
اسماء : هاتيه ... وذلفي يالله برع
الخدامه " تظل واقفه مكانها "
اسماء " ترفع لها حجاتها بتعب " : ما تسمعين الحجي انتي .. خلاص ما بي شي روحي

الخدامه " تصر واقفه في مكانها " : لا انا في يوقف اهني .. انت واازد تعب . علشان اذا في يسير فيك انت شي .. انا في يدري .. وبسرعه بسرعه يتصل لماما ..
اسماء " حست بأن الخدامه مهتمه لها " : خلاص قعدي اهناك .. لين بغيت شي بناديج ..
راحت الخدامه وقعدت على احد الكنب المرتبة في زوايا غرفة اسماء .. الماخد لون جدرانها للون البيج الفاتح .. والي تتداخل معاه القطع البنيه الفاتحه بشكل حلو .. ديكورها والأثاث دايما مرتب .. لأن اهي وحيده في الغرفه وماكو احد يعفس في اغراضها ... ويرن تلفون اسماء .. وكان رقم غريب . .. واسماء حقرت وما ردت .. لأنها ما ترد على الأرقام الغريبة ... وبعدها يوصل مسج بنفس الرقم .. وقرته اسماء وكان مكتوب (( انا حوراء .. الي معاج في المدرسة .. ردي علي .. ابي اكلمج ))
اسماء احتارات .. وتبي تتكلم على راحتها . فلازم تطلع الخدامه من الغرفه .. فشلون اتصرفها ...
اسماء : اقول نيا
الخدامه " توقف بسرعه ناحية اسماء " : نعم ؟
اسماء : امي دزت مسج .. اتقول اهي وصلت البيت .. روحي فتحي باب البيت .. وزهبي الغدا ..
الخدامه " تخاف وتركض بسرعه وتطلع بره الغرفه ... "
اسماء " تتضحك ضحكة بسيطة " : ههههههه مسكينة حتى اهي اتعاني من امي . ..
ورن تلفونها بنفس الرقم .. وردت عليه ..
اسماء " بهدؤ " : الووو
حوراء " استغربت من صوت اسماء ان غير في التلفون بشكل كبير " : هلا . انتي اسماء ؟
اسماء : اي
حوراء : اها .. شخبارج الحين ؟
اسماء : الحمدلله اشوه
حوراء " ما تعرف شنو اتقول لأسماء " : اي حبيت اسئل عنج
اسماء " متعمده في الأختصار باْ جوبتها " : سئلت عنج العافية ..
حوراء : ممكن اتكلم معاج في اشياء خاصة ؟
اسماء : مثل شنو ؟
حوراء : اسماء انتي تدرين اني اعزج ولج مكانه في قلبي ..
اسماء " بملل من كلام حوراء " : ادري
حوراء : انزين شحقه ما تعطيني ويه .. وتعامليني جأني حشره في دربج !
اسماء " ما تعرف شنو اترد عليها "
حوراء " بترجي " : تكفيين .. ردي عليي
اسماء : حوراء انه ما عرفج .. شلون تبيني اعزج مثل ما انتي اتعزيني
حوراء : في شي اسمه اتعرف عليج
اسماء : خلاص بتعرف عليج ... ولين عجبتيني اوعدج انج اتكونين رفيجتي .. القريبة مني . .. اوكي ؟
حوراء " تفرح " : اوكي .. وانه الحين بروح ادعي في صلاتي اني يارب اعجبش
اسماء : انزين الحين انتي ما تعرفيني .. شلون عجبتج ؟
حوراء " بكل ثقه " : ما يحتاج .. اعرف كلشي عنج
اسماء " بمزح " : مشغله عليي رادرات ؟
حوراء : ههههه اي
اسماء : اممم
حوراء : اوك عيل اخليج .. اجوفج باجر
اسماء : اوكي
حوراء : اتحملي بروحج .. يالله باي
اسماء : بايات ...

حوراء تنط من الوناسه : يسسسسس واخيرا ً ..

بينما اسماء تفكر في روحها : مسكينة واايد طيبة واتحبني بعد ... بس ماقدر اخليج في قلبي سامحيني .. وسن اهي اعز واغلى رفيجة عندي ..
ويقطع تفكيرها دخول امها المفاجئ عليها ...
ام . اسماء " بعصبية واضحة " : انتي ما تستحين على ويهج
اسماء " تنط من على السرير " : شسوييت !!
ام اسماء : ما تعرفين اسلوب الحجي والكلام . جدي اتحاجيني .. جاني خدامه تحت تصرفج ..
اسماء " تلف ويها عن امها " : طلعي بره غرفتي ..
ام اسماء " تنصدم ... وتتقرب من اسماء " : انه تطرديني من الحجرة . .. صج قليلة ادب .. وما عرفت اربيج ..
اسماء " تذرف دمعه ساخنه على خدها " : للأسف ما عرفتي اتربيني وهاي غلتطج .. والحين طلعي بره .. مابي اجوفج .. " وبصرخه " : طلعي خليني برووحي ..
ام اسماء تعطي نظرة حادة ل اسماء وتطلع بره الغرفه وتصك الباب بقوة .. بينما اسماء قعدت على الأرض .. وجفست ريولها .. وضمتها لصدرها .. ونزلت راسها وقعدت تبجي بحرقة قلب .. والم ...
بينما نزلت ام اسماء لغرفة الطعام .. وتنادي على الخدامه : نياا . نياا وصمخ
نيا " تهد كل شي من يدها في المطبخ .. وتركض لها " : نعم ماما . في سي ..
ام اسماء : روحي نجبي الغدا .. بسررعه
نيا " تهز راسها " : ان .. ان .. ساءالله .. ماما
ويرن تلفون ام اسماء .. وجافت الأسم .. والمتصله هي عمة اسماء .. الي تصير ام الاء ..
ام الاء : سلام
ام اسماء " تهدي من روحها " : عليكم السلام ..
ام الاء : ها شصار على اسوم
ام اسماء : مادري عنها ... ما جفتها ..
ام الاء " تستغرب " : من صجش انتي ؟ .. روحي جوفيها .. اهي تحتاج لدم .. واذا ما تقدرين انتي تتبرعين ليها .. انه بتبرع لها ..
ام اسماء " تحس بخطورة الأمر " : اي ما عليه .. الحين بنتغدى .. وبوديها المستشفى .. وتعالي المستشفى ... بتصل لج اتفق معاج على الساعه جم
ام الاء : خير ان شاء الله .. يالله مع السلامة
ام اسماء : الله يسلمج
ام اسماء تكلم روحها : اركب لها اجوفها لو اخليها لين ما تنزل للغدا .. ؟! .. المشكلة راسها يابس .. مادري على من طالعه .. ما تسمع الحجي .. بتذبحني هالبنيه ..

بينما اسماء ما زالت جالسه على نفس الوضعيه .. وخففت من وتيرة البجي .. ورن تلفونها .. وما كان لها مزاج ان ترفع التلفون .. لأن الحاله الي فيها ما تسمح انها اتكلم اي احد .. ولو شنو كان .. ما رفعته . وخلته يرن ويرن ويرن ... تمللت وقررت انها ترفعه .. بعد ما جافت الأسم ان عمتها المتصله ..
اسماء " والبحة في صوتها " : هلوو
الاء : هلا ببت الخال ..
اسماء " تستغرب شوي " : هلا هلا
الاء " تتصنع العصبية " : انتي حيوواانه .. شحقه ما تحافظين على صحتج ؟
اسماء : اسمع من يتكلم .. حافظي انتي بالأول .. تالي انه
الاء " تتضحك ضحكة بسيطة " : ههههههه .. يور فيس . (( ويهج )) على الأقل موب محتاجة لمتبرع دم .. وقلبي نبضة ونبضة ..
اسماء : تتطنزين حضرتج .. يالله برو (( بالعجمي معناته روحي " ذلفي "))
الاء : لالا .. تعالي .. علامج عصبتي الحين ..
اسماء : سئلي روحج ..
وتطرق الخدامه حجرة اسماء ..
اسماء " تباعد فمها عن التلفون " : منو؟
الخدامه : نزل سو غذا
اسماء : يالله جايه ..
وترد تكلم الاء : سمعتي .. بروح اتغدى .. يالله باي
الاء : باي

في طرف..
الاء تكلم روحها ومستغربة من طريقه كلام اسماء معاها .. قاعده في حجرتها على سريرها .. ومتربعه .. حطت التلفون على فخدها .. وايدها تحت لحيتها .. : معقوله هاي اسماء الي كلمتني .. علامها جدي .. جبريت مولع .. اكيد فيها شي اكثر من

جدي .. والله ليش كان في صوتها مثل البحة .. اكيد كانت تبجي .. انه لازم اكتشف الأمر ... والله ما اصير مثل ديك المتحريه الي في مسلسل COLD CASE
بروح الحين حق امي .. بقولها اتوديني لها العصر ..

::: في بيت اسماء :::
قعدت اسماء ومنزلة راسها على الأكل مباشره .. ما تنظر لأمها ... وتاكل شوي شوي .. وبكل هدؤ ..
ام اسماء " بهدؤ تكلمها " : عمتج تبي تتبرع لج بدم ..
اسماء " ما زالت مركزة نظرها على طعامها " : اوكي
ام اسماء : بس انه عندي اقتراح ثاني ..
اسماء " ترفع راسها لأمها بأستعجاب " : شنو اهوا
ام اسماء : ليش ما تعتمدين على روحج .. وتاكلين اكل مفيد .. وترفعين بروحج لدمج ..
اسماء " تنصدم وتتضحك ضحكه عاليه " : هههههههههههههههه .. يبا اعترفي انج تبين تذبحيني .. تراها مافيها شي عادي ..
ام اسماء " بعصبية قليلة " : عيل تبينا انطر من الناس يجون يعطونج دم .. هاي غلطتج انتي ما كليتي عدل .. ولازم تتحمليها .. وتعالجيها بروحج
اسماء " تهد الملعقه من يدها " : وانه ما طلبت منج اتروحين اتطرين من الناس ليي دم .. وما طلبت منج اي مساعده .. . انتي بس لا تدّخلين كلش فيني .. وانه اعرف كلشي .. موب محتاجه لج ... " وتقوم من على الكرسي " : اظن ان روضتج تحتاج لج اكثر .. وتحتاج لنصايحج .. بس انه ولله الحمد ... فاهمة ..

وتروح الحمام .. تغسل يدها وفمها .. وتتجه ناحية .. غرفتها .. بينما امها اتصلت لعمتها وقالت ما يحتاج لدم .. وراح تعتمد على حالها .. وترفع من دمها .. لكن ان زادت حالتها .. وما قدرت نبضات قلبها تنتضم .. بتخلي لها دم .. ووافقت على رايها العمة ..
.
.
.
في العصر تقريبا .. وصلت العمة والاء .. لبيت اسماء ..
الاء بحركة سريعه دخلت سلمت على ام اسماء .. واتجهت لغرفتها ...
الاء تدخل الغرفه من غير ان تطق الباب .. وتدخل على اسماء .. الي كانت غاطة في النوم .. ومغطيه روحها كامل وما يبين منها شي .. دخلت الاء بهدؤ .. وراحت اتوعيها .. رفعت الغطا من عليها .. خلت خصلات شعر اسماء تنتشر على المخده .. وكان شكلها واضح عليه التعب .. والحزن .. وعتها بكل هدؤ ..
اسماء " تهمهم .. وهي مغمضة عيونها " : هممم .. شتبين نيا ؟ .. تراج اذيتيني ..
الاء " تبتسم ابتسامة بسيطة " : انه الاء .. موب الخدامه ..
اسماء " تفتح عيونها " : انتي ؟ شلي جايبج ؟
الاء " تقعد بجانب اسماء " : جيت اطمن عليج .. حرام
اسماء " تقعد من على السرير وتستند على مخدتها بعد ما رفعتها " : لا موب حرام
الاء " تتعمد انها تنسدح بجانب اسماء وتخلي راسها على صدرها جهة قلبها .. لتتحسس نبضاته .. اذا كان طبيعي " : وحشتيني
اسماء " ولأول مرة .. توضع يدها على راس الاء " : وانتي بعد
الاء " ترفع عيونها لأعلى ناحية اسماء " : شحقه كل هالويه عليج ؟ ليش البئس والحزن . جانج مال مجاعة افريقيا ..
اسماء " تمد نظرها إلى احد الزوايا في الغرفه " : اقول الاء .. شخبار ولاء ؟
الاء " تبلعمت ولا عرفت شترد عليها .. وقعدت على السرير .. ولفت ويها ل اسماء

الاء : انتي شرايج في ولاء ؟
اسماء " بكل ثقه " : I didn’t liket her
الاء : اي ليش ما تعجبج ؟
اسماء " تفكر شوي " : لأن انه بعض الناس من اول ما جوفهم يرتاح لهم قلبي .. وبعض الناس كلش من اجوفهم ما يعجبوني .. وولاء منهم ..
الاء : اممممم .. وانه اخدت بنصيحتج
اسماء " تعدل من قعدتها بحركة سريعه " : تركتيها ؟
الاء " تضم حجاتها لأعلى " : نوعا ما
اسماء " موب فاهمه عليها " :شلون ؟
الاء " تاخد نفس بعمق .. وكأن بنفسها هذا تنسى ولاء " : انه تركتها بس ما قلت ليها للحين اني ما بكلمج خلاص ..
اسماء " تحمل المخده الصغيره وتلعب فيها " : والمتى بتقولين ليها ؟
الاء " تقوم من على السرير .." : لمن ترجع المدرسة
اسماء " تستغرب " : ليش ؟ وين اهي ؟ مسافره !
الاء " تحوس في عطور اسماء وترش لها منهم " : امم لا .. موب مسافره .. فاصلينها من المدرسة
اسماء : كنت متوقعه ان راح يفصلونها من حركاتها ..
الاء "تشابك اصابع يديها وتلف لناحية اسماء " : يعني من كلامج افهم .. ان زين ليي اذا تركتها ..
اسماء " بتأييد" : يكووون افضل لج
الاء " تنتبه لملابس اسماء الرياضية .. وتستغرب " : انتي ما بدلتي ثيابج من المدرسة ؟
اسماء " تنظر لملابسها " : لا .. تعبانة مالي خلق ..
الاء : كان عليكم حصة رياضة مثلاا
اسماء : لامباراة كرة سلة
الاء " تبتسم ل اسماء " : فزتي ؟
اسماء " تتذكر لحظة الفرح والرقص والتشجيع .. وتبتسم " : اكيييد .. في احد يقدر على فريق الأسود ؟!
الاء " اخدها الحماس " : اتصدقين صار خاطري اعيش الوضع والعب كرة سلة
اسماء : عجااايب الوضع .. وخصوصا بتحصلين لج واايد معجبين
الاء " تتضحك ضحكه ماليه فمها " : ههههههههههههه صج ؟
اسماء : والله .. الحين توها وحده معجبة متصله ليي ..
الاء : وشنو تبي منج ؟
اسماء : تبيني اتعرف عليها ..
الاء : مينونه البنت
اسماء " بضحكة بسيطة " : شكلها ..
.
.
.
وفي اليوم التالي ..
::: في مدرسة عائشة :::
اسماء .. اضطرت قبل ما تروح المدرسة .. تشرب لها حليب فراولة .وتاكل سندويجة .. واهي الي مو معودة على جدي .. دخلت المدرسة .. واتجهت مباشرة لصفها .. واهي تركب الدرج .. منزله راسها على الدرج .. وحامله شنطتها السودة الي تحملها على كتف واحد .. صادفتها في ويها حوراء .. بس اسماء ما كانت منتبها لها .. وحوراء انتبهت لها .. ووقفت في طريقها .. واسماء عدم انتباها .. خلها تصدم بشكل كبير فيها .. وحوراء مسكتها بكل قوتها وثبتتها عن لا تطيح على الأرض ..
اسماء " رفعت راسها والخجل راكبها من فوقها لتحتها .. وانصدمت بالي صدمتها اهي حوراء .. فرفعت حجاتها بحركة طيبة ..
حوراء " تدخل ايديها في مخبا مريولها " : صباح الخير ..
اسماء " تعدل من شنطتها على جتفها " : صباح النور ..
حوراء : اساعدج ؟
اسماء : لا شكرا وصلت الصف .. " وتمشي عنها " : بااي
حوراء " تلف بنظرها ناحيتها " : بايات

اسماء كانت بتفتح باب الصف .. ولقت احد بفتحه .. فانتظرت شوي .. وطلعت وسن لها ..
اسماء " ترسم البسمة على ويها " : هااي
وسن " بتهكم " : اتريقتي ؟
اسماء " وكانها طفله .. تهز راسها بالموافقة "
وسن " تبتسم " : عيل الحين هايات ..
اسماء " بضحكة بسيطة " : هههههههه .. زين ممكن ادخل الصف .. ياحضرة الأستاذة وسن ؟

وسن تبتعد عن دربها : تفضلي ..
وفي دخلتها اسماء قربت فمها من اذون وسن وقالت لها بصوت منخفض : I like you ..
وسن " تورد خدها .. وسكتت "
اسماء دخلت الصف ... وحطت اغراضها ..
ووسن طلت براسها داخل الصف وقالت بصوت عالي . ل اسماء : مي توو
اسماء قعدت على كرسيها لأنها تعبت من المشي .. وابتسمت لها ...

::: في مدرسة يثرب :::
في صف فاتن
فاتن قاعده على كرسيها .. وتخلي اصابعها تتخلل شعرها بكل رفق .. وتودي لوره .. وتفكر بشنو اترد على الاء ...
ودخلت صاحبتها الي جالسه جنبها في الصف ..
فاتن " ترفع راسها لها " : جفتي الاء .. يات لو للحين ؟
صاحبتها : اي يات ... في صفهم قاعده ..
فاتن " تقوم من على كرسيها " : اوكي .. يالله باي

وتمشي فاتن بخطوات سريعه .. تسابق الزمن .. وصلت لصف الاء .. وهي تتنفس هوا الصعداء .. الاء انتبهت لها .. وراحت لناحيتها ..
فاتن " سانده يدها على الباب .. ومنزله راسها في الأرض وتتنفس بالقوه "
الاء " تستغرب من منظر فاتن " : علامج ؟ شفيج ؟
فاتن " ترفع لها راسها " : لا ولا شي .. بس كنت اركض
الاء " تطلع بره الصف .. وتحثها على المشي " : شحقه تركضين ؟
فاتن : ابي الحق عليج .. قبل ما تطلعين من صفكم
الاء : اهاا ..
فاتن " متوتره وموب عارفه شلون تبدي كلامها " : انا .... انا فكرت في الموضوع .
الاء " تهيء روحها لسماع الخبر من فاتن " : وشنو نهاية تفكيرج ؟
فاتن " تودي خصلات شعرها .. الي طيرها الهوا امام ويها خلف اذونها " : ولاء اعز رفيجة عندي ... وانا ما ابي اخسرها .. " وترفع نظرها ل الاء " : وانتي هم لج مكانه في قلبي .. بس انتي تبين تتركين ولاء.. لو ما تبين تتركينها .. عادي .. وانه اخاف ولاء اتظن شي ثاني ... فهمتيني شقصد ..
الاء " ما عجبها جواب فاتن .. وبكل ملل " : اي عرفت .. خلاص اوكي .. باي
ومشت عنها ... فاتن تنزل راسها بأسف على الأرض .. وحيرة ..
الاء تمشي بخطى من العصبية ... وتلوم حالها .. على اليوم الي اتعرفت فيه على ولاء وشلتها ..
الاء " بصوت مسموع تقريبا ً " : انه الغلطانه الي كلمتها .. الشرها موب عليها .. الشرها عليي .. ومسوية ليي فيها الصديق الصدوق .. " ومن عصبيتها كانت تضرب بقدمها على الأرض بكل قوتها .. مثل الجندي الي داخل الحرب "
دعاء انتبهت لها من بعيد ونادت عليها : الاء
الاء " حست بأن في احد يناديها .. والتفتت ... ولقتها دعاء .. فوقفت مكانها "
دعاء تقترب منها .. ووصلت لها
دعاء : شخبار ؟
الاء " بضيق " : انتي ادرى بالحال
دعاء " موب عاجبها وضع الاء " : وبتستمر الحال لمتى ؟
الاء " تضيق بحجاتها " : مادري والله .. " وتبي تختبر معزتها عند دعاء " : هلقد عندج مهم حالي ؟ !
دعاء " بجدية واضحة على ملامحها " : اذا مو مهم عندي حالج .. عيل من الي مهم عندي حاله ؟
الاء : مادري
دعاء : بسج دلع اوكي .. وكوني مثل ما انتي والي اعرفج .. كلير ؟
الاء " حست بأن دعاء هزئتها ... ولبت لها طلبها " : واضح
دعاء " تحثها على انها تمشي معاها " : يفترض اني امشي معاج الحين
الاء " تلبي طلبها من دون مقدمات " : اي اي يفترض ..

ومشوا مع بعض .. والي دعاء كانت معصبة على تصرفات الاء في الفترة الأخيرة وتمت تلقي عليها محاضره .. وما كان من الاء الا ان تسمعها .. لأن الاء نفسها تعزها وما تبي تزعلها ...

::: في مدرسة عائشة :::
........ بعد مرور الحصص الثلاث الأولى .. وبداية الفسحة ... انتشروا البنات في الساحة بكل ضجى .. واسماء بطبيعتها الفكاهية وشوق المزعجة مع ابرار .. كانت اصواتهم مغطيه على اصوات البنات ... وكانو مثل الناس المتخلفين والفوضويين بشكل كبير ... وصادتهم مساعدة المديرة .. الي تراقب كل بنيه في الساحة .. وبدات في تهزيئهم ..
مساعدة المديرة " تأشر بناحيتهم .. علشان يقربون لها " : تعالوا تعالوا انتو
اسماء " بضحكة " : ههههههههههههه طحنا في يد المباحث ..
ابرار " تعفس في حجاتها " : بل من وين طلعت زيتونه هالحزة ..
شوق : الحين حزة فطور .. يعني اكيد موجود الزيتون ..
اسماء وابرار : ههههههههههههههههههههههههه
اسماء : اقول مو جانها تعبت واهيا اتنادينا واحنا ما رحنا لها
ابرار : اي اي يالله امشوا .. لا تصكنا بتعهدات هالحزة ..
ويتقربون لمساعدة المديرة ..
مساعدة المديرة " تخبي يدها خلف ضهرها " : اممم شرفتوا .. من مساعه وانه اناديكم .. شحقه توكم جايين ؟!
اسماء " تتعذر " : مسامحه ما انتبهنا لج .. عبالنا تقصدين ناس ثانين ..
مساعدة المديرة : انزين ليش كل هاالصراخ .. درينا فسحة .. بس مو جدي انتو بنات
شوق : ما قلتي شي جديد
وتدزها اسماء بمعنى انها اتسكتها
مساعدة المديرة " تعطي نظرة حادة لشوق " : انتو موب يهال تقعدون اتراكضون .. عيل احنا ليش خالين الكراسي والمظلات .. للينانوه ..
ابرار " بتهجم " : ها .. وانتي شكو قعدنا مشينا .. المهم احنا في المدرسة .. شها التخلف ..
اسماء : اقول مساعدة .. انتي من وين اتطلعين القوانين .. انه كل يوم اقره قوانين الوزارة .. ما جفت قانون من الي تقولينه لنا ..
مساعدة المديرة " تتبلعم " : ها .. لا .. هاي قوانين المدرسة موب الوزارة ..
شوق " بعدم مبالاة " : روحي زين من زينها من مدرسة .. اقول دوري لج بنات غيرنا اتصيدينهم واتزفينهم .. احسن لج ..
مساعدة المديرة " اتعصب " : صج انتي قليلة ادب ...
شوق " تعطيها ظهرها " : احتفظي بالمعلومة ذكرى على مر السنين ...
وتمشي شوق وتمشي خلفها كل من اسماء وابرار ..
تاركين مساعدة المديرة تشطاط غضب بروحها ... والي خلاها اتصيد فراشة مسكينة كانت قدامها .. وبردت كل الي في قلبها فيها ...

ايات " تنادي على اسماء " : اسماؤ .. اسمااؤ وصمخ ..
اسماء " تلتفت لها " : هلاا .. شصاير بعد ؟
ايات : ما صاير شي
اسماء : اي اصلن انتي ما تجين اتكلميني الا ووراج بلوة
ايات " تطالعها من طرف عينها " : الحين انه اجيب لج البلاوي !!
اسماء " بأبتسامة عذبة " : لاامزح معاج .. انزين شتبين ؟
ايات : معلمة بعير .. طلعت بره المدرسة .. وتبينا نحرس الصالة خلال الفسحة .. وما نخلي بنات يدخلون ويحوسون في الأغراض مال الرياضة ...
اسماء " تعوج في فمها " : ولازم انه يعني
ايات " خاطرة في مخها فكرة " : تعاالي .. ولي يعاافيج ... نسيتي في الصالة مسرح وبيانو .. امشي نعزف ونغني .. ونتونس ...
اسماء " عجبتها الفكرة " : وشلي موقفنا اهني .. يالله امشي
ويركضون بناحية الصالة ... وكانها تحتوي على كنز ويبون يحيشونه قبل ما يحصله احد غيرهم ..
في الصالة .. قعدت ايات الي تعرف تعزف على البيانو ... وعزفت الألحان الجميله .. الي عجبتها اسماء .. واسماء حملت المايك وقربت من ايات ...

اسماء : اقول ايات .. شرايج بقولج لحن وانتي سويه وانه بغني .. الأغنية من تأليفي ..
ايات : اوكي قولي
اسماء " علمتها الحن " : يالله ابدي ..
ايات " تهيأ روحها في وضعية الموسيقى " : بدينا
وتبدا تعزف .. واسماء تبدي بصوتها الهادئ والناعم في الغناء : ياليتهم ايفهموني .. ياليتهم ايعرفون الي في قلبي .. ياليتهم ايحسوون فيني .. ياليتهم يكفون عن تعذيبي .. انا الي ابي قلبي ما يدرون ان اهوا ضايع عن دربي .. انا الي ابي مشاعري .. ما يدرون انها من زمن هجرتني .. انا الي اجري وراهم .. واندفن بين عذابهم .. انا الي اسعى لحبهم واهما معذبيني بفراقهم ... " وبصرخة حزينة " : ياليتهم ايفهموووني .. ياليتهم ايحسون فيني ...
ايات " توقف عن العزف " :مو جانج بالغتي في الحزن
اسماء " بكل صدق " : جانزين اقدر اهرب من الحزن ..
ايات " تستغرب " : معقولة ! وانه الي ظنيتج اسعد وحده فينا
اسماء " بضحكة استهزائية " : ههههااي ... هاي يثبت لج ان المظهر ما يعكس الي داخل ...
ايات " تبي تغير الموضوع " : على فكرة كلماتها روعه وعجبتني .. شرايج انسجلها
اسماء : اي بس نحتاج لشريط فاضي ..
ايات " تعض على شفاتها " : صح من وين انجيب .. خلاص في يوم ثاني ان شاء الله ..
اسماء : اوكي
ايات " تنظر لباب الصالة الي تفتح ودخلوا بنات .. وتغمز ل اسماء " : اكو ناس دخيلين على المكان .. تصرفي معاهم
اسماء : خليهم عليي .. اروايج فيهم

اسماء تنزل من على درج المسرح بهدؤ وتتقرب من البنات : نعم ؟ في شي ؟
احد البنات : نبي معلمة عبير
اسماء : معلمة عبير مو اهني .. طالعه ..
وتصك الباب في ويهم ..
وتفتح البنية الباب مره ثانية : اسامو لا تتكلمين معانا جدي هاا .. احذرج
اسماء : انتو مو قلتوا تبون معلمة عبير .. خلاص المرة مو اهني .. ذلفوا شحقة رازين الفيس ..
البنيه : واايد متكبرة انتي تدرين ؟
اسماء : احتفظي بالمعلومة لج ... " وبطريقه طرده " : يالله يالله جلووا بروا (( جلوا بالهندي معناته بعد روحي .. وايضا بروا بالعجمي معناته روحي ))
البنيه قبل ما تطلع بره الصالة تطلع لسانها ل اسماء وتطلع
اسماء " تصك الباب واهي متعجبة " : الحمدلله والشكر .. صج جيل جليل حيا
ايات : وانتي من اي جيل يا افندم ؟
اسماء " تدور بعينها " : امم .. لاا .. على الأقل احنا اهدئ واركز منهم ..
ايات : انزين تعالي انكمل .. " وتبدي ايات اعجابها " :على فكرة صوتج عجبني ..
اسماء " تفرح " : صج ؟ ... زين والله .. اكتشفت فيني شي جديد ..

وتطرق الباب وسن وصاحبتها .. ويدخلون ..
اسماء " هدت المايك الي كانت ماسكته " : حيااكم ..
وسن " ترفع حاجب ل اسماء " : ظنيت انج بتطرديني مثل الي قبل
اسماء " تفتح فمها " : قالوا لج ! .. على العموم اهم غير وانتي غير ..
وسن " تبتسم بحلاوة " : اي لو ما قلتي جدي .. لج حساب ثاني ..
اسماء " تمسك المايك وتغني " : يحاسبوني يعاتبوني ... ومايدرون بغلاتهم في قلبي ..
وسن " تركب على الدرج " : الكلام ليي
اسماء " تبي وسن اتعصب " : مو بالضبط
وسن " تتخصر لها " : والله حلفي بس ؟
اسماء " تتصنع تغير الموضوع " : تفضلي يا اخت علياء .. ليش واقفة !
وسن " تضرب اسماء على كتفها بخفه " :تدرين انج ما تنكتين .. بس الشرها مو عليج .. الشره عليي انه ..ليش اني جيت لج ..
اسماء " ببرود " : fine .. .. تقدرين تطلعين ..
وسن " تعطي ظهرها ل اسماء .. وتمضي في المشي " : اوكي .. سي يو ايات في الصف ..
اسماء " تفتح عيونها على وسعهم .. وتركض من الدرج الثاني الي في المسرح .. وتوقف في ويه وسن " : انتي ما جوفيني موجوده .. شلون بس سي يو ل ايات ..
وسن " بتهكم " : مثل ما انتي تعتبريني مو موجودة .. انه نفس الشي ..
اسماء " تفتح يدينها بعصبية " : ومتي صار ده الشي ؟!
وسن " ببرود " : وانتي الحين ليش معصبة ؟
اسماء " تبتعد عن دربها " : تقدرين تطلعين ... والحين
وسن تمسك يد صاحبتها علياء ويطلعون بره الصالة ... واسماء تلحقهم وتصك باب الصالة بقوه .. ظنت فيها ايات ان الباب راح يتكسر ل اجزاء صغيرة ..
ايات " مستغربة من الوضع والمشهد الي مر عليها سريع " : علامكم ؟ شصاير الحين قلبتو ؟ !
اسماء " اذا كانت معصبة .. فلي يهدي مزاجها .. تشرب بيبسي .. وتدخل اسماء يدها في مخبا مريولها وتطلع الفلوس " : ايات تقدرين تشترين لي كولا ..
ايات " تبي اتسوي كلشي ل اسماء .. بس علشان ما اتعصب .. وتوقف من مكانها " : اي اووكي .. " وتتحرك من جانب البيانو .. ل اسماء .. وخذت الفلوس من عندها
وقبل ما تطلع ايات نادت عليها اسماء ..
ايات " تلف لها " : شنو ؟
اسماء " ترفع صبعينها " : خليهم اثنيناه ...
ايات " تستعجب من اسماء " : اوكيه
وطلعت ايات من الصالة .. وتكلم روحها : معقوله هاايي .. بتشرب قوطيين كولا.. اكيد ينت .. الله يهديج يا وسن .. في دقيقة قلبتي مزاجها ..
وانتبهت ان وسن تمشي قدامها .. فركضت لها ..
ايات : وسن علامج الحين عصبتي ؟
وسن " توقف بملل " : اهي الي طرشتج ؟
ايات : لا .. بس حبيت ابشرج .. راح تفقد حياتها بعد دقيقتين ..
وسن " تستغرب " : شقصدج ؟
ايات " تنظر للصالة " : تقدرين اتروحين اتطلين عليها .. من غير ما تحس .. وبتعرفين شقصد .. " ومشت عنها متجها ناحية المقصف "
وسن " تكبرها يمنعها من ده الشي .. بس من خلال حث علياء عليها . راحت للصالة .. ودخلت الصالة ..
وكانت اسماء قاعدة على الكرسي بجانب البيانو .. وتعزف عليه بمهارة .. وبلحن حزين .. وقربت المايك ناحية فمها .. واهي تعزف .. وبدت تغني بصوتها الي غمره البحة والبجي : وعدتين ووفيتي .. تركتيني ورحلتي .. ليش تهجريني ؟ وانه الي ابيج قربي .. لا تظلميني .. تراج انتي قلبي ..
وسن " تأثرت من كلام اسماء وصوتها .. وقالت في روحها " : معقوله .. هالكثر تعزيني ... في لحظة وحدة .. صرتي اتعس انسانه ..
علياء " الي فتحت فمها وعيونها " : يفترض عليج انج تتكلمين معاها ..
وسن " في تفكير مستمر في اسماء " : اظن بعد شوي بيي اكلمها .. امشي نطلع قبل ما تحس ..
علياء " اتأيدها .. وتسمح لوسن تطلع قبلها واهي خلفها .. "
وواجهت وسن ايات في ويها .. ووقفتها : جفتها
ايات : صج ؟ وشنو كانت اتسوي ؟
وسن " تنظر ليد ايات الحاملة قوطين من الكولا " : اول حق منو الكولا
ايات " تنظر للكولا " : هاي السبيل الوحيد الي تقدر من خلاله اسماء انها تمسك اعصابها ..
وسن " من غير تصديق " : اهيا مريضة .. لا تعطينها الكولا .. قولي ليها كمل
وبعدين بتشربهم ثنينهم !!
ايات : ايي .. بس لين ما خذته صدقيني بترتكب جريمة قتل في احد المارة ..
وسن " بخوف على اسماء " : حاولي معاها ان تشرب على الأقل واحد
ايات " تلبي طلب وسن " : اوكو .. يالله لا اتاخر عليها .. باي
وسن : باي
ايات " تفتح باب الصالة بهدؤ وتدخل ... وتركب ل اسماء الي غيرت من موضعها .. وقعدت على حافة المسرح .. مدلدلة ريولها لتحت .. وقعدت صوبها .. ومدت لها قوطي الكولا ..

اسماء تاخده من عندها : شكرا ً
ايات : عفوا
وبدت اسماء في تحسن .. وخفت وتيرة العصبية عندها ... وكملت من القوطي الأول .. وايات امتنعت عن انه تعطيها القوطي الثاني .. بس اسماء بنظرة حاده وجهتها ل ايات .. خلت من ايات تسلمها لها من غير اي رفض .. وخذته اسماء وشربته .. وبعد وقت ..
ايات " تبي اتغير الجو " : اشرايج نطلع بره
اسماء " تنظر في انحاء عشوائية في الصالة " : والصالة ؟
ايات " تعطيها حل " : ربعنا وااايد .. بنخليهم يحرسونها ..
اسماء " تنط على الأرض " : عيل مشينا
وايات لحقتها لبره الصالة ... وبدؤ يتمشون .. .. واسماء حست بشي من الدوار .. والون الأسود الي حاطها .. وطبت على الأرض ... وضرب راسها بقوه في الأرض ..
ايات " صرخت " : اسمااااااااء
والتموا البنات الي في الساحة عليهم .. والتمام البنات .. خلاا من بنات صف اسماء انهم يروحون يجوفون الوضع .. وانصدموا باسماء الممددة على الأرض . وعيونها مغمضتها ...
علياء " انتبهت للتجمع الي صاير " : اقول وسن .. امشي انجوف وش صاير اهناك
وسن " بتعجب " : يالله ..
وتقدموا من البنات المتجمعين .. ولقوا اسماء طايحة على الأرض ..
ايات " تنظر ل ابرار بترجي " : ابرار .. بليييز روحي نادي المشرفه ..
ابرار بحركة سريعه وركضت .. ناحية غرفة المشرفه ... ونادت عليها ... وجت المشرفه تركض للمكان .. وطلبت من البنات ان يحملون ... اسماء من مكانها ... ويودونها على السرير في غرفة المشرفه ..
وحملوها البنات بكل خوف عليها .. واسماء الي ما كانت تستجيب لأي كلمة .. غير انها كانت صاكة عيونها بكل قوتها .. وكأنها تمنع اي قوة من انها تفتحها ..
دخلوها البنات حجرة المشرفه .. وغطوها ..
المشرفه " تنظر للبنات " : لو تسمحون تطلعون .. علشان تاخد راحتها ..
البنات يلبون طلب المشرفه ... ويطلعون من الغرفه ...
خارج غرفة المشرفه .. ربع اسماء متجمعين ...
وسن " بتوتر " : ايات ... انه شقلت لج ؟!
ايات " تلوم روحها " : ما قدرت صدقيني ما قدرت ..
فاطمة " معصبة " : هاي انسانة مينونه .. انه براويها لين وعت ..
شوق " تنظر للأرض " : مادري من الحيوان الي خال اعيونه عليها .. من امس والمشاكل تتحاذف على راسها من كل صوب ..

::: في مدرسة يثرب :::
الاء : افهم من كل محاضرتج دي ... انج خايفه عليي
دعاء " بغموض شخصيتها " : اذا ما كنتي اتمانعين ؟
الاء " تفر بعيونها لأعلى " : يعني ولا في يوم بتبردين قلبي وبجاوبين عدل
دعاء : صح
الاء : اي عاد ليش ؟
دعاء " تتضحك ضحكة بسيطة " : ههههههه .. لهدرجة تبين تعرفين شنو جوابي ؟
الاء " اتقلد عليها " : اذا ما كنتي اتمانعين
دعاء " تتضحك عليها بضحكة ماليه فمها " : هههههههههههههههههههههه
الاء : جفتين شلون راسج يابس ... يعني لا تقولين ابالغ
دعاء " تعوج في فمها " : I know
ومرت البنيه الي انعجبت فيها الاء ..
الاء " تمد نظرها لها " : اقول دعوي اتعرفين من هاي ؟
دعاء " تنظر لها " : اي اعرفها
الاء " تبتسم " : صج ؟ من ؟
دعاء " تطالعها من طرف عينها " : تهمج مثلا ً
الاء " تبحث عن عذر مناسب " : لاا .. بس شكلها لفت نظري .. فقلت ابي اعرف من هاي
دعاء : امم .. هاي عبير .. وعندها اخت توأم الي تمشي صوبها واسمها غدير .. في ثاني اعدادي .. صفهم صوب صفنا ....
الاء " تهز راسها " : اهااااااااا
دعاء : وبعدين بسج لقافه .. خلي الأوادم في حالها
الاء " تبتسم بحلاوة في ويه دعاء " : اووكي
دعاء " تخبي ضحكتها تحت يدها " : ابتسامتج غيريها
الاء " تتقرب من دعاء " : ليش ؟
دعاء " تنظر في ناحية ثانيه " : لأنها تضحكني .. وتخلي مزاجي اوكي
الاء " توضع يدها تحت لحيتها .. الدالة على الحيرة " : انه ابي اعرف شي واحد
دعاء " تودي يدها خلف ظهرها وتستند عليها " : شنو اهوا
الاء : انتي ليش تبين اتصيرين كل جدية .. خلي عندج شوي من الضحك الفرفشة .. موب حلو جدي .. جانج وحده كبيرة ..
دعاء "تعمق صبعها في خدها " : بفكر في الأمر
الاء " اتأيدها " : اي ضروري

ومرت فاتن امام الاء ... ونظرت ل الاء بكل حزن .. ومشت واهيا منزله راسها على الأرض ..
الاء مسكت ويه دعاء ولفته في جهة ثانية .. علشان ما تنتبه لفاتن ..
دعاء " تستغرب " : شفيج ؟
الاء " تتبلعم " : لا جوفي جوفي .. دي الهندي ما يخاف على روحه يطب
تقصد البناية الي جانب مدرستهم والي يبنون فيها .. وكان الهندي واقف في اخر طابق على الحافه ويشتغل .. ولأن سور المدرسة قصير .. والبناية رفيعه .. يقدرون يجوفونهم ..
دعاء " ترفع حاجبها " : لا لا تخافين عليه .. متعود ..
الاء " استانست ان دعاء ما حست لفاتن .. " : اهاا

::: في مدرسة عائشة :::
وعت اسماء بعد ما حاولت فيها المشرفه .. وسمحت المشرفه لوسن ومريم انهم يدخلون ويطمنون على اسماء ..
اسماء كانت ممددة على السرير .. وكانت تحت ريولها مخده ترفعها .. وكان ويها ممتلي من قطرات الماي الي رشته المشرفه عليها .. وشعرها كان مبتل من الماي ومرفوع لوره .. وكانت غاطة في النوم ...
وسن " قعدت على كرسي خلته بجنبها الأيمن "
و مريم " خلت الكرسي على جنبها الأيسر وقعدت عليه "
اسماء تفتح عيونها بتعب ... وبصوت خافت ومبحوح . تكلم وسن : ابي ماي
وسن " بحركة سريعه تتجه للثلاجة وتطلع الماي وتمده لها
اسماء " من تعبها مو قادرة ترفع يدها وتاخده ...
قربت وسن صوبها وفتحت الماي ... وقربته من فمها ... واسماء شربت ...
وسن " بعتاب " : شحقه اتسوين في روحج جدي ؟
اسماء " تقاوم علشان تفتح عيونها وتنظر لوسن " : علشانج
وسن : انتي جدي اتخليني ازعل عليج
اسماء : بعد .. وانتي كل تبين تزعلين ؟
وسن " تبتسم ابتسامة دافية " : انزين ريحي ..
اسماء " تلف ويها للجهة الثانية وتتفاجاء بمريم جالسة .. وتوها كانت بتتكلم "
مريم " تقطعها " : مها قدمت استقالتها .. وطلعت بره المدرسة .. مافي شي يستاهل ان نتهاوش عليه ونفترق ..
اسماء " بتعب .. تهز راسها بالموافقه على كلام مريم "
مريم " تفرح ان اسماء اتقبلت الشي .. وعادت صداقتهم ... "
وعادت اسماء وريحت راسها على المخده .. والي انتبهت وسن .. بوجود دم في جبهتها ..
وسن : اسماء لفي ويهج شوي بجوف ..
اسماء " تستغرب من طلب وسن .. واتلف لها راسها .. "
وسن " تمد بنظرها لناحية محددة في جبهة اسماء " : اكو دم في جبهتج
اسماء : صج ؟ وين اي جهة ؟
وسن : فوق على اليسار
اسماء " ترفع صبعها وتمررها على جبهتها وما وصلت للجرح " : وين ما لقيته ؟
وسن " تتقرب من اسماء وتمسك يدها بحنان .. وخلتها على مكان الجرح

اسماء " تقرب صبعها الي تلوث من الدم .. امام عينيها .. ونظرت له بقرف " : وسن تقدرين اتنادين المشرفه .. علشان تداويه ..؟
وسن " توقف من على الكرسي " : ان شاء الله ..
وراحت وسن للمشرفه ... وطلبت منها .. وحملت المشرفه قطعة الشاش .. ولصقة الجروح ..
المشرفه " تقعد بجانب اسماء على السرير " : ضربتي راسج في الأرض بالقوة
اسماء " بأبتسامة بسيطة " : ايي
المشرفه " تداوي الجرح " : امم ... تحسين عيل بألم في راسج ؟
اسماء " بمزح " : احس اني فقدت الذاكرة
الجميع ضحك عليها ...
المشرفه " كملت " : كملنا .. يالله ان شاء لله الحين احسن ..
اسماء : اي الحمدلله ..

وطق جرس نهاية الفسحة .. فقامت كل من وسن ومريم علشان بيرجعون الصف ..
المشرفه " تقوم من على السرير " : اسماء قعدي بعد نص دي الحصة ورجعي الصف لا تروحين . ارتاحي شوي
اسماء " تهز راسها بالموافقه " : ان شاء الله ..
وطلعت مريم .. ووسن وراها .. بس وسن ردت رجعت ل اسماء ..
وسن " تركع على ريولها .. وتقرب ويها من اسماء " : ان عدتي دي الحركة .. بجوفين شي ما يعجبج .. انتي بعد لج مكانه عندي .. بس اذا ما تبين تزعليني وتأذيني .. لا تسوين جدي في روحج ..
اسماء " تطالع وسن من تحت حجاتها " : ان شاء الله عمتي
وسن " توقف عدل " : غصبا ً عنج .. . يالله باي
اسماء : بااي
وطلعت وسن بره غرفه المشرفه وراحت الصف ...
بينما اسماء قعدت اتفكر في روحها : على الأقل بهالدنيا عرفت في احد يعزني .. مع انه ما بيدوم الشي .. سنة وبفترق عنج يا وسن .. وصدقيني اتعس سنوات حياتي الي بعيشها من دون ضلج معاي ... احبج ..
.
.
.
.
ومر اليوم .. وتماما في وقت العصر .. في بيت اسماء .. في غرفتها .. اسماء جالسة على الأرض متربعه .. بصروال بجامتها الناعم .. وتي شيرت لونها بيج ومرسوم في وسطها مثل النيران المشتعله وماخذه لون البني الغامق .. وناثره كتبها قدامها وتحل واجباتها وتدرس .. ويرن تلفونها ...
اسماء " ترفع التلفون من على الأرض .. وجافت المتصل ابوها .. استغربت وردت " : هلوو
ابو اسماء : ها اسوم .. شخباارج ؟
اسماء : الحمدلله تمام .. وانت
ابو اسماء : بخير ..
اسماء : يبا انت في البحرين ؟
ابو اسماء : اي اي .. انه صار ليي سبوع في البيت .. بس ما جوفج ..
اسماء : اها ..
ابو اسماء : انزين ابشرج
اسماء : شنو ؟
ابو اسماء " بأبتسامة " : اشتريت لج الي تبين
اسماء " تفتح عيونها على وسعها " : حصان ؟
ابو اسماء " بضحكته ذات الصوت الغليظ " : ههههههههه ... اي ومثل الي تبينه .. بني وفي راسه خط ابيض .. وطيب وحنون ..
اسماء " توقف من مكانها من الفرحة " : وينهو الحين فيه ؟
ابو اسماء : في الروضة اكيد بخليه .. انه مسوي روحي جايبنه بأسم الروضة .. علشان امج ما تتحجج .. بس اهو حقج ..
اسماء : انزين ابي اشوفه .
ابو اسماء : لا الحين لا
اسماء " تبرطم " : ليش ؟
ابو اسماء : ما تبين تدرسين ؟ .. في نهاية السبوع .. بجيبج له
اسماء : اوكي خلاص .. شكرا
ابو اسماء : عفوا .. يالله سلام
اسماء : باي
اسماء " تصك التلفون وبكل فرح .. قامت تنطط في مكانها .. " : يس يس يس .. احبك يبااااا .. " وتقعد على الأرض " : بس الحين شنو اسميه .. اممم اممم فكري فكري يا اسماء .. اييي لقيتها .. بسميه لوكااس .. لوكااس حصاني الطيب ..
وتفتح الخدامه الباب من دون ما تطقه ..
وتنقز اسماء من مكانها : هي هي انتي شفيج .. الف مرة اقولج طقي الباب
الخدامه : انت سنو ايسوي ؟
اسماء " تمسك كتابها " : ادرس ما جوفين
الخدامه : انت عبالك انا مافي مخ .. مخ نيها .. انت يسرخ .. يسوي يس يس يس .. حق سنو .. انت في نجااح
اسماء " تجاريها " : ايي هاا .. عبالج شنو عيل .. اكيد انه ناجحه ..
الخدامه : بس انت ما في كمل مدرسة علسان فيه سهادة علسان فيه نزاح
اسماء " تكلم روحها بصوت مسموع " : والله وهقه دي بعد
خدامه : سنو ايقول
اسماء : اقول .. تعرفين كرة سلة .. انا يلعب ينط يسوي قوول
خدامه : اي اي عرف انا
اسماء : ايي جبت اليوم قوول .. والحين قاعده احتفل .. يالله عرفتي .. يالله فارجي .. جلوا بره
خدامه " تفتح الباب وتطلع " : زين زين .. يالله روح ادرس
اسماء : ان شاء الله
وطلعت الخدامه ...
اسماء " تكلم روحها بصوت عالي " : والله هاي مصدقه عمرها .. عبالها اخاف منها مع ويها ..
وتطل الخدامه براسها : انت مافي يخاف مني انا
اسماء " تضرب روحها " : ويلي على حااااالي .. ذلفي عن ويهي

نهاية الجزء الثالث
.وباقي اجزاء قليل وتنتهي الرواية
وفي الجزء القادم .. بيحتوي على
هل تعّرف اسماء على حوراء بيغير رايها من وسن .. وشنو تتوقعون بتكون ردة فعل وسن ؟
مناسبات بتمر .. وبتصير احداث .. في كل من المدرستين ..
منها الأحتفال بيوم العيد الوطني
واعتزال اسماء من كرة السلة !!
وتعرف الاء على عبير ..
نطرو الجزء الرابع بكل حمااس ..

ملاحظة : الشخصيات التي وردت .. في دور او مقطع ما .. ليست بالشخصيات المهمة .. التي تحتاج للتعريف عنها .. انما ذكرت .. لأكمال الدور..

"" الجزء الرابع ""
:: مدرسة عائشة ::
معلمة عبير تذيع في الطابور الصباحي ..
م . عبير : بنات .. تصفيق حار لفريق كرة السلة .. فزنا امام مدرسة حليمة .. ب 36 نقطة .. بينما اهم جابو 15 نقطة .. فارق كبير .. يستااهلون تحية حاارة
وتتعالى اصوات البنات وتشجيعهم مع التصفيق الحار ..
م . عبير : في مفاجأة ثانية .. فزنا بالكاس .. انحيهم .. تعالي يا اسماء وفاطمة استلموا شهادات تقديركم والميداليه ..
وتزيد صرخة البنات .. وتصفيقهم والتصفير .. وتتقدم اسماء على فاطمة بكل فرح .. وحملوا الكاس ثنتينهم ... ورفعوا اعلى من روسهم .. وصارت السكرتيرة قدامهم اتصورهم صور تذكارية ..
م . عبير : يالله اسماء تعالي البسج الميدالية ..
وتتقدم اسماء من معلمة عبير .. وتنزل راسها .. وتلبسها المعلمة الميدالية .. وترفع اسماء راسها .. وتلف للبنات .. وتعض على الميدالية .. والبنات مستمرين في التشجيع .. واسماء تلف ويها ناحية وسن .. وتغمز لها .. ومثل الشي فاطمة اتقدمت من معلمة عبير ونزلت راسها .. ولبست الميدالية ..
فاطمة : امشي اسماء انأدي الرقصة ..
ووقفوا جنب بعض وسوا رقصة الفوز بكل فرح .. والتشجيع والتصفير من قبل البنات ما وقف ..
ورجعوا .. لصفهم واصطفوا في الطابور ..
م . عبير : اعلان .. اعلان.. بس هدؤ ما نبي تشجيع
وينصاعون البنات لكلام معلمة عبير ويوقفون عن التصفيق ...
م . عبير : اليوم مباراة كرة سله في الفسحة بين فريق الأسود .. وفريق النجوم .. وكلاا الفريقين طبعا ً موهوبين ومتميزين .. فادعوكم انكم اتجوفون المباراة .. لأنها ما بتخلى من الحماس والرووعة ..
وعلى نهاية الطابور .. رجع كل صف صفه ..
في صف اسماء ..
اسماء تدخل الشهادة الي حصلتها في شنطتها .. : فطووم .. احس اليوم ما بنفوز
فاطمة : لالا شدعوه .. صج اهم ثالث اعدادي .. وربعنا ونعرفهم .. بس بنفوز عليهم .. احنا اقوى ..
اسماء : ياارب ..

:: في مدرسة يثرب :::
ولاء رجعت المدرسة من بعد فصلها ... وبعد نهاية الطابور .. اتجهت لصف الاء ..
ولاء " تدخل الصف .. وتنادي على الاء " : الاء .. الاء
الاء " تنتبه لها .. وتتجمد في مكانها " : أأ .. نعم
ولاء : تعالي بره ابيج
الاء " توقف من مكانها " : ان شاء الله
وتطلع الاء من صفها .. وتواجه ولاء .. وجها ً لوجه ..
الاء " بأبتسامة مصطنعه " : هلاا .. توها منوره المدرسة
ولاء " بأبتسامة " : هلا والله .. وحشتيني
الاء " تتحاشى النظر في عينها " : وانتي بعد
ولاء " حست بأن الاء فيها شي " : الاء فيج شي ؟
الاء " تتبلعم " : لالا .. ابد ما فيني شي .. بس
ولاء : شفيج الاء ؟ اتحجي
الاء " تاخد نفس بعمق " : ولاء انتي اتغيرتي
ولاء : سو ؟
الاء " تتكلم بسرعه علشان تنهي السالفه " : انه احب ولاء القبيله .. بس ولاء الحالية ما تعجبني ..
ولاء :" تنصدم من كلام الاء " : تعنين انج ما تبين ترافجيني ؟
الاء " صعب عليها الموقف " : ولاء انتي تدرين ماقدر افترق عنج .. بس بعطيج جانس .. علشان ترجعين مثل قبل .. وهالوقت راح انكون بعيدين عن بعض .. يمكن يساعدج في التغيير ..
ولاء " تمعن النظر في ملامح الاء " : اوكي ... بسوي الي قلتين ليي عليه .. بس كل الي راح اسويه علشانج انتي .. يالله ما اعطلج ... بااي
الاء " تنزل راسها في الأرض " : بااي

بينما ولاء .. دخلت يديها في مخابي مريولها .. وخدت نفس .. وهزت راسها بحزن ... ومشت بخطوات مثقله .. ضائعه ... حست روحها انها ما راح تقدر تتغير .. الا بمساعدة الاء .. بس الاء اتخلت عنها في اصعب لحظاتها .. درفت دمعة على خدها .. وسرعان ما رفعت يدها ومشتها .. وسرعت من خطواتها تبي تهرب من الواقع .. تهرب من كلام الاء .. تهرب من الضياع .. يمكن لين قربت من صفها اتحس بالأمان يلفها ..
الاء .. سرحت في خيال ولاء .. وهيئت روحها على انها راح تفقدها للأبد .. وتذكرت مواقفها معاها .. وصنفتها من ضمن الماضي .. والي قضى وانتهى .. وما منه رجوع ..
دخلت الاء صفها .. وقعدت على كرسيها تنطر دخول المعلمة وبداية الحصص .
اسراء " تكلم الاء بهدؤ " : الي سويتيه عين العقل .. وانسي
الاء " من دون ما تلف ويها ل اسراء " : yeb

::: في مدرسة عائشة ::
صف اسماء
دخلت معلمة الأنج الصف .. وسلمت على البنات .. وبدت تشرح بعض القواعد والنحو في الأنج .. واسماء مو من صوبها دراسة الأنج وفهمه ... فكانت تلهي روحها .. بتزيينها لطاولتها .. المعلمة كملت شرح .. وطلبت من البنات يحلون التمارين المصاحبة للدرس .. في الكراسة ..
اسماء " تنتبه لتغير وضعية البنات " : شصااير ؟
شوق : فتحي كراستج وحلي التمارين
اسماء : صفحة جم ؟
شوق " تفرفر في الصفحات " : اممم 25
اسماء " تفرفر في الصفحات " : اها اوكي .. كلهم
شوق : اي
اسماء " تحك في راسها " : اقول .. ما فهمت
شوق " بصوت منخفض علشان المعلمة ما تهزئهم " : ايي لأنج ما نتبهتي ياحظي لشرحها
اسماء : شدعوه لين انتبهت فهمت لها ..
شوق : والحين ؟ شتبيني اسوي لج
اسماء : حلي .. وعطيني جانس علشان انقل من عليج
شوق : انزين بس سرعي .. لأن تبيهم اتصححهم ..
اسماء " تطلع القلم من مقلمتها " : اي اوكي
وبدت شوق تحل .. واسماء تنقل عليها من دون اي فهم .. للي تكتبه .. وكملوا .. وراحو للمعلمة علشان تصححه لهم .. المعلمة صححت كراسة شوق .. ورجعت شوق لمكانها .. وحان دور اسماء
المعلمة " تطالع اسماء من طرف عينها " : انتي الي حليتيه بروحج
اسماء " تتبلعم " : اي اي اكيد تيجر انه حليته بروحي .. عيل من بيحله
المعلمة " تبي تختبر اسماء .. وتسئلها سؤال عن التمرين "
اسماء " تفكر وموب عارفه الجواب " : معلمة يعني حلي خطاء
المعلمة : لا اوكي صح .. بس ليش كتبتي جدي وما كتبتين غير
اسماء " اتكلم روحها بصوت مسموع " : والله وهقه
المعلمة : ها شقلتي ؟
اسماء " بهبالة ": والله مادري .. اهو الجواب خطر عليي جدي في مخي وكتبت
المعلمة : لا واضح انج فاهمة .. انتي انتبهتي وانه اشرح ؟
اسماء " تعوج في فمها " : نوعا ما
المعلمة : زين زين روحي ردي مكانج .. وانه بدور لج وحده فاهمة تشرح لج .. بس هاي اخر مرة لج .. مرة ثانيه انتبهي معاي فاهمة
اسماء : اي اي ان شاء الله معلمة .. افا عليج بس
المعلمة " تأشر بأيدها على كرسي اسماء " : تفضلي مكانج
اسماء " بأبتسامة مزيفه " : شكرا

اسماء تضرب على جتف شوق بخفه : شحقه انتي ياسبول ما علمتيني
شوق " ماسكة ضحكتها " : انتي قلتين بس تبين تنقلين من عليي .. ما قلتين تبين اشرح لج
اسماء :اي صح .. وانه مادريت انها بيوخ انسان .. بتسئلني ليش حليتي هلون
شوق " تسلم روحها للضحك " : ههههههههههههههههه .. سكتي بس .. لا تسمعني الحين تطردني ...
اسماء " تخلي يدها تحت خدها " : اففففف ملل .. الحين بتخلي وحده علة تشرح ليي
شوق " تطلع لها لسانها " : تستاااهلين .. احد قالج تلعبين وما تنتبهين
اسماء : اسمع من يتكلم .. سكتي ولي يعافيج

ووسن اتقرب من جهة شوق واسماء ..
وسن : قومي افندم اسماء اشرح لج الدرس ..
اسماء " تفرح .. وتوقف بسرعه " : صج انتي بتشرحين ليي
شوق " تتدخل " : تره اسماء قالت اكيد بتخلي المعلمة وحده علة تشرح ليي .. يعني انتي علة
اسماء " تصك فم شوق " : لالالا .. ما عليج منها .. انه ما كنت ادري من الي بيشرح لي من جدي قلت علة .. يعني ما اقصدج
وسن : انزين انزين .. ما قلت شي الحين انه .. يالله تعالي اهناك اشرح لج
اسماء " تلحق وسن من غير ماتاخد كتابها " : يالله جيت
وسن " تلف لها " : وين كتابج ؟
اسماء " اتفهي " : ها ؟ .. اي صح وينه ؟ .. " وتضرب جبهتها بغباء " : ايي نسيته .. بروح اجيبه
وسن " بملل من اسماء " : روحي روحي
اسماء تضحك في ويها .. وتسرع لطاولتها وحملت اكتابها .. ووسن قعدت مكانها .. وراحت اسماء قعدت جنبها .. وفاطمة قعدت مكان اسماء ..
وسن : ممكن اعرف شحقه ما نتبهتي لتيجر
اسماء " تحك جبهتها " : كنت ازين طاولتي
وسن : حلاتج والله .. يالله فتحي التمرين وقولي شنو موب فاهمة
اسماء : ولا شي فاهمة
وسن : لا حول ولا قوة .. انزين انتبهي وياي .. تعرفين حروف العلة ؟
اسماء " بذكاء " : اي اي ..
وسن : قوليهم
اسماء : الألف والواو والياء
وسن : لا ما شاء الله عليج عارفتهم .. اصفق لج
اسماء " تهز راسها بفرح " : نعم نعم .. ادري شاطرة
وسن " بجدية اكثر " : اسماء احنا في حصة انج موب عرب ... وحروف العلة مال الأنج غير عن العربي .. لا تتهيبلين
اسماء " حست بان وسن عصبت عليها " : اي ان شاء الله . انزين شرحي ليي كامل .. لأني موب عارفه شي
وسن : اوكي انتبهي
وبدت وسن تشرح ل اسماء .. واسماء مرة كانت تضحك .. ومرة كانت تنتبه .. وسن في البداية عصبت .. بس تالي فرحت ... وواصلت الشرح مع الضحك والسوالف .
وسن : خلاص فهمتي
اسماء " تمثل دور الي تعيد الشرح في ذاكرتها وتبس بس " : اذا جدي جدي جدي . اي اي فهمت
وسن : اكييد ؟
اسماء " بأبتسامة " : اكيدين
وسن : يالله تيسري على مكانج
اسماء " تمد برطمها " : شنو خلاص اروح مكاني
وسن : اي كملت شرح
اسماء " ترفع حجاتها وكأنها اكتشفت اكتشاف خطير " : عيل بقولج .. ممكن اتعيدين ما فهمت
وسن " اكتشفت لعبة اسماء " : لا حبيبتي فهمتي .. بس تبين تقعدين .. يالله قومي .. ما تقصين عليي
اسماء " تتصنع العصبية " : اوكي .. " وترجع مكانها "
المعلمة : اسماء
اسماء " بملل .. تكلم شوق " : افففف تراها لوعت جبدي دي .. شتبي بعد .. "وتوقف للمعلمة " : yes .. teacher
المعلمة : تعالي .. take this baber .. and answer .. بجوفج جان فهمتي
اسماء " بصوت مسموع " : ولييه صج بلشه .. " وترفع من صوتها ": اوكي تيجر
وتروح للمعلمة وتاخد الأوراق من عندها ... وتبداء تنفد الكلام الي شرحته لها وسن .. وحلت الأوراق .. وسلمتهم للمعلمة .. ورجعت مكانها ..
المعلمة " تصحح الأوراق ومو مصدقه " : اسماء انتي حالتهم بروحج
اسماء " بأبتسامة " : ايي .. شرايج ؟
المعلمة : برافو .. كله صح .. زين يعني وسن تعرف تشرح .. يالله اشكريها
اسماء " الحظة لي كانت تنتظرها .. وابتسمت ابتسامة عذبة لوسن " : thanks very much وسن
وسن " بأبتسامة حلوة " : welcome any time حاظرة لج
اسماء " تغمز لها وتقعد على كرسيها "

شوق تلاحظ فرحة اسماء لمن تتكلم مع وسن
شوق : ممكن اسئلج سؤال خاص يعني
اسماء : اي عادي اسئلي .. انتي رفيجتي
شوق : شحقه انتي لمن تكلمين وسن ... جأنج رايحة الجنه
اسماء " بمشاعر جياشه " : لأني احبها .. اهي الوحيدة الي دخلت قلبي من اول مقابلة .. وفوقها اكثر وحده تعزني اهي .. واكثر وحده تهتم لي .. شلون ما تبيني ابادلها بنفس الشعور ..
شوق " حست بمدى الحب الكبير الي تكنه اسماء لوسن " : امم .. ووسن تستاهل انج اتكونين رفيجتها .. صراحة اهيا واايد طيبة
اسماء " بأبتسامة " : اي وهاي الشي بعد يخليني اتعلق فيها اكثر ..
شوق " ترفع يدها للسما " : الله يخليكم لبعض .. يااارب
اسماء : يارب
.
.

وتمر الحصتين ..وتبداء بداية الفسحة ..
اسماء " تطلع ثيابها من الجيس "
فاطمة " اتعجل على اسماء " : يالله اسووم سررعي ..
اسماء : اي كاني كاني .. تعاالي وين فانيلتي .. في الخزانة في الصالة ؟
فاطمة : اي يالله امشي ناخدهم .. وانبدل في الحمام
اسماء " تحمل ثيابها " : يالله سرينا

ونزلوا الثنتين يتجهزون لبداية مباراة كرة سلة .. واكثر مباراة مهمة ل اسماء .. لأنها بتكون ضد فريق جاهزيتهم وقوتهم تتشابه معاهم .. بس فاطمة كانت اقل توتر .. لأن مريحة الي راح تقود الفريق اهي اسماء ..
اسماء " تعدل من شعرها امام المراية " : يااارب الفوز ان شاء الله
فاطمة " تطالع شعر اسماء " : شرايج اتفلين شعرج اليوم ؟
اسماء " تستغرب .. وترفع حجاتها " : شحقه ؟
فاطمة : تغيير موديل لا اكثر .. " وتغمز لها " : علشان يزيدون المعجبين
اسماء : هههههههه اوكيه
وتروح فاطمة خلف اسماء .. وتعدل لها شعرها .. وطلع جمال عيونها .. وااضح .. وماهي دقايق الا سرعوا .. للملعب .. والوضع مو غريب عليهم .. من تشجيع البناات .. الي ما عرفوا جمهور احسن واكثر من جمهور كرة السلة في المدرسة ...
دخلت اسماء الملعب واهي تجري بخفه .. علشان تحمي .. ونفس الشي فاطمة .. اسماء رفعت يدها لحوراء .. وابتسمت لها .. وحوراء كانت تنطر الأشارة وزاد تشجيعها وتصفيقها مع ربعها ل اسماء ..
اعضاء فريق اسماء يحيطونها .. واسماء تبدي بكلامها : بناات .. انه ما اقلل من قوتكم ومهارتكم .. بس الفريق الي راح نتحدى ضده ماهو بسهل .. وما نقدر نستهين ابه .. فراح نلعب بكل ما نملك من قوة .. لا تضغطون على روحكم .. اهم شي الصحة .. ومو مهم الفوز .. اهم شي نطلع بصورة حلوة .. وان احنا لعبنا لعب مستواه ما نزل عن المستوى المعروف عنا .. اوكي ؟ اسوود ؟
اعضاء الفريق بصرخة قوية : اسووود
وحطوا اياديهم على بعض . وتمنوا الفوز ودعوا .. وانتشرو في الملعب ..
اسماء تنزل روحها على الأرض وتربط خيط جوتيها .. وتذكرون زهرة .. الي تهاوشت مع اسماء في اول يوم دراسي ؟ .. اهي احدى الاعبات في فريق النجوم الي بيلعب ضد فريق الأسود فريق اسماء .. تقدمت من اسماء وكلمتها
زهرة " بسخريه " : اليوم بنجوف .. من الأفضل .. يا اسوم

اسماء " توقف لها .. وبتحدي " : بنجوف ..
ومشت عنها اسماء .. واهيا تعبانة نفسيا وجسديا من خوضها للمباراة ..
وبدات الحظة الي الكل ينتظرها .. دخلت معلمة الرياضة عبير .. واهيا حاملة كرة السلة .. وبصفارتها .. بدت لحظة الحماس والمباراة ...
اسماء بحركة سريعه .. حصلت على الكرة .. وقررت انها اتكون انانية .. وتتحدى الكل وما تمرر الكرة .. وانطلقت بالكرة .. وقدرت اتطوف من الأولى ومن الثانية .. وواصلت .. ولمن قربت من السله .. رمت الكرة بكل تركيز .. وصابتها هدف .. بس ما فرحت .. وفاطمة قربت منها ومسحت على راسها ... بس اسماء ضلت شادة بنظرها .. وملامح الجدية تكسو على ويها ..
وخدوا الكرة الفريق الثاني .. وبدو يمررونها على بعض بشكل سريع .. مالحّقوا ان يمسكو الكرة من عندهم .. بس لمن زهرة حصلت الكرة .. بدت تتلاعب وتعرض مهاراتها .. بس فاطمة ما سمحت لها .. وكانت اتحاصرها .. من كل الجهات .. وتمكنت من انها تقطعها .. ولمن ركضت فاطمة بالكرة .. لحقتها زهرة وبكل قوتها ضربت متعمده بيدها يد فاطمة .. مما ادى الى اختلال في توازن فاطمة للكرة وضيعتها من يدها ... المعلمة صفرت .. على ضربة حرة لفريق الأسود .. وزادت صرخة البنات وتشجيعهم .. وفاطمة رمت الكرة ل اسماء علشان تصوبها .. لأن اسماء تقدر اتجيب الرميات البعيده عن السلة ..
اسماء خدت نفس بعمق ودعت دعوة بسيطة .. وظلت مركزة بصرها على السلة .. وكل حركات جسدها متجها لها .. وهبت نسمة ريح خفيفه .. طيرت قدلة من شعرها على جبهتها .. فشكلها واهي شادة على روحها ومركزة ومرفعه الكرة بمهارة .. كان جنان .. والكل كان متوتر .. وفاطمة نبضات قلبها ما هدت .. كانت في تسارع .. ومع صفرت المعلمة .. رمت اسماء الكرة .. والكل شد نظره يبي يعرف النتيجة .. ومع لحظة وحده الكل وقف بفرحة .. وصابتها هدف .. اسماء ما حرمت روحها من الفرحة .. ونطت ومع حركتها رفعة قبضة يدها وباستها ورمتها في الهوا ..
اسماء " تبتسم بسخريه لزهرة " : والله وفزتوا علينا ..ههههاااااااي
زهرة " بعصبية " : انتي اتنرفزيني
اسماء "ببرود " : احسن

وانرمت الكرة لفريق النجوم .. والي بدوا بالهجوم .. بس اسماء ما يرتاح لها باال والكرة مو عند فريقها .. حاولت انها تقطعها .. ونجحت .. ومررتها لفاطمة .. فاطمة تقدمت من السله .. بس زهرة كانت لها مثل المرصاد والحاجز الي يمنعها من التقدم اكثر .. فما كان من فاطمة الا ان تمرر الكرة ل اسماء .. اسماء كانت محاصره .. بس بمهارتها قدرت تتخلص من الي محاصرينها .. ولقفت الكرة .. وتقدمت من السله .. ونطت بمهارة وصوبت الكرة في السلة .. بريول وحده .. واعتمدت في نزولها انها تتثبت على ريولها اليسار .. وحست بألم وشد عضلي .. وطاحت على الأرض
فاطمة تنتبه لها .. وتترك الكرة وتروح ناحيتها : اسماء شفيج ؟
اسماء " ماسكة ريولها اليسار وتصرخ " : ريلي فاطمة .. لحقيي ..
البنات وقفوا عن التشجيع .. وتوقفت المباراة .. وتقدمت معلمة عبير منها .. وجافت ريولها ..
معلمة عبير : صادج شد عضلي
اسماء " تتألم " : موب قادرة اوقف عليها معلمة
معلمة عبير " تأمر البنات بأن يحملون اسماء بره الملعب " : شيلوها بره .. وخلو عليها ثلج
اسماء " صابتها خيبة امل .. وقهر . على انها بتتوقف عن العب .. وتوجه كلامها لفاطمة : فاطمة انتي الكابتن
فاطمة " تهز راسها بالموافقه " : اوعدج بالفووز
اسماء " تبتسم " : بجوفكم ..
وقعدت اسماء وضعها وضع المتفرجين والجماهير .. بس في مكان بعيده عن المشجعين .. والفراشات حطو لها ثلج .. وعالجوها .. وظلت ماسكة ريولها .. ومتحمسه واهيا اتجوف المباراه . بس كان ودها انها اتكملها . وتكون معاهم على ارض الملعب .. بس ما قدرت .. وتذكرت سبب الألم في ريولها .. يوم في الأبتدائي .. كانت طالعه مع بنات حاقدين عليها وكارهينها .. وما نبوهها على سيارة كانت ترجع للخلف .. فصدمت السيارة اسماء .. بس اسماء ما علمت امها وابوها . لأنهم مشغولين واذا بتقول ليهم .. بيسون مشكلة كبيرة .. فسكتت .. وتحملت الألم .. وتأكدت ان اعراض الصدمة .. بدت تظهر عليها الحين .. لأنها اتعب ريولها .. مر الموقف كا الذكرى الصعبة .. الي ما راح تنمسح من مخيلة اسماء في يوم ..
ووعت من سرحانها على صرخة البنات .. وانصعقت .. بأن فريق النجوم .. حصلوا على هدف .. بس ما زالت النتيجة لصالحهم .. واهما متقدمين .. واعلنت المعلمة نهاية الشوط الأول ..

::: مدرسة يثرب :::
الاء .. تتعمد انها تكون وره عبير " البنيه الي عجبتها " .. وتتمشى مع ربعها خلفها .. الاء لفت انتباهها ان عبير مرفعه في كلر قميصها .. فبأي طريقة تبي اتكلمها .. اتقدمت لها من وراها .. ومسكت الكلر : شخصيه .. شخصية .. ماقدر
التفت لها عبير بكل استعجاب ... بس بادلتها الاء بأبتسامتها الي توحي للطيبة .. فما كان من عبير الا انها تبادلها بنفس الأبتسامة وتمشي عنها ..

رزان " والحيرة لافتها " : تعرفيها ؟
الاء " ما زالت مبتسمة وخيال عبير في ذاكرتها " : لاا
رزان : عيل انتي شكو فيها تكلميها ؟
الاء " تلف لها بكل حماس " : بعرفها عقب يومين .. وبجوفين .. just two dayes
رزان " تدّخل ايديها في مخابي مريولها .. وترفع جتوفها بطريقة غير مبالاة " : ما عليه .. يومين ثلاثة .. شكو انه ! .. تصطفلي منج لألها
الاء " ترفع لها حاجب بعصبية " : انه اصطفل !!
رزان " تغير الموضوع " : اقول جوفي جوفي بات مان شتسوي " وتأشر "
(( تقصد ببات مان معلمة الأنج .. الي تدرسهم .. واهما سموها ببات مان .. ليش انها تلبس عباية ونقاب ))
الاء " بكره " : واااع ما طيقها .. ام ال belive me
رزان " بضحكه " : هههههههههههه مسكينة كل تبينا انصدقها
الاء " بفكاهية " : لأنها تدري انها مسيلمة الكذاب ومحد يصدقها .. من جدي تقول
رزان اضحكت بصوت عالي ...
الاء " وكأنها تتذكر شي مهم " : تعالي .. وين اسرائو ؟
رزان " موب قادرة تمسك روحها من الضحك " : مادري عنها .. ههههههه من بدت الفسحة هههههههه ما جفتها
الاء " تحك راسها بتفكير " : يـــه ! يعني وين بتروح !
رزان " توقف عن الضحك " : علمي علمج ... والله اقولج اكيد مفتحة الردارات مالتها وسمعت خبر خطير .. وواصلت على انها تعرف القصة كلها .. من جدي ما جفناها .. لأنها رجل مباحث ... اقصد wman
الاء : شدعوه !! مو لهدرجة اهي .. الظاهر مغالطه مع وكالة cnn
رزان " وكأن شي مهم لازم تعرفه " : cnn وكالة لو قناة ؟
الاء : والله مادري .. لين رحت البيت بسئل امي وبخبرج
رزان " تأيدها " :اوكي

ومضوا يمشون في الطنازة والضحك والسوالف .. الاء ما عادت تهتم لسيرة ولاء .. وتقدرون اتقولون نستها نوعاً ما .. والي غطي على تفكيرها شلون انها تقدر تتقرب من عبير .. وترافجها .. هاي الشي الي كان عقلها شغّال بس عليه !!

::: مدرسة عائشة :::
في الملعب بدا الشوط الثاني .. بس هّم اسماء الشد العضلي يمنعها من انها تلعب كرة سلة .. فكانت قاعده وكأنها لاعبة احتياط تنظر للعب ... والتوتر غالبها . وما كان مخها فاضي لأي شي ثاني .. غير انها تنظر ساعة اعلان المعلمة لفوز فريقها ..

مع هذا البنات ما قل تشجيعهم .. مع انهم كانو متأسفين على اسماء انها ما تلعب .. لأنها لو لعبت . لكانت المباراة اعلى في الحمااس ..
حوراء تحاول انها تتخلص وتطلع من بين تجمعات البنات .. لتتقرب من اسماء ..
اسماء الي كانت قاعده صوب البنت الي تكتب النتيجة .. وريلها الي صادها شد مادتها اما الثانية فكانت جافستها .. وسانده ويها على يدها .. وما تلف بنظرها غير للبنات واهم يلعبون ..
حوراء قدرت تتخلص .. وتتقرب من المكان الي قاعده فيه اسماء .. وقعدت صوبها من غير ما اسماء اتحس لها ..
حوراء " تحم حم علشان تنتبه لها " : احم . احم
اسماء " تنتبه لصوت غريب .. يجي من صوبها .. وتلتف " : انتي ؟
حوراء : اي انه . ليش غريبة ؟
اسماء " مرة تنظر للملعب ومرة تنظر لها " : لا .. بس ليش جيتي من بين البنات الي يشجعون .. وقعدتي اهني .. اهني ما يقعدون الا الاعبات موب المشجعات
حوراء : لاتخافين .. محد انتبه لي ومعلمة عبير مشغوله في التحكيم .. فما راح تطردني من المكان
اسماء " مسيطرة نظرها على الملعب وما تلف لها " : اها
حوراء " تمسك راس اسماء بيدها . وتلف لناحيتها " : يعني حتى وانتي ما تلعبين .. مبققه عينج اهناك
اسماء " تطالعها بتمعن " : لأن فريقي الي يلعب موب فريق عادي
حوراء : ولو .. انه ابصم لج ان انتو بتفوزون
اسماء " التوتر واضح عليها " : النتايج متقاربة .. ويقدرون يتعادلون معانا ويفوزون
حوراء : في احلامهم
اسماء " تطالعها من طرف عينها " : تدرين انج عطلتيني و وقفتي تفكيري
حوراء : اوكي .. بس ما بتحرك من مكاني .. وبتم ساكته جوفي " وتحط يدها على فمها "
اسماء " تبتسم لها وتنظر للملعب .. وتوجه بعض التعليمات لفاطمة .. وفاطمة تنقلها للباقي "
اما حوراء فكانت مركزة نظرها على ملامح اسماء .. وتتمعن فيها ..
وبلحضة وحده صرخت اسماء والبنات بصوت فرحة .. على انهم فازو وانتهت المباراة
حوراء كانت الصرخة مثل منبه الساعه الي وعاها من لحظة نومها وغفوها .. ونطت نطت فوز وفرح مع البنات ..
تقدمت فاطمة من اسماء .. واسماء بأعتمادها على ريلها اليمنى قدرت توقف لها .. وحظنوا بعض .. وكان مثل المشهد السينمائي ..
حوراء استغلت الفرصة .. وجافت ان كل وحده من اعضاء فريقها تتقدم من اسماء وتحضنها .. اهي بعد صفت روحها من ضمنهم ..
اسماء " بملل " : اففففف وانتي شصفج معاهم ؟
حوراء " تضحك بنعومة " : ههههههه .. يعني ممنوع ابارك لج الفوز
اسماء " ابتسمت لها " : امبله يصير
وحوراء حضنت اسماء بكل فرحة .. وظلت لفترة طويلة نسبيا ً .. ومسكت يدها وباستها ..
اسماء " سحبت يدها بسرعه .. واستغربت " : شفيج ؟
حوراء " بكل حب " : احبج اسماء .. والله العظيم
اسماء : ماله داعي انج تحلفين
حوراء " تنظر لها بترجي " : علشان اتصدقيني
اسماء " تعطيها ظهرها " : مصدقتج .. عن اذنج بروح لربعي .. بااي
واتجهت اسماء لوسن تتكلم معاها وتسولف ..
اسماء " تقعد بالقرب من وسن .. بعيد عن ضجة البنات . بالقرب من المقصف .. على الكراسي المظللة " : هاي
وسن " من غير ما تنظر لها " : هايات
اسماء " والفرحة واضحه على ملامحها " : جفتي المباراة ؟
وسن " من غير نفس " : اي .. على العموم الحمدلله على سلامة ريولج
اسماء : الله يسلمج ... " وتستغرب " : علامج اتكلميني من طرف خشمج ؟
وسن " تنظرها لها بعصبية " : سئلي روحج
اسماء " منصدمه " : اي سئلت روحي وما عرفت الجواب .. اي قولي ليي علشان اعرف ادافع عن روحي
وسن : يعني تعترفين انج مسويه شي .. ومن جدي تبين ادافعين عن روحج
اسماء " موب مستوعبة ولا كلمة من الي تقوله وسن " : علامج صرتي ليي المحقق كونان .. اتحجي خليني افهم يـــــــه !!
وسن " توقف وتواجه اسماء بكل عصبية " : شكنتي اتسوين مع حوراء ؟
اسماء " اتجمدت من سؤال وسن .. وظلت قاعده مكانها وموب عارفه شنو اجاوب "
وسن " بعصبية اكثر " : ردري لا ؟!
اسماء " تتصنع الأعذار " : انتي جفتيني انه قاعده مكان الاعبات المحدد .. واهيا قدرت انها تخلي معلمة عبير ما تنتبه لها وتقرب مني .. وقعدت صوبي
وسن : وبعدين ؟
اسماء : شنو بعدين ؟ خلاص قامت لي تهدر .. بس انه كنت اعطيها اجوبة مختصرة
وسن : عن شنو تتكلم ؟
اسماء : عن المباراة .. واذا احنا بنفوز او لا
وسن : وعلى نهاية المباراة
اسماء " ترفع جتوفها " : نطت حالها حال البنات .. وقامت اتصفق بالفوز
وسن " بعصبية تحرك يدها " : وبعدين ؟
اسماء : حضنتني
وسن : وصلنا خير .. شحقه تحضنيها ؟
اسماء : انه ما كنت ابي .. بس قدام البنات فشله .. اضطريت اني احضنها
وسن " تطالع اسماء بتمعن " : المشكله اني اصدقج
اسماء " تبتسم لها بحلاوة " : هاي احسن شي
وسن " بطريقة تهديد ": بس ان جفتج مرة ثانية معاها واقفة او تتكلمين .. انسي انسانه اسمها وسن
اسماء : اوكي .. افا عليج بس .. " وتكلم روحها بصوت مسموع " : الحمدلله انها ما جافتها واهي اتبوس ايدي
وسن : شقلتي ؟
اسماء " توضع شعرها خلف ادونها " : لا ولاشي .. بس اقول شرايج اليوم وانه فاتحة شعري
وسن " تنظر ل اسماء " : كيووت
اسماء : انزين تعالي .. تعالي بس قعدي .. عورتي رقبتي وانه مرفعه راسي لج .. ايي انتي بعد اكبر مني واطول مني .. قعدي بس
وسن " تمتثل لطلبها وتقعد " : انه موب اكبر منج .. وموب عيوز
اسماء : تعالي انتي اطول مني ؟
وسن " بتفكير " : لا نفس الطول تقريبا ً
اسماء : اوه الحمدلله .

ويطق جرس نهاية الفسحة ....

::: في مدرسة يثرب :::
صف الاء ::
الاء الأبتسامة ما غابت عن ويها ..
اسراء " تقعد على الكرسي بتعب .. والأستغراب على ملامحها " : اووه من وين طالعه الشمس .. الاء عندها ابتسامة واحنا ماندري ؟!
الاء " بحالميه ": كل يوم راح اتجوفين دي الأبتسامة .. وما راح تفتقدينها
اسراء " مستغربة من حال الاء " : وما السبب في ذلك ؟
الاء " تخط بالقلم على طاولتها اسم عبير " : عبير وما ادراك ما عبير
اسراء " تحس روحها ضايعه " : ايي منو عبير دي ؟
الاء : تذكرين ديك البنيه الي راويتيني اياها . وقلتين اهي كيوت ومن ثاني اعدادي .. الي غيّرت مزااجي
اسراء " تتذكر " : اي اي شفيها ؟ .. " وكأنها اكتشفت السر " : اهي اسمها عبير ؟
الاء " تهز راسها بأبتسامة " : اييي .. ويلي عليها ماقدر .. بمووت منها
اسراء " مو مصدقه الاء " : الاء .. الاء اصحي اصحي .. شفيج خرفتي ؟
الاء " تنظر لأحد زوايا الصف " : انه صاحيه وعاقله .. بس الا ماقدر انام الليله .. الا اذا صارت رفيجتي ..
اسراء " توقف الاء معاها .. لدخول المعلمة الصف " : مينونه ما تنلامين
ووقفوا للمعلمة .. والمعلمة سلمت على البنات ..وقعدوا اماكنهم ..
المعلمة : افتحوا درس اليوم واقروه .. على طول ما اصحح دفاتر البنات
البنات " بصوت واحد " : ان شاء الله
الاء " تفتح على الدرس بملل " : هاي كل مسويه روحها بيزي ..
اسراء : انزين شرحي الدرس وفكينا .. شحقه نقراه ؟
الاء : تبي اتعبنا موب عارفه اشلون
اسراء " تبحلس على المعلمة .. من غير ما تنتبه لها المعلمة " : مالت عليج .. سبااله
الاء " تقلد على المعلمة في حركاتها " : وييييييع .. ولا تغير من حركاتها .. جوفيها شلون تقعد .. مينونة خالصة
اسراء : يبي ليي اسوي عمل خيري في حياتي .. واتصل لمستشفى الميانين ابلغ عنها

الاء " تأيدها " : اي اي ضروري .. على الأقل اتحصلين لج على اجر .. لأن انتي كل ذنوب عندج
اسراء : اي عدل .. بتصل

في حين المعلمة انتهت من تصحيح الدفاتر ...
المعلمة " تدور بنظرها حوالي البنات " : بنات من تروح صف ثاني اعدادي 10 تودي دفاترهم ..
الاء " تنط وترفع يدها " : انه معلمة .. انه
اسراء " اتكلمها بصوت منخفض " : ايا الخااينه .. تخليني وتذلفين
الاء " تتحرك من مكانها " : اهم شي اشرد من حصتها .. مو مهم انتي " وتطلع لها لسانها "
واتجهت لناحية المعلمة وحملت الدفاتر .. وطلعت من الصف .. واهي محتارة
الاء " تدور بنظرها على المدرسة " : الحين وين دي الصف ؟ اول مرة اسمع ابه !
وقررت انها تتجه ناحية المبنى الثاني في المدرسة .. وبعد فترة من البحث حصلت عليه .. وشكت بأن الصف الي راح تدخل فيه .. هو نفس الصف الي دخلت فيه عبير يوم اول مرة جافتها .. ففرحت وطقت باب الصف ودخلت ...
الاء " بأدب " : السلام عليكم
الجميع : وعليكم السلام
الاء " تتقدم من المعلمة .. وتوضع دفاتر البنات على الطاولة " : معلمة هاي دفاتر البنات .. " وتلف ويها نظرة عابرة للبنات .. وانتبهت لعبير جالسة على كرسيها وواضعه ريل على ريل مثل الأميرة .. ابتسمت لها الاء .. وتمنت لو انها تنظر لها .. وبالضبط . رفعت نظرها عبير ل الاء .. وانصدمت بها ..
الاء مازالت مركزة نظرها على ملامح عبير .. وتحركت من مكانها متجه لناحية باب الصف .. ولأن نظرها مع عبير .. صدمت في الباب .. وتألمت ..
عبير ضحكت عليها بنعومة ..
الاء " تتألم " : آآي .. آآي
المعلمة : روحي غرفة التمريض ... علشان يعالجونج
الاء " تمسك بيدها مكان الضربه في جبهتها " : اوكيه
وطلعت من الصف .. واهي تلوم حالها .. على حركة الغباء الي اتصرفتها ... واكدت لعبير مدى هبالتها .. اتجهت لغرفة التمريض متخدتها سبب علشان تتأخر اكثر على الحصة .. دخلت غرفة التمريض .. وشرحت للمعلمة الوضع .. وعطتها قطعه ثلج في شاش ..
الاء حطت على جهتها وطلعت من الغرفة .. متجها لناحية صفها ..
وصلت صفها .. ودخلت
المعلمة " تنظر لها بتمعن " : شحقه متأخره ؟
الاء : معلمة انه وديت الدفاتر الصف .. وفي طلعتي رقعت في باب صفهم .. وما قدرت .. رحت غرفة التمريض .. حتى كا جوفي هاي الثلج والشاش
المعلمة " تصدقها " : انزين ردي مكانج
الاء " تغلق باب الصف خلفها " : ان شاء الله

::: مدرسة عائشة :::
: صف اسماء :
معلمة العربي تتحدث مع البنات بشأن الأحتفال بمناسبة العيد الوطني ... واسماء موب عاطيه اي اهتمام للمعلمة .. ومفتحه دفتر المسودة للعربي من وره وتكتب شعر .. لوسن .. ومندمجة في التأليف .. وفجأة سمعت اسمها ينطري ..
نقزت من مكانها ووقفت مرة وحدة متخربطة : شفيني ؟ شسويت ؟
معلمة العربي " تعدل من نظارتها " : ما عليه اتمثلين .. في المسرحية
اسماء " تنصدم " : انه امثل ؟ اي مسرحية دي ؟
معلمة العربي " مستغربة من اسماء " : شفيج انتي ؟ موب في الصف ؟
اسماء " تتبلعم " : ها اي امبله في الصف .. انزين اي دور بمثل ؟
م . العرب : البنات قالوا انج انتي رومانسية واايد وعليج ابتسامة حلووة .. بنخليج دور الولد محمد .. الرومنسي والحلو ..
اسماء " ترفع حواجبها بأستغراب " : البنات قالوا عني جدي ؟ المتى
م . العرب : شكلج مفهيه .. هونا ما نبيج
اسماء : لالا معلمة شنو ما تبيني .. انه اتهيبل ما عليج .. خلاص معلمة موافقة ائدي الدور
م . العرب " تفرفر في اوراقها المنتشرة على الطاولة " : تعالي اخدي النص وحفظيه
اسماء : والمتى معلمة راح ندرب
م . العرب : باجر في الفسحة
اسماء " تحك جبهتها " : اهوا المتى العيد الوطني ؟
شوق " تدز اسماء " : انتي هبله ؟ ما تعرفين متى العيد الوطني لبلادج
اسماء " تطالع المعلمة " : اي اي اذكرته صح
م . العرب " بجدية " : جوفي اسماء لين بتسوين لنا هالحركات في المسرحية ما نبيج
اسماء " توقف بجدية " : لا معلمة ..بثبت لج باجر في التدريب .. شلون ما بوهقج .. وبسوي لج شغل عدل .. واحسن مسرحية .. في المدرسة كلها
م . العرب " تقعد على كرسيها " : اي بنجوف ..
اسماء " تكلم شوق بصوت منخفض " : اقول .. المتى العيد الوطني .. لا توهقيني موب حافظته
شوق " تصفق بيديها " : وليه انتي صج ميييييح .. تاريخ 16 .. حفظيه
اسماء " تكرره بشكل سريع " : 16 .. 16 .. 16 .. 16 .. اي حفظته
شوق : الحمدلله
اسماء " تحوس في اذونها دليل على الأحراج " : اقول شوقي
شوق : نعم ؟
اسماء " تمد لها ورقه مجفسه " : ممكن تعطيها وسن .. توصلينها لها
شوق " تاخد الورقه " : انزين
اسماء " تبتسم لها بعذوبة " : شكراا .. يا احلى رفيجة
شوق " مدت الورقه لوسن " : ماقدر .. صج مصلحة
اسماء : افاا .. انه مال مصلحة
شوق : لا سلامات
اسماء " تغني بصوت منخفض " : حبيبي مو على بعضك علامات . سلامات
شوق " ترفع لها حجاتها على صوب " : ماقدر عليج .. ما ينلامون البنات .. لين حبوج ..
اسماء " بدلاعه " : ادري .. ادري .. اقدر شعورج تجاهي

بينما وسن فتحت الورقة .. بكل شوق .. تبي تعرف شكتبت لها اسماء .. وكان مكتوب فيها .. بخط حلو ومنسق :: لمن جافج قلبي .. قال لالا هاي مو من قدي .. بس بسمتج خلت عنده تحدي .. وقال احبج ولو الدنيا كلها ضدي .. انتي دخلتي قلبي و مسحتي جروحي .. فما راح تلاقين غير الحب في عيوني ::
وسن .. ظلت مركزة عينها في الورقه .. وبالتدريج يتورد خدها .. وتنغلب على ملامحها الخجل والحيا .. ولفت بويها ناحية اسماء .. واسماء انتبهت لها .. ولفت براسها دليل على شنو رايها في الشعر البسيط .. وبصوت وسن الغالب عليه الحيا .. والفرحة والنعومة : شكرا ً
اسماء " تلف بنظرها لناحية المعلمة تتأكد من انها موب منتبها لها .. وترد لها بنظرها " : عفوا
وبدأت معلمة العربي تشرح الدرس ..
.
.
.
وبعد ساعات قليلة .. ينتهي الدوام المدرسي في كلا المدرستين ..
: بيت اسماء :
اسماء تدخل البيت .. معتمده على قدمها اليمنى اكثر من اليسرى .. وكانت تعرج بشكل واضح .. والشد مألمها .. توجهت لأحد الكنب في الصاله وقعدت عليهم
اسماء " بصوت عالي نسبيا " : نيو. .. نياا وصمخ
الخدامه نيا تروح لها : نعم .. ايس يبي
اسماء : روحي جيبي ليي ماي .. تعباانة حدي ماقدر اوقف .. حركي بسرعه
الخدامه " تحرك لها يدها بتكبر " : انت في تعب .. انا سكو في انت
اسماء " تطالعها بأستغراب شديد " : شنو انتي شكو .. ذلفي يالله جيبي لي ماي .. لا اسبحج اهني ..
الخدامه " تمشي عنها بتذمر " : انزين انزين .. انت وازد ايسوي قرقر

اسماء " تعض على شفتها بعصبية " : ذلفي لا بارك الله فيج .. " وتكلم روحها بصوت مسموع " : حشا .. موب خدامه .. اتناشبني منااشب .. طله عليها ..
وتجي لها الخدامه بكاس الماي .. وتمده لها : هاذي اخر مرة .. مرة ثانيه انت روح بروحك
اسماء " تطالعها من تحت عيونها " : اي ما عليه يصير خير .. ذلفي يالله فجي
وترجع الخدامه للمطبخ .. بينما اسماء اتجهت لغرفتها واهي تعرج .. وتسحب قدمها بصعوبه ..
.
.
بعد فترة طويلة نسبيا .. على الغذاء
اسماء تدخل غرفة الطعام واهي تعرج .. وانصدمت بأبوها قاعد ومتواجد على وجبة الغذاء .. وقالت في روحها : الله .. الله يستر ... الشمل مشتمل .. اكيد في بلوة

ابو اسماء يمعن النظر في اسماء .. وينتبه إلى ان مشيتها غير طبيعيه ...
اسماء تقعد على كرسيها المحدد بكل هدؤ .. وتبدي في الأكل ..
ابو اسماء : شفيها ريلج
اسماء " تغص .. وتكح .. ويمد لها كاس ماي .. وتشربه " : ماكو .. شد عضلي بسيط ..
ابو اسماء : ليش ؟ شمسويه .. علشان صادج الشد
اسماء " تحوس بالملعقه في صحنها " : كنت العب كرة سلة
ابو اسماء " بعصبية " : انه ما قلت لج لا تلعبين ؟ شحقه ما تسمعين الحجي ؟
اسماء " تطالع ابوها بخوف " : يبا .. ما لعبت الحين انه بره المدرسة .. هاي مباراة داخليه .. داخل المدرسة .. يعني عادي
ابو اسماء " يقط الملعقه الي في يده بعصبية " : كرة السلة ما بيج تحمليها .. بره المدرسة داخل المدرسة .. ماكو يعني ماكو
اسماء " كان كلام ابوها مثل السهم الي تصوب ناحية قلبها وجرحها " : شنو يبا .. تحرمني من العبة الي احبها ؟!
ابو اسماء : لين كانت لعبة عدله ما عليه
اسماء " تتناقش معاه بعصبية " : شنو يعني لعبة عدله .. شي طبيعي ايصيدني شد .. ليش اني فترة ما حركت ريولي ..
ابو اسماء " بحكم " : سبق وقلت لج .. من السنة الي طافت لا تلعبين .. خلاص انتهى .. ومن باجر تقولين لمعلمتج ما راح تلعبين لا مباريات داخليه ولا خارجية .. فاهمه ؟
اسماء " ترد طلب ابوها " : ما قدر اقول .. استحي .. انت قول لها
ابو اسماء : موب متفرغ لج انه .. اروح المدرسة
اسماء " تعطيه حل " : على الأقل رسالة اوصلها لها
ابو اسماء " يبلع القمة الي احتلت مكانه في فمه " : خلاص .. انه لين كتبتها بجيبها لج الغرفة ..
اسماء " والعبرة خانقتها ": اوك
وتقوم اسماء من على الطاولة
ام اسماء " تنظر لها " : ها .. شبعتي ؟
اسماء : اي شبعت .. الحمدلله
وتتجه لغرفتها .. والدموع بدت تنهمر على خدها .. وسلمت روحها للبجي .. ودخلت غرفتها .. ورمت بروحها على سريرها .. بكل الم وحزن .. على الحكم الي ابوها صدر عليها .. ومنعها من اهم شي تعتبره في حياتها ...
.
.
.
وفي اليوم التالي
:: مدرسة يثرب ::
الاء تمسك يد اسراء .. وتطلع بأسرع ماعندها .. متجها لصف عبير .. ( ثاني اعدادي 10 ))
اسراء " تخفف من الركض " : انزين .. صدقيني بنلحق عليها ... والله ابصم لج ان اهي للحين ما يات المدرسة
الاء " تمسكها مرة ثانيه وتركض " : ما عليه ما عليه .. ركضي انتي ولا عليج

ووصلوا للصف .. وحثت الاء اسراء على انها تقعد بجانبها .. وقعدوا على الأرضية .. بعد ما تربعوا ..
اسراء " تتأفف .. وتحرك يدها امام ويها .. علشان تحصل على بعض الهوا " : ياختي حرر .. والله حرر .. حرام عليج .. حسي فيني
الاء : مو جأنج صجيتيني .. ياخي انجبي .. خليني اركز في الحجي الي بقوله لها
اسراء " تضرب بيدها على ركبتها " : مادام ما تبين ازعاج .. شكو انه ساحبتني معاج
الاء " تطالعها بحلاوة " : لأنج انتي رفيجتي .. ولازم اتصاحبيني في كل مكان وزمان
اسراء " تتحلطم " : ابتلشت ليش انج رفيجتي
وفي هالحظة .. تجي عبير بمريولها القصير للركبة .. وشعرها الي مرفعته لفوق .. ومثبته شنطتها على كتف واحد .. وتمشي بنعومة ..
الاء وقفت من مكانها .. واهي ماتحس بدقات قلبها .. كانت اسرع من سرعه القطار نفسه .. ووقفت معاها اسراء ..
عبير .. انتبهت لها وناظرتها .. وابتسمت .. الاء رسمت البسمة على ملامحها واتقدمت منها .. ووقفت مقابله لها ..
الاء : هاي عبير
عبير : هايات .. تعرفين اسمي ؟
الاء : اي
عبير " تستغرب " : من وين ؟
الاء : معلومات خاصة " وتغمز لها "
عبير " ترفع لها حواجبها " : اهاا
الاء " تشابك في اصابع يديها " : ممكن تعطيني ايميلج ؟
عبير : ليش
الاء : ابي اتعرف عليج اكثر .. ونكون رفيجات
عبير " تفكر " : امم .. اوكي .. بس ادخل شنطتي الصف .. كسرت ظهري .. وبكتبه لج وبايي
الاء " تبتعد عن دربها " : take your time

اسراء " تنظر لوين ما عبير دخلت الصف واختفى اثرها .. ولفت ويها " : ويي كلش عاادي عندها .. " وتقلد عليها " : بس ادخل شنطتي الصف .. كسرت ظهري .. وبكتبه لج وبايي
الاء " تضربها على جتفها " : عن البياخة بليز
اسراء " ترجع لصوتها الطبيعي " : ان شاء الله .. بس فكينا ..
الاء " تدزها ليش ان عبير طلعت من الصف وحامله في يدها ورقه مجفسه .. وتمدها ل الاء " : تفضلي
الاء " تاخده بسرعه وتغيبة في مخبا مريولها " : شكرا
عبير : الا انتي شنو اسمج ؟
الاء : اسمي الاء
عبير : اها ..
الاء " تبدا في الحركة من مكانها " : يالله اخليج الحين .. بااي
عبير " تنظر لوين اتجاه الاء " : بايات

::: مدرسة عائشة :::
اسماء حامله ظرف الرسالة بتوتر .. وهي تنظر لفاطمة المصدومه من الخبر الي سمعته من عندها
فاطمة "بحزن " : يعني خلاص .. ما راح تلعبين .. ما راح احد يكون معاي ..
اسماء " تمسك يديها " : غصباً عني مو بيدي
فاطمة : شلون نفوز .. تالي محد بيشجع فريقنا .. انتي الكابتن
اسماء " تحصر الدمعه في وسط عينها وتمنعها من انها تنزل على خدها " : لو بيدي .. جان ما بتعدت عن الفريق ولا لحظة .. وتظنين اني فرحانه .. والله اتعس لحظاتي الي بعيشها الحين .. من دون لمسي لكرة السله ..
فاطمة : المعلمة ما راح توافق انج تطلعين

اسماء " محتارة " : ادري والله ادري .. بس ما تقدر اتسوي شي .. ولا تقدر حتى تقنع ابوي .. اعرفه انه ابوي .. لين قال شي وصدر حكمه .. خلاص مستحيل يتراجع عنه .. ولو شنو صار
فاطمة " ضايق خلقها " : وليييه .. شحقه قلتي ليي والله ضيقتي خلقي ..
اسماء " توقف من مكانها .. وكأنها لين غيرت مكانها يمكن تنسى لحظة فراقها عن اثمن شي بحياتها " كرة السلة " : اقول .. امشي معاي .. اوصل الرسالة للمعلمة
فاطمة " تدز الكرسي بضيق للخلف .. وتوقف " : يالله
ونزلوا مع بعض .. للصالة الرياضية .. ودخلوها بهدؤ
فاطمة واسماء : السلام عليكم
م . عبير : عليكم السلام
اسماء " تبي تحور في الموضوع " : شخبارج معلمة ؟
م . عبير : الحمدلله .. وانتي شخبار ريلج
اسماء : اقدر اوقف عليها ..
م . عبير : يالله بالسلامة
اسماء : الله يسلمج
م . عبير " حست بأن اسماء فيها شي .. لأن التوتر كان واضح عليها .. وكانها خافيه سر كبير .. وما تبي احد يعرفه " : اسماء .. فيج شي ؟
اسماء " تتبلعم " : ها .. اي .. " وتتقدم من المعلمة " : معلمة هاي رسالة اقريها من عند ابوي
م . عبير " تستغرب وتمسكها " : وشنو فيها ؟
اسماء : اقريها وجوفي
م . عبير " تفتح الظرف .. وتبداء بقرأة الرسالة .. وشوي شوي تغضب بحواجبها .. وتشد بمسكتها على الورقه .. وترفع راسها " : شنو دي ؟ من صجج ؟
اسماء : غصبا عني . ابوي موب راضي
م . عبير : حتى الداخليه ؟
اسماء " بأسف واضح " : حتى الداخليه
م . عبير " محتارة وما كان في يدها غير انها تتقبل الأمر " : اوكي .. خلاص براحتكم
اسماء " تبي تهرب من اي شي يذكرها بكرة السلة " : عيل اخليج معلمة .. يالله فاطمة مشينا
فاطمة " تمشي خلفها " : يالله

وطلعوا الثنتين من الصالة ... وطق جرس الطابور الصباحي ..

::: في مدرسة يثرب :::
قررت شلة فمويز " شلة ولاء " انهم يبقون مع بعض .. ويهربون من الطابور وما يحضرونه .. ومع بداية الطابور .. تمكنت المشرفه من انها تكشفهم .. وحست لوجود شلة متجمعه في احد زوايا المدرسة .. واتجهت لهم
شلة فمويز .. انتبهوا للقصف الي راح يصيدهم .. فما كان منهم غير ان يخّلفون وراهم غبار شردتهم .. ما عدا ولاء ظلت واقفه مكانها ..
المشرفه تقدمت من ولاء : شحقه ما شردتي معاهم ؟
ولاء " بكل ثقه " : شحقه اشرد .. ليش جايفه قدامي شبح .. او اني مرتكبه جريمة قتل ؟!
المشرفه : تعجبني الثقه الي عندج
ولاء " بفخر " : شكرا
المشرفه : بس الحين تروحين صفج في الطابور .. والفسحة اتجين ليي انتي وشلتج .. اتفاهم معاكم
ولاء " تمتثل لأمر المشرفه " : ان شاء الله

وتروح ولاء وتصطف في الطابور مع صفها .. واهي ما تدري عن اي خبر عن شلتها وين شردوا .. ولأي مكان اتجهوا ..

::: بينما في مدرسة عائشة :::
اسماء تتلفت في ويوه بنات صفها .. وتكلم شوق بصوت منخفض : هي انتيي
شوق " تنتبه لها " : شنو ؟ شتبين ؟
اسماء : وين وسنو ؟ ما يات ؟
شوق : لا ما يات .. الظاهر غايبة
اسماء " تصيدها خيبة امل " : اهاا

ويكمل الطابور .. ورجعوا البنات على صفوفهم .. واسماء المحترقه في قلبها من سببين .. السبب الأولي حرمها من لعب كرة السلة .. و السبب الثاني غياب وسن عن المدرسة .. الي اسماء مادرت بأنها راح تغيب

.
..
.
.
في الفسحة وبعد مرور الثلاث الحصص الأولى ..
اسماء تتجه حامله اوراق النص للمشهد الي راح اتمثلها .. للصالة علشان تتدرب على المسرح مع البنات ..
دخلت الصالة .. مع اتكالها على قدمها اليمنى .. والألم البسيط الي تحسه في قدمها اليسرى ...
اسماء : السلام
الجميع : عليكم السلام
م العربي : ها اسماء حفظتي دورج
اسماء : اي معلمة حفظته
م . العربي " توجه كلامها للجميع " : يالله بنات على المسرح .. وبدو في التمثيل

صعدوا البنات على المسرح .. ونست اسماء نسبيا سالفة غياب وسن .. والي ما حست بالراحة لعدم وجودها معاها .. ونفس الحظة خافت لو ان وسن فيها شي ..
اسماء : الحين معلمة ما حصلتو اسم غير محمد ؟
م العربي : ليش موب عاجبج
اسماء : موب واايد
م العربي : مو مهم الأسم . المهم تمثيلج .. مثلي وبسج حجايج
اسماء : اوك

وتنغمس اسماء في الدور والتمثيل .. وكان تمثيلها روعه بمعنى الكلمة .. والمعلمة تمدحها بشكل واضح ...
اسماء " تذرف دموع حقيقية " : انتي انتي تتركيني وتمشين عني .. ليش ؟
م العربي " توقف المشهد " : ستوووب ... اسماء تعالي .. تبجين صج ؟
اسماء " والرجفه في صوتها " : اي معلمة
م العربي " اندمجت " : واصلوا المشهد .. واصلوا
اسماء " تتحرك بمهارة على المسرح " : شحقه اتسوين فيني جدي .. شحقه اتعذبيني .. هاي جزاتي الي هديتج قلبي .. هاي جزاتي ما عاملتج مثل الباقي
ايات " تمثل دور البنت الي يحبها محمد "شخصية اسماء " : خلاص .. انا لقيت الي يناسبني .. انت ما تناسبني
اسماء " تمسح دموعها وبعصبيه " : انا ما ناسبج. .. عيل ليش لمن سئلتج قلتي انه اطابقج .. وان انه الأنسان الي تبحثين عنه .. كنتي تجذبين عليي .. كل هاي جذبة من اجاذيبج
ايات " بعصبية " : ماسمح لك اتقول ليي جذابة
اسماء " تحرك يدها بعصبية " : ومناافقه بعد .. خلاص روحي عني .. " وبصرخه " : تركيني لحالي .. بعدي عني
م العربي " تقطع المشهد .. بتصفيقها " : برافوا برافو برافو .. ما كنت ادري انكم موهوبين في التمثيل .. وخصوصا اسماء وبعد بجيتي من صج .. ممثله ... بس لازم تبجين صج يوم الأحتفال
اسماء : اي معلمة .. قلت لج اعتمدي عليي .. بسويها لج خووش مسرحية . بتعجبج
م العربي : كفو والله ... اشتغلوا زين . بتحصلون درجات زينة
ويقطع سوالفهم وحديثهم عن المسرحية .. دخول زينة صاحبة حوراء
زينة " تتقدم من اسماء بحركة سريعه " : اسماء .. اسماء .. لحقي
اسماء " تنزل من على المسرح لها .. بخوف " : شنو ؟ شصاير
زينة : حوراء .. حوراء طاحت علينا والحين اهي عند المشرفه
اسماء " تتجمد اوصالها " : حوراء ؟ .. " وتذكر كلام حوراء معاها " : وينهي الحين في قلتي ؟
زينة : عند المشرفه
اسماء : اوك روحي وانه وراج
وخرجت زينة من الصالة .. واسماء التفت للمعلمة علشان تاخذ العذر .. والي المعلمة حضرت المشهد وعرفت السبب والعذر
م العربي : تقدرين اتروحين .. انتي ممتازة في التمثيل ما ظن تحتاجين واايد للتدريب .. واحنا الحين بنعيد المشهد .. فما راح يفوتج شي .. وبعد ما نكمل من الأعادة بيطلعون البنات ياكلون .. يعني لا تحاتين .. تفضلي
اسماء " بأمتنان للمعلمة " : شكرا معلمة

وطلعت اسماء تركض بخفه .. علشان ما تألمها ريولها .. ناحية غرفة المشرفه ..
طقت باب المشرفه ودخلت ..
اسماء " بصوت منخفض نسبيا ً " : السلام
المشرفه : عليكم السلام
اسماء : ممكن اجوف حوراء ؟
المشرفه : اي اتفضلي الغرفه .. اخدي راحتج حبيبتي
اسماء " تنزل راسها للمشرفه بأحترام " : شكرا
ودخلت الغرفه الداخليه لغرفة المشرفه ... وكانت حوراء مضجعة على السرير .. وباين على ملامحها التعب ..اقتربت منها اسماء بهدؤ .. وقعدت بجانبها
اسماء " تسئل زينة " : شلون طاحت ؟
زينة : كانت تمشي معاي في الممر .. ومرة وحده مسكت راسها وطبت
اسماء : كانت متضايقه الصبح من شي ؟
زينة " تتذكر " : لا كانت عادية
اسماء " ترجع شعرها لوره ": اهاا
وفتحت عينها حوراء بهدؤ .. وبدأت تحدق بنظرها للجالسين حواليها .. دققت النظر في اسماء .. ومو مصدقه : انتي اسماء ؟
اسماء " تقترب منها " : اي انه اسماء .. عدال لا تعبين روحج
حوراء " ترد براسها على المخده " : شصار لي
زينة : دار راسج وطحتي مغمى عليج
حوراء " تتذكر شوي شوي " : اهاا ..
اسماء " تبي تاخد راحتها مع حوراء " : أأ .. زينة .. اذا ممكن اتخليني معاها شوي بروحنا
زينة " توقف من مكانها " : ان شاء الله .. " وتتقرب من حوراء .. وتبوسها في خدها " : الحمدلله على سلامتج .. سي يو .. بااي
حوراء " تبتسم بهدؤ لزينة الي طلعت من الغرفه "
اسماء : واضح انها تعزج واايد
حوراء " تلف بويها ناحية اسماء " : اي عشرة عمر .. ما تنقضي بسهولة
اسماء : اها ...انزين ما كليتي انتي ؟
حوراء : لاا
اسماء : ليش
حوراء : مادري .. ماحس روحي طايقه اكل ..
اسماء : ما تطيقيين تاكلين .. تالي اتطبين علينا .. مو مهم اتطيقينه .. بس لازم تاكلين
حوراء : احاول علشانج
اسماء " تقترب منها " : على فكرة لأن وسن اليوم غايبة من جدي جيت اطمن عليج
حوراء " تعوج في فمها " : اي يعني مو لله
اسماء " تطلع لها لسانها " : ورا .. جايفتني عديمة احساس .. وحتى لو وسن يايه .. بجي لج ..
حوراء " تبي تختبر معزتها عند اسماء " : شحقه اتجين ؟ مو انتي كل تبين تتهربين مني ؟
اسماء " تتصنع " : انه ؟ المتى ؟
حوراء : مادري سئلي روحج
اسماء " تختار عذر مناسب " : حتى لو ابي اتهرب منج .. لين سمعت ان فيج شي .. اكيد بجي اسئل عنج .. وبعدين الوقت الي انه اتهرب فيه منج .. اكون مشغوله .. فما اقدر اني انتبه لج ..
حوراء : انزين .. صدقتج
اسماء " بمزح " : احسها عجبتج السالفه .. وانتي منسدحه على الفراش
حوراء " بضحكة بسيطة " : ههههه .. شرايج اتنامين معاي
اسماء : صج ؟
حوراء : اي
اسماء " ما تعطل وتبداء في خلع الجوتي عن ريولها " : اقول سوي ليي مساحة كبيرة .. ما تكفيني الصغيرة
حوراء " ترجع لوره .. وتخلي مساحة ل اسماء " : تفضلي
اسماء تنسدح صوبها .. منبطحه على ظهرها .. وتطالع السقف ... ومثل الشي حوراء
حوراء " بصوت مبحوح " : احبج
اسماء " تلف براسها لها " : وانه بعد
حوراء " تفرح " : صج ؟
اسماء " بأبتسامة " : شظنين
حوراء : صج
اسماء : بس يعني صج

::: مدرسة يثرب :::
ولاء : يالله ما بتيون للمشرفه
منار : ينيتي انتي .. انروح لها بريولنا ..
ولاء " تستغرب " : شفيكم ؟ تره عادي كلها توقيع تعهد واحنا رادين
فاتن : عندج العادي .. انه وحده مابي احصل زفه من امي
ولاء " اتمللت " : يـــه صج ما منكم فايدة .. بروح انه بروحي .. نطروني اهني
الجميع : اوك
وراحت ولاء بمفردها لغرفه المشرفه .. ودخلت
ولاء " رايقه " : هاي
المشرفه " من طرف عيونها " : عليكم السلام
ولاء : مشرفه .. يالله قولي شعندج .. ما عندي وقت
المشرفه : اتقولين لي اسامي ربعج الي كانو معاج .. علشان يوقعون تعهد .. " وباسلوب شرط " : او راح اسوي لج استدعاء ولي امر .. اذا ما تبين اتقولين
ولاء " انصدمت وخافت لو ان المشرفه تنفد كلامها وتعطيها استدعاء لولي امرها .. ديك الساعه ابوها ما راح يرحمها " : لا مشرفه .. بقولج الأسامي ..
المشرفه " تطّلع اوراق التعهد من درجها " : يالله قولي
ولاء : فاتن احمد .. منار محمد .. ايمان علي .. سكينة جواد
المشرفه " انتهت من كتابة الأسامي " : خلاص روحي ناديهم علشان ايجون ايوقعون ..
ولاء " تتحرك من مكانها " : ان شاء الله
طلعت ولاء من غرفه المشرفه .. متجها لشلتها ..
ولاء " بفرحة بسيطة ": يالله امشوا وقعوا تعهد
ايمان " تنصدم " : من صجج ؟ ما قدرتي تقنعيها .. يمين يسار
ولاء " تحرك راسها بالنفي "
سكينة : اهي شقالت لج بالضبط
ولاء : قالت ليي او اعطيج ورقة استدعاء او اتقولين اسماء ربعج الي كانو واقفين معاج
فاتن : وانتي قلتي ليها اسامينا ؟
ولاء : اي
منار " اتعصب " : شنو على كيفج اهوا اتقولين ليها اسامينا .. انه عندي تعهدات من قبل .. وتالي بيزيدون وبتعطيني استدعاء .. جان ما قلتي اسمي .. او اخدتي استدعاء وفكيتينا
ولاء " تنصدم من رد منار " : شفيج الحين .. ليش بس انه الي كنت واقفه بروحي .. كلكم كنتو شاردين .. ولازم اتوقعون
منار " بعصبية تترك الشلة " : انه ما بروح اوقع .. وسووا الي تبون
ولاء " بعصبية " : وهاي ويهي لين طاح لساني على لسانج بعد اليوم
سكينة لحقت بمنار علشان تهديها وتصلح الوضع ..

ايمان " مستغربة " : شفيها منار ؟
فاتن : صراحة موب عدلة الحركة الي سوتها .. الحين كلنا بنوقع .. وقفت عليها اهي
ايمان : هاي واحنا بعد ربع وجدي .. لو قلنا موب ربع
ولاء " تتحرك من مكانها " : يــــه .. انتو ربع .. كل وحده تبي مصلحتها
ايمان " تناديها " : تعالي ولاء .. ولاء
ولاء تطنشها .. وتروح عنهم ..

:: مدرسة عائشة :::
اسماء تقوم من على السرير : يالله بروح انه اشتري لي اكل .. يوعانة .. تبين اشتري لج شي
حوراء " تدخل يدها في مخباها " : اي .. اشتري لي عصير الربيع
اسماء " تاخد الفلوس من يدها " : اوك .. يالله سي يو
حوراء : اوكيه
وطلعت اسماء من الغرفه واستقبلتها زينة
زينة : كملتو كلام ؟
اسماء " نست زينة " : اووه وانتي من مساعه للحين ناطرتنا
زينة " تهف على روحها " : اي وذبحتوني حر .. ما تحسون
اسماء " تتعذر " : اووه .. سوري .. والله نسيتج .. اخدتنا السوالف
زينة : انزين وين رايحة ؟
اسماء : بروح اشتري لي اكل وبشتري لها
زينة : ايصير اجي معاج
اسماء " تستغرب " : ليش ما بتدخلين تقعدين معاها
زينة " تقطعها بسرعه " : لا ما يحتاج
اسماء " تتحرك من مكانها " : يالله امشي
وبدوا يمشون مع بعض .. ويسولفون
زينة : تدرين شنو احسن شي فيج ؟
اسماء : شنو ؟
زينة : عيونج حلوة
اسماء : عينج الأحلى
زينة : بنات صفنا كلهم يحبونج
اسماء " بغير تصديق " : صج ؟
زينة : اي بعد انتي مشهورة في المدرسة .. وفوقها حلوة وطيبة .. شتبين ؟ اكيد نحبج
اسماء : ما شاء الله .. والله وناسه
ووصلوا للمقصف
اسماء " تتذكر ان حوراء ما قالت لها عن نوعية العصير " : صح حوراء .. اقصد زينة .. حوراء على اي نكهة تاخد عصير الربيع ؟
زينة : مشكّل
اسماء : اوكيه .. اوقفي في الظل وانه بشتري
زينة " تمتثل لطلب اسماء " : اوكيه
واشترت اسماء من المقصف .. الي ما كان مزدحم .. لأن في وقت متأخر ..
ورجعت لزينة .. وفي طريق الرجعه
زينة : انتي اتحبين وسن ؟
اسماء " تنصدم " : اي .. شدراج
زينة : واضح
اسماء " تحرك حجاتها بأستعجاب " : والله ؟ ما دريت ان واضح لهدرجة
زينة " بجرأة " : والمتى بتكرهينها ؟
اسماء " تندهش " : ها ؟! .. شحقه اكرهها
زينة : انتي شحقه ما عندج احساس
اسماء " تزيد حيرتها من كلام زينة " : ليش ؟ شسويت
زينة : انه احبج
اسماء " مو مصدقه " : انزين .. كاني اكلمج واسولف معاج
زينة " بعتب " : واتحسين هاي الشي كافي
اسماء : شتبين اكثر ؟
زينة : ابي احسج قربي .. واتخافين علي ّ .. مثل ماخاف عليج
اسماء : صعب
زينة " بحزن " : ليش ؟
اسماء : انتي بروحج قلتيها انه احب وسن .. وبس .. وانه اكلمج انتي وحوراء علشان ما اكون مقصره معاكم لأنكم اتحبوني
زينة : وانتي ما تحبينا ؟
اسماء " تفتح باب غرفة المشرفه ": عادي
زينة " تصك الموضوع " : ان شاء الله حوراء تقدر ترد الصف مع بداية الحصة الرابعه
اسماء " تتقدم على زينة للغرفة الداخليه في غرفة المشرفه " : ان شاء الله
اسماء " تبتسم بطيبة في ويه حوراء " : يالله قعدي شربي عصيرج
حوراء " تقعد وتستند على خشبة السرير " : شكرا
اسماء " تقعد بجانبها " : حاضرين لج
وقعدت زينة بجانب اسماء على نفس الكنبه القريبة من السرير
اسماء " تفتح كيس الجبس الي اشترته مع الكولا وتبدي في الأكل
حوراء " تطالعها باستغراب " : انتي ما تجوزين
اسماء " تمضغ في الأكل " : همم من شنو ؟
حوراء : شحقه للحين تشربين الكولا
اسماء " تطالع الكولا الي في يدها " : ماقدر استغني عنه
حوراء : عيل زينة قومي زهبي السرير الي صوبي حقها بعد اشوي راح تكون عليه
اسماء " تتضحك ضحكه بسيطة " : ههههههه شدعوه .. ما راح يذبحني
حوراء " تقوم من على السرير بتعب "
اسماء " توقف وتمسك يدها اتساعدها " : وين بتروحين ؟
حوراء : باروح الحمام .
اسماء " تثبت حوراء على الأرض " : ما تبين اوصلج ؟
حوراء : لا ما يحتاج ... ادلي الطريج
اسماء : ههههه اوكي
وطلعت حوراء من الغرفة .. واستلمت زينة اسماء
زينة " تقرب منها " : اقول قعدي
اسماء " تقعد " : اكيد بقعد .. عيل بظل واقفه
زينة : ممكن ؟
اسماء " تشرب في الكولا " : شنو ؟
زينة : احضنج
اسماء " تستغرب من طلب زينة " : اوك
وزينة ما عطلت .. وما نطرت اسماء تكمل من كلامها .. الا حضنتها بكل قوتها ..
اسماء : عدال بتذبحيني موب جدي
زينة " تتركها " : علشان ما تشردين " وتطلع لها لسانها "
اسماء :ههههههه
زينة " تطمع " : انزين بعد طلب
اسماء : اوهو .. شنو بعد ؟
زينة : انه الي بأكلج
اسماء : صدقيني عندي ايد
زينة : لا قصيتهم
اسماء " تفتح فمها " : بس شوي
زينة " تمسك كيس الجبس في يدها .. وتبدي توضعه في فم اسماء ..
اسماء " خجلانه " : زين .. بعدي ويهج عني .. استحي
زينة : شنو تبين اخلي الأكل في عيونج
اسماء " تاكل " : هاي اخر وحده
زينة : اوك " وتوضع الجبس في فمها "
اسماء " تسحب كيس الجبس من يدها " : يالله بس خلاص .. ولي
زينة " تتصنع الزعل " : انه اولي ؟
اسماء : نو واي انتي اتولين
زينة " تمسك يد اسماء برقه " : احبج
في هالحظة دخلت حوراء الغرفه وسمعت زينة اتقول الكلمة .. وانصدمت ..
اسماء انتبهت لها ووقفت مصعوقه .. وقربت لها
اسماء " بأرتباك " : انتي جيتي
حوراء " كاتمة غضبها " : اسماء خليني
اسماء : حوراء
حوراء " بعصبية واضحه على ملامحها " : خليني اتكلم مع رفيجتي
اسماء " تنزل راسها في الأرض .. وتطلع بره " : اوكي
زينة " مع الرجفه الي حركت كل اوصالها " : حوراء لا تفسرين السالفه على كيفج
حوراء " تقرب منها وبصوت مبحوح " : ما توقعتج خاينة
زينة " اتدافع عن روحها " : توني اليوم اقول لها .. اهي ما تدري .. وما قالت لي شي ..
حوراء " تمد يدها لويه زينة وتعطيها كف حار .. جعل زينة تطيح على الكنبه "
زينة " تمسك خدها " : مو بس انتي اتحبيها
حوراء " تهدي من روحها " : طلعي بره .. ما ابي اجوف ويهج
زينة " تقوم بعصبية من على الكنبه وتطلع بره الغرفه "
اسماء جافت زينة طلعت من الغرفه .. ودخلت اهي
اسماء " بهدؤ " : حوراء انه اسفه .. بس ما قلت لها اني احبها .. صدقيني
حوراء " تقعد على السرير " : شسويتي معاها ؟
اسماء : حضنتني
حوراء : اهي طلبت ؟
اسماء : اي
حوراء : وبس
اسماء " تخاف تقول لها كلام اكثر " : اكّلتني
حوراء " اتفتح عيونها على وسعها " : اسماء .. انتي معاي ما سويتي جدي
اسماء " تصارح حوراء " : حوراء .. سمعيني .. انتي اتحبيني على عيني وراسي .. بس ما يعني هاي الشي اني انه احبج .. انه احب وسن وانتي تدرين .. وانه اعتبرج زميله معاي في المدرسة لا اكثر .. ومن حق الزماله الي بينا اجي اسئل عنج واتطمن عليج .. انه احب وسن وما ابي افترق عنها .. ووسن حلفتني لين جافتني معاج بتتركني .. وانه جازفت وجيت لج اليوم .. ولمن جيت لج .. اكتشفت ان هم زينة اتحبني .. وانه ماقدر على جدي .. حبوا وحده غيري ..
حوراء " تبلع الغصة الي وقفت في وسط حلقها " : اوكي اسماء .. شكرا
اسماء " تحمل اكلها " : اتحملي بروحج .. ووصلي اسفي لزينة .. ومابي اكون انه سبب في فراقكم عن بعض .. انتو رفيجات .. اوكي .. بااي
حوراء " تمسح على قلبها " : بايات
.
.
.
بعد نهاية الدوام .. في بيت اسماء :
اسماء تحمل تلفونها وتتصل على وسن : هلو
وسن " بصوت تعبان ومبحوح " : اهلين
اسماء " تستغرب من صوت وسن " : شخبارج ؟
وسن : تعبانة ومريضة ومزكمة وحالتي حاله
اسماء : بل بل كل هاي .. وانه اقول ليش غايبة .. ان شاء الله فيني ومو فيج
وسن : لا كفايه الي فيج .. انتي شخبار ريولج
اسماء " تنبطح على سريرها وتحوس في خصلات شعرها " : اقدر امشي عليها بس اتعورني
وسن : اها
اسماء : انزين قعدي على النت .. اقولج الواجبات الي علينا
وسن : اوكي ما عليه .. اتدربتي اليوم ؟
اسماء : اذا على المسرحية اي اتدربت
وسن " تعطس وتبعد فمها عن التلفون " : وشنو قالت المعلمة
اسماء : عجبتها
وسن : الحمدلله
اسماء : انزين اذا تعبانه ريحي وقعدي متى ما تقدرين على النت
وسن : لا ريحت خلاص .. بقعد الحين
اسماء : اوكيه .. قربي ويهج
وسن " تبتسم " : مالي خلق اسماء
اسماء " تبوس في الهوا وكأنها لوسن " : وصلتج ؟
وسن " تخجل " : اي وصلتني ..
اسماء : يالله روحي قعدي .. بااي
وسن : باي حبيبتي
اسماء تصك التلفون بكل فرحة .. وتتجه للكمبيوتر علشان تكلمها .. وخبرتها بأنها اعتزلت كرة السلة ... والسبب شنو .. ومرة كانو يدردشون مع بعض في السوالف .. ومرة ثانية يدرسون مع بعض ويحلون الواجبات ..
.
:: في بيت ولاء : :
ولاء " خاله التلفون في اذنها وساندته بكتفها .. وقاعده على سريرها وتقصص في اضافير قدمها " : لا تحاولين ايمو .. انتي جفتيها شلون كلمتني .. جاني سويت ذنب عضيم
ايمان : انتي تدرين منار مزاجية وانتي اكثر وحده تعرفيها .. اهي من الصبح مزاجها متعكر .. حتى اهي الي اقترحت علينا ان ما نروح الطابور
ولاء : ولو .. انه قلت ما راح يطب لساني على لسانها .. واهي الغلطانة والي لازم تعتذر موب انه
ايمان : انه قلت .. انتي راسج يابس .. وما منج فايده
ولاء " تطلع قمازتها بشكل واضح " : ادري .. ما قلتي شي جديد
ايمان " محتارة ": عيل بتصل لمنارو اجوفها . يمكن اقدر اغير رايها
ولاء : اب تو يو
ايمان : اوكي يالله باي
ولاء : بايات
وتمسك ولاء التلفون بيدها وتحطه على السرير .. وتكمل في تعديل اضافرها ..
.
.
.
وصولا ً إلى يوم العيد الوطني .. والأحتفال بهذه المناسبه .. منتشر في جميع مدارس البحرين ..

::: بالنسبة لمدرسة عائشة :::
في صف اسماء
اسماء " مرفعه اكمام التي شيرت .. المخططه بالون الوردي الغامق والفاتح .. مع الجينز الواسع .. وخصلات شعرها .. بعضها مرفعتها والبعض الأخر منزلته على عيونها .. وحامله ورقه في يدها واليد الثانيه منظف الزجاج .. وتنظف نوافذ صفها
وسن " تصفق بيدها ل اسماء " : ما شاء الله .. ماقدر على التنظيف .. اتصدقين حطمتي .. شركة اوربت
اسماء " توقف عن التنظيف " : عن الطنازة .. صج ما عرف عدل .. بس ايمشي الحال .. احسن من الغبار
ابرار " تصرخ بصوتها العالي .. على باقي البنات .. وتوجه بعض التوجيهات " : خلوا زينة على الستاير يطلع شكلها احلى .. ليتات الزينة خلو حوالي السبورة .. نبي نفوز اليوم بأحلى صف
شوق " واقفه على الطاولة .. وتعلق الزينة " : جانزين والله احنا الي انفوز .. حراام عليهم .. على ها التعب ما يفوزونا ..
ايات " الحماس ماخدها " : واااااو لين فزنا .. نجهز فلوسنا .. حق الرحلة
اسماء " تقطع حالميتهم " : اقول عدلوا .. احسن من الهدره .. وضياع وقت
ابرار " تنظر لتنظيف اسماء .. وتصرخ في اذونها " : هيكلووو .. نظفي عدل .. لا اقطج من دي الطابق إلى الأرض ..
اسماء " تصك اذونها " : ان شاء الله .. ذبحتيني اوف
وسن " بصوتها الحاد " : هي انتي ابرارو .. لا تقولين ل اسماء هيكلو .. شجايفتها .. جثه قدامج .. شكبرها .. اتقولين ليها هيكلو
اسماء " تفرح .. وتطلع لسانها ل ابرار " : ويوووووووو .. فشلوهااا

::: في مدرسة يثرب :::
الاء " تنظر لورقة الأعلان .. وبخيبة امل " : ماااااالت عليهم .. طل ماااالت عليهم .. كل المدارس من الحصة الثالثة .. ايبدي احتفالهم .. واهم بيبدون من الحصة الرابعه .. شها التخلللللف
اسراء " تلف ويها بترقب .. واتمزق الورقه " : ويوووو .. بنجوف اعلانهم من الي بيقراه الحين
رزان " ترفع مريولها " : شيّل عليها ..

وركضوا الثلاث .. بخوف ان احد يكتشفهم .. ويهزئهم .. ومن اوراق التعهد ما يحرمهم ..
الاء " توقف عن الركض وتتنفس بصعوبه " : تدرون بنات
اسراء : شنو
الاء : بت خالي .. اسمائو .. مدرستهم قالوا لهم لبسوا ملابس عاديه .. موب احنا بالمريول
رزان : اصلن كل المدارس اليوم عندهم وجأن العيد .. بس احنا .. تدرين ليش ؟
الاء : ليش ؟
رزان : لأن بنات دي المدرسة ما ينعطون ويه .. وقليلات ادب .. من جدي ما يرضون لنا
اسراء " تهز راسها بالموافقه على كلام رزان " : اهااا
الاء " تنظر ل رزان " : اتصدقين اول مرة اتقولين كلام سليم ... ويصدق
رزان " بفخر " : احم احم .. انه طول عمري اقول كلام سليم .. بس انتو ما تصدقوني .. شسوي فيكم ..
اسراء " تمسح على ظهر رزان " : واعليه عليج ... ظالمينج ها
رزان " تتصنع الحزن " : ايي
اسراء " تضرب رزان ضربه قويه على ظهرها "
رزان " تصرخ " : آآآآآآآآآآي .. ايا السخيييفة .. كسرتي ظهري
اسراء " بضحكة استهزائية " : هههاااااااي .. هاي مثال حي .. على ان احنا ظالمينج
رزان " تمسك ظهرها بألم " : خليتي المثال .. مثال جامد .. ضروري اتسوينه كائن حي
اما الاء فكانت غارقه في نوبة من الضحك على شكل رزان .. وعلى حركة اسراء الغير متوقعه ..

::: مدرسة عائشة :::
وبعد مرور اول حصتين بسلام ... الحصة الثالثة ..كانت رياضة
شوق " تمدد ذراعيها بتعب " : اوووه اول حصة رياضة ما بنلعبها
ايات " براحة نفسية " : اي والله راااحة .. على الأقل ما بتخليني ادور خمس مرات على الملعب
وينصدمون البنات .. بدخول معلمة الرياضيات الصف . وانرسمت علامة التعجب .. على روسهم
ابرار : معلمة علينا رياضة الحين
معلمة الرياضيات بعصبية " : قعدوا قعدوا مكانكم .. انه اخدتكم .. لأن معلمة عبير ما بتعطيكم شي .. واحنا متأخرين في المنهج
اسماء " تتحلطم بصوت منخفض ل شوق " : بللللل وهاي احنا باقي لنا صفحتين .. قالت متأخرين .. عيل لو باقي لنا وحده كامله .. شبتقول
معلمة الرياضيات " تبداء تشرح الدرس " : ببرهن لكم عن قاعده المثلث
فاطمة " بصوت منخفض ": عساش تنحصرين بين ضلعين المثلث وما تطلعين
وسن " تخبي ضحكتها تحت يدها "
المعلمة : يالله مريم قولي القاعده
مريم " موب شاطرة في الرياضيات " : اذن
المعلمة " بعصبية .. تصرخ " : شنو اذن ؟
والبنات يضحكون بصوت عالي
المعلمة : احنا المتى لمن انجي انبرهن في البداية انقول اذن .. بما ان
مريم : بما ان " وتشير توقف "
المعلمة : اتحجي .. قولي .. توني شارحة
مريم " تسكت "
المعلمة " تقعد على كرسيها بعصبية .. قلب من لون بشرتها البيضة للأحمر " : انتو حميير ما تفهمون .. وانه الحماارة الي اشرح لكم
ايات " بفرح " : اوه اعترفت انها حماارة
زينب " تدز ايات " : سكتي لا تسمعج ..

ويطقون الباب السكرتيرة ومساعدة المديرة والمديرة .. علشان يطالعون الصفوف .. ويحكمون في النهاية المسابقه .. من احلى صف في التزيين
معلمة الرياضيات " تهدي من عصبيتها " : تفضلو
ناظرو الصف وتبادلوا التعليقات بصوت منخفض .. وسجلون النتيجة في اوراقهم .. وطلعو بره الصف ..
.
.
وبعد فترة يبتدي الحفل ...
وانتبهت مساعده المديرة لوجود صف مفقود في الساحة .. " صف اسماء " .. اتجهت للصف علشان تعرف السالفه ..
مساعده المديرة : استاذه طلعيهم .. بدا الحفل
معلمة الرياضيات " بعصبية " : خلهم يولون .. ما يستاهلون ديلين حفله .. لأنهم موب فالحين في شي
مساعده المديرة : ما عليه .. هاي حفلتهم ما نقدر بعد انسوي شي .. طلعيهم
معلمة الرياضيات : علشانج بس ... " وتوجه كلامها للبنات " :يالله طلعوا
البنات بفرحة تغمرهم .. وكأن باب السجن انفتح لهم .. وخرجوا بركضة .. علشان يلحقون على بداية الحفل ..

:: في مدرسة يثرب ::
صف ولاء
معلمة العلوم .. تشرح الدرس .. وصوتها المغطي في الصف .. والبنات هادئين ومركزين معاها في الشرح ...
م . العلوم : اذا .. الحين عرفنا شنو تعريف الأنقراض ..
وتطلع صوت ضحكة سمر .. الجالسه بجانب ولاء في الصف .. بصوت عالي
م . العلوم " تشد على حاجبيها " : من الي ضحكت جدي ؟
سمر " ترفع يدها .. والضحك مغرقها " : هههه انه معلمة
م . العلوم : ليش جايفة مسرحية كوميديه ..ا و كلامي نكته ؟
سمر : لا معلمة .. موب عليج انتي .. هاي ولاء
ولاء" تدزها " : جوف الخااينة .. بدايتها هاا
م . العلوم " بعصبية " : ولاء .. اوقفي اجوف
وتوقف ولاء ردا لطلب المعلمة : نعم معلمة
م . العلوم : شقلتي لسمر ؟ الي خليتيها تتضحك
ولاء " بكل جرأة " : ماكو معلمة .. قلت ليها نكته .
م . العلوم " تستغرب " : وجايفه المكان مناسب للنكت مالتج
ولاء : معلمة النكته تتعلق بالدرس
م . العلوم : لاا .. حلفي .. اجوف قولي .. خلصيني .. خلينا نضحك معاكم
ولاء " بتردد" : اقول معلمة ؟
م . العلوم " بعصبية " : انتي بتأخرينا عن الدرس .. قولي وخلصينا
ولاء : ان شاء الله . هاي في واحد اسمه نادر .. اتزوج وحده اسمها نادرة .. ولدوا ياهل سموه مهدد بالأنقراض
م . العلوم " تضحك ضحكه بسيطة " : ههههههههههههههه " وتوقف ضحكتها " : احم .. يالله قعدي مكانج .. وعن النكت البايخة .. لا اوصلج للمشرفه .. واهي تتصرف معاج
ولاء " بخوف " : لا معلمة شنو مشرفه .. شنو كارثة .. خلاص ما بعيدها
م . العلوم : يالله قعدي مكانج
ولاء " تقعد على كرسيها .. وتطلع ورقه فاضيه .. وتبدأ في تأليف الشعر.. تاركة المعلمة تتكلم مع باقي بنات الصف .. وتشرح لهم "
معلمة العلوم انتبهت لأنشغال ولاء لشئ على طاولتها .. وتقدمت من ناحيتها بهدؤ
ولاء " حست بظل على الورقه .. رفعت راسها وانصدمت بالمعلمة "
المعلمة " بصرخه " : شتسوييين ؟
ولاء " تنقز من مكانها .. وتسرع بناحية السبورة .. "
حركتها جعلت البنات .. يغرقون في الضحك على شكلها وحركتها
م . العلوم " تحمل الورقه " : ياسلام .. شكاتبه فيها
ولاء " تركض وتسحب الورقه من يد المعلمة " : موب شغلج
م . العلوم " تفتح عينها على وسعها " : نعم ؟ شقلتي ؟
ولاء " تطالعها من غير اكتراث ": الي سمعتيه .. كاتبه شعر .. شحقه اترزين ويهج .. على فكرة اهو موب لج .. يعني ما يخصج
م . العلوم : انه سمعت انج ما تستحين على ويهج .. الحين اثبتين هاي الشي
ولاء " بفخر " : اطرائج بهذا الأمر اعتبره مدح ليي
م . العلوم " تنظر لها بقرف .. وتتجه للسبورة .. وترجع لشرحها للدرس "

:صف الاء :
بنات صفها .. يملون ارضية الصف .. بالصابون والماي .. متصنعين تنظيف الصف .. ومن ناحية اخرى في بالهم تأدية المعلمات ..
وتدخل معلمة الأنج الصف .. بحركة سريعه ..وعدم انتباها للماي المنسكب على ارضية الصف .. خلاها تنزلج .. وتطيح
البنات حققوا الي يريدونه .. وبدوا في الطنازة على المعلمة والضحك بصوت عالي ... إلى ان وقفت المعلمة على رجليها مرة ثانية ... وهزئتهم .. على الحركة الي سووها .. وعاقبتهم .. بتنقيّص كل بنت .. درجتين
الاء " تحتج " : من كثر درجاتنا علشان تنقصين كل وحده درجتين .. ما يصير
رزان : والله محد قالج معلمة اتجين تركضين .. دخلتي بهدؤ .. ماراح تنشطفين
اسراء : احنا من حقنا انظف صفنا .. حق الحفله .. وموب مسوين شي غلط .. ومستأذنين من الأدارة .. واهما الي اعطونا الأغراض
المعلمة : خلاص خلاص .. ذبحتوني .. ما بنقصكم
الاء " بغرور . ول اسراء " : غصباً عنها
اسراء " بفخر.. ول الاء " : عبالها بنسكت عنها

::: في حين في مدرسة عائشة :::
ابتدا الحفل .. وابتدت فقراته .. وكان في احسن صورة واحسن حفل ..
معلمة عبير تذيع في المايك : بنات .. عندي لكم خبر .. اهوا موب مفرح .. "وتبدأ تقرا في الورقه .. الي حاملتها في يدها " : بنت وحده .. راح تتركنا ذي السنة .. بنت وحده وعدت ووفت ... ادت الي عليها .. واكملت كل واجباتها .. الكل يعرفها .. والكل يحبها .. بنفتقد حسها .. في احلى شي تقوم ابه .. عرفتوها ؟ اسماء .. لاعبة منتخب مدرستنا والكابتن ... اصابتها في ريلها اليسار .. حرمها من مواصلة كرة السلة .. وقدمت عزلها من العب .. وبكل اسف احنا قبلناه .. نتمنى لها السلامة .. وراح انكرمها .. على الي قدمته وسوته للفريق ... تحية كبيرة لها .. ل اسوم حبيبتنا

البنات كان الخبر مثل الصدمه الكهربائية .. صعقهم .. كلهم وقفوا وكأن احترام لمجهود اسماء الي تبذله ... وشجعوها بتصفيقهم العالي وتصفيرهم ..
اسماء ما خبت دموعها ... واتقربت من معلمة عبير .. الي كرمتها ومدت لها شهادة شكر وتقدير لها .. وعطتها ميدالية محفور عليه اسمها ورقمها 5 في كرة السلة .. لبست اسماء الميدالية .. وسمحت لدموعها تنهمر واهي تنظر للي يشجعوها بفرح .. واتقدمت معلمة عبير منها وحظنتها ..
.
.
وبعد فترة .. تذيع معلمة عبير عن المسرحية الي تنعرض : والحين نترككم مع مسرحية . من اشراف معلمة سميرة معلمة العربي .. بعنوان بنات اخر زمن .. تقوم ببطولتها كل من اسماء في شخصية محمد .. ايات في شخصية نور .. والباقي تتعرفون عليهم من المسرحية ..
وبتشجيع البنات ... دخلوا الممثلين المسرح .. وبدوا في تأدية المسرحية ..
اسماء " محمد " تتقدم من شلتها وربعها : هلاا بالربع
ابرار " فراس " ترفع يدها لها : هلا والله بالرومنسي
اسماء " محمد " تقعد بالجلسة : امم .. شمسوين بعد
زينب " بدر " : اقول حموود .. قولنا اخر اشعارك او اغانيك .. خلنا نتونس
اسماء " محمد " بضيق : ما عندي مزاج للضحك والفرفشة
ابرار " فراس " تعدل من قعدتها : ليش ؟ شصار ؟ زعلان مع الحب
اسماء " محمد " بعصبية : تصدقون كل الي كانت اتقوله ليي جذب
زينب " بدر " تنصدم : يعني بدل مو انت تلعب عليها اهيا لعبت عليك
اسماء " محمد " بقهر : ايي .. جانزين ما حبيتها ولا اعيش هالعذاب من بعدها
ابرار " فراس " اتغير الموضوع .. وتمد ل اسماء الجيتار " : اقول ما عليك منها .. يود يود ... غن لنا الأغنية الي الفناها عنهم
اسماء " بتردد .. وتمسك الجيتار " وتغني : dont care about girl
if you want go to hell care about girl:
if you wont feel lonely .. care about girl
if u wanna live right .. dont care about girl
if u wanna live strong .. dont care about girl
just dont care about girl
dont care about girls

ابرار وزينب بصوت واحد يكررون العبارة .. مع التصفيق :
Don’t care a bout girl

وواصلوا في اداء المسرحية .. في حين وسن وفاطمة يتساسرون مع بعض ..
وسن : صوتها حلو الدبة
فاطمة : تعرف بعد اتغني انج وكل تقول ما تعرف انج الجذابة
وسن " بمكر " : هاي اكبر جذابة .. بس مادري شلون كل اصدقها انه
فاطمة : ههههههههه .. حرام عليج موب لهدرجة
وسن : بس مو جأنها اهانتنا بأغنيتها دي .. لا تهتم للبنات ..
فاطمة " اتأيدها " : امبله .. بس حلوة الأغنيه ما عليه
ويلتفتون للمسرحية الي نبهّهم صوت صرخة

اسماء " محمد " بعصبية : هاي الي عاجبج .. جوفي شكان بيسوي لج
زهرة " خالد " : انت اسكت ... وش دخلك .. بيني وبينها
اسماء : اتحمل تلمسها
زهرة : تهددني مع ويهك
اسماء : جان انت ريال ... واجهني
زهرة " تطلع موس صناعي من جيب بنطلونها الجينز .. وتتقدم ناحية اسماء "
ايات " تصرخ " : لالالالا .. شتسوون ياالمجانين
اسماء " تلف ل ايات .. وتتحرك بحذر " : انتي بعدي ولا عليج
زهرة " تتقدم بالموس ناحية قلب اسماء ... واسماء تضربها ضربه قويه على يدها .. طيّحت الموس من يدها .. وترفسها في بطنها .. طيحتها على الأرض "
زهرة " تصرخ وكأنها تنادي احد من شلتها " : عبود .. عبوود .. ساعدني .. عليه
ويلبي عبدالله طلبها والي تقوم بالدور نور " ويحمل مسدس صناعي ويرمي بالرصاصة ويصوبها في قلب اسماء
ايات " في دور نور " تصرخ " : محمـــــــــــــــــــــــــــد
اسماء " تطيّح روحها على ارض المسرح ... وكأنها ماتت "
ويهربون كل من نور في دور عبدالله وزهرة في دور خالد .. ويخرجون عن المسرح
ايات " بدموع مزيفه " : محمد .. محمد رد عليي ّ .. ظلمتك .. سامحني تكفى .. " وتمسك فانيله اسماء وتصرخ " : محمـــــــــد
وتنتهي المسرحية ..

في حين حوراء وزينه جالسين صوب بعض .. ويعلقون
زينة : اقول حور .. لو صج اسماء تموت .. شتسوين ؟
حوراء " تنصدم " : ويلي .. سكتي .. ان شاء الله يومي قبل يومها .. لاتدّعين عليها
زينة " مصره تبي تعرف رد حوراء " : شتسوييين ؟
حوراء : بذبح روحي من البجي
زينة : اممم

::: في مدرسة يثرب :::
ابتدت حفلتهم بمناسبة العيد الوطني .. .
المديرة طلبت للبنات من الفراشات .. ان يجيبون لهم اكلات غير عن العادة والموجود في المقصف .. مثل الذره والدونت .. الخ

الروايه مشوقة وشكلي بتسلى فيها بالعطله

رواية مراهقات الأعدادي .. رواية اكثر من رووعة .. الخسراان الي ما يقراها 10

مشكوورة على المجهووود

» غرف نوم للأطفال رووعة
» اكسسوارات رووعة لغرف البنات
» بناات كل وحدة تكتب 3 او اكثر كلمة اي لغة لاكن مب انجليزي بدون الترجمة ههه